Briefwisseling van Hugo Grotius. Deel 2

932. 1624 Nov. 28. Aan Jan de Groot¹¹.

Binas hodie a fratre literas accipio, parens optime, quarum alteris et tu subscripsisti. Nunc discedunt a nobis amici optimi¹², qui laborem sumserunt non exiguum hiberno tempore deducendae huc uxoris, nulla alia tanti itineris causa, pro quo beneficio gratias satis magnas agere non possum. Ego et antehac coeperam valere meliuscule et post adventum uxoris non parum firmatus sum, manent tamen et tormina et alvi lubricum. Pro eo quod suadet Mosalandius¹³ habeo gratias et videbo an usu opus sit. De interceptis literis quod frater suspica

11 Gedrukt Epistolae p. 778.

12 Meerman en de Bie; zie p. 406 n. 1 en 2.

13 Dokter Maasland; zie p. 408 n. 2.

[p. 412]

tur, etiamsi ita res haberet, minime curandum est: nihil enim scripseram quod publicos oculos metueret, sed siquid posthac significandum erit de privatis negotiis, sequar viam quam monstrat. Valetudo vestrum omnium et amicorum tam morbido tempore valde me recreat. Locum ad Corinthios cuius frater in epistola meminit eo quo explicandum indicat modo explicavi in notis ad Matthaeum¹: sed illud non succurrerat quod isti locutioni egregium est testimonium. Erpennii mors² maius est damnum literarum quam aut dici, aut cogitari queat. Spero non defuturos qui memoriam eius ut par est celebrent. Ego viri amicissimi morte illud tantum consecutus sum, quod describendae non erunt Notae ad postrema Matthaei capita³, quas nunc relegi et auxi. Cornelii nostri curam vobis omnibus commendo.

Res Galliae in melius quotidie procedunt; nam et confecta res est de matrimonio⁴, et aditus ad Vallem Tellinam castellis quibusdam novis tenetur, quiescentibus Helvetiis Romanensibus, postquam et Hispanum vident nihil movere, dum quae in Mediolanensi agro sunt copiae modicae contentae sunt suos fines tueri, et Tiliacus⁵ Bavari rebus attinetur. In pecuniae Regiae tractatores⁶ severa inquisitio est. Inter alios iussus duci in vincula, sicubi reperiatur, Defontis⁷, operum publicorum curator, et socer duorum Legatorum, alterius in Brittannia, alterius in Batavis, Espessaei inquam. Valete omnes quam optime, tu, mater, frater cum coniuge, soror cum marito. Lutetiae 28 Novembris 1624.

Tibi obedientissimus Frater
H. Grotius.

1 Vermoedelijk in zijn aanteekening op Matth, I, 22: ἵνα πληρωϑῆ

2 De Leidsche professor, Thomas Erpenius, die 13 Nov. 1624 aan de pest overleed. G.J. Vossius hield de lijkrede.

3 Zie p. 27 n. 1.

4 Het huwelijk van den lateren Koning Karel I van Engeland met de zuster van Lodewijk XIII, Henriëtte Marie.

5 Tilly.

6 Zie p. 408 n. 5.

7 Jean de Fourcy, thesaurier en superintendent der koninklijke gebouwen. Zijn dochter Maria was gehuwd met Antoine Coiffier de Ruzé, marquis d'Effiat, gezant in Engeland; een andere dochter was gehuwd met den gezant bij de Republiek, d'Espesses.