Briefwisseling van Hugo Grotius. Deel 2

784. 1622 Sept. 1. Aan G.J. Vossius⁵.

Per virum Illustrem Maurerium libenter valetudinem tuam cognovi, libentius etiam ex literis tuis conspexi quam semper tibi sis similis et nostri memor vivas. Apologetici Latini exemplar⁶ brevi accipies via maritima. Ut legas rogo et bene serves ne tibi malum creet. Iniuriam tibi faciunt librarii qui Historiae Pelagianae⁷ exemplaria huc non mittunt. Valde enim desiderantur, nec quisquam legit qui non aliis commendet. In literis quas nuper per Capitonem⁸ ad te miseram quaeque interceptae sunt haud multum periit: nihil continebant praeter officiosam salutem a me aliisque amicis, nominatim Salmasio, qui Pallium Tertulliani⁹ mirum quam emendatum ad te mittebat. Id tibi postulanti negatum

5 Gedrukt Epistolae p. 69. Antwoord op n^o. 779.

6 Verantwoording; zie p. 76 n. 1.

7 Zie p. 25 n. 1.

8 Hendrik Hooft; zie p. 230 n. 2

9 Zie p. 211 n. 7.

[p. 243]

non iri confido. Vir ipse est amicitia tua dignissimus: doctus supra exemplum, rarae ad hoc modestiae. Onosander non aderat. Sed vellam aurem Rigaltio. De te certiora ac meliora noscere valde aveo: nec quicquam ferme est quod mihi in his malorum reliquiis maiori esse possit solatio. Vale Vir optime. Kal. Septemb. 1622. Lutetiae.