Briefwisseling van Hugo Grotius. Deel 2

764. 1622 Juni 10. Aan Willem de Groot⁴.

Quanquam circa Apologetici³ editionem multa eaque difficillima expendenda veniant, tamen videns quae sit optimi parentis, tua et aliorum amicorum sententia, arripiam eam pro oraculo, Deoque et bonae causae fisus iterum privato periculo causam publicam tuendam suscipiam. Tu da operam ut quae corrigenda sunt corrigantur, quorum nunc partem ultimam ad affinem⁵ mitto; deinde ut acceleretur editio Belgica, simul et Gallica. Nam Latina hic valde procedit et confecta erit, ut arbitror, ante mensem Augustum. Duces Reformatorum ostendunt se illam Taciti⁶ sententiam tenere: tarda si vis quae in commune expostulantur, privatam gratiam cito mereare, cito accipias. Fortius iam pepigit; Sulliacus⁷ pacisci dicitur; Rupellae discordatur. Hinc multi pacem brevi exspectant, quod utinam sit. Amicus quidam meus me rogavit ut diligenter explorarem historiam de repertis apud nos dioptris. Repertores dicuntur duo fuisse sub idem tempus Alcmariani, ambo, ni fallor, Anabaptistae⁸. Poterit hac in re adiumento tibi esse Forestius⁹, aut si quem alium habes indidem domo. Is qui me hoc rogavit est Peiresius¹⁰, qui valde scire velit et nomina illorum et fortunam et qua occasione in id cogitationis devenerint. Vale, mi Frater. Breviores has facio literas, quia multis scribendum habeo et tamen quominus nunc ad te scriberem differre non potui. Saluta parentes et amicos. Lutetiae 10 Iunii 1622.

Tuus Tui amantissimus Frater
H. Grotius.

4 Gedrukt Epistolae p. 765.

3 Verantwoording.

5 Nic. van Reigersberch; zie n^o. 766.

6 Tacitus, Ann. I, 28, 21.

7 Zie p. 221 n. 7 en 9.

8 Over de uitvinding der verrekijkers zie C. de Waard jr., De uitvinding der verrekijkers, 1906. De Twee Alkmaarders zijn Cornelis Drebbel en Jacob Metius. Verder worden in dit verband genoemd Zacharias Janssen en Hans Lipperhey.

9 Of Jacob van Foreest (zoon van Dirk en Maria de Groot), secretaris van Gecomm. Raden van Westfriesland en het Noorderkwartier, òf zijn halfbroer Adam (uit het tweede huwelijk, met Catharina Adams) ontvanger der gemeenelandsmiddelen, en burgemeester van Alkmaar.

10 N.C. Fabry de Peiresc.