Briefwisseling van Hugo Grotius. Deel 2

606. 1620 Oct. 8. Aan G.J. Vossius².

Amicorum optime.

Deo gratias ago, tibi gratulor quod a constante sententia veterum Christianorum nullis procellis te passus es abduci, quodque iam aliqua tibi assiduorum certaminum intermissio contigit³. Det idem Deus ut paulo tranquillius posthac sacris studiis possis indulgere. Nam quae ad Latinam linguam⁴ pertinent, si recte se habet mea coniectura, iam publicata sunt, qua tamen de re certi aliquid intelligere pervelim, et quid nunc rerum agas. Libris tuis nimium inverecunde abutor; sed remittam simul intellexero te aliquid moliri quod eorum usum desideret; malo enim cuivis molestus esse quam studia tua impedire, cum alioqui nulli libentius sim debitor. Age quaeso libere mecum vel in hoc ne mihi mea libertas displiceat.

Constitui te pridem ἐργοδιώϰτην meum: quare rationem tibi reddam mei laboris. Praeter ea quae patrio sermone scripsi⁵, quae tibi visa puto, in Novo Testamento⁶ totus fui: iamque annotando et quae ad rem facere videbantur excerpendo undique rem perduxi ad finem τοῦ ϰατὰ Λουϰᾶν. Nunc quae scripsi revolvo, circumcido, augeo. respiro denique, antequam ad Ioannem pergam. Quin et hoc dubito an quae e Stobaei Physicis et Ethicis verti⁷, quaeque mantissae loco accesserunt, ante mihi describenda sint quam ad Iohannem manum admoveam, ne quid relinquam affectum. Nam ut sperem mea ab alio quoquam recte posse describi frustra sit; adeo peius scribendo proficio. Sed tum hac in re tum in aliis omnibus rogo si sine incommodo ac periculo tuo fieri potest nutantem me regas. Scis enim quanti consilia tua facere soleam. Uxorem tuam viri optimi optimam filiam⁸ recte valere spero; tantundem toti tuae familiae precor. Scribe-

2 Gedrukt Epistolae p. 48; Epistolae ecclesiasticae p. 648.

3 Dit ziet op de moeilijkheden, die Vossius ondervond van de Synode te Gouda, 4-19 Aug. 1620, waar zijn zaak behandeld werd. Zij kwam het volgend jaar opnieuw ter sprake op de Synode te Rotterdam, 20-30 Juli 1621. Zie bij N.C. Kist, Handelingen der Zuid-Hollandsche Synode, betreffende de zaak en leer der Remonstranten, 1836; Reitsma en Van Veen, Acta der particuliere en provinciale Synoden, III; Knuttel, Acta der particuliere Synoden van Zuid-Holland, I, alle drie werken register in voce ‘Vossius’. Verder Brandt, Historie der Reformatie IV p. 309 vv., en ook de brieven van Vossius hierachter n^o. 668 en 691.

4 Zie p. 28 n. 6.

5 Bewijs van den waren godsdienst, zie p. 26 n. 6.

6 Zie p. 27 n. 1.

7 Ze zijn opgenomen in de p. 15 n. 4 genoemde uitgave.

8 Zie p. 29 n. 3.

[p. 36]

bam haec iam duos et quod excurrit annos seclusus a re mihi desideratissima amicorum consuetudine. Omnipotens ille tandem omnia publica privataque ad felicem exitum perducat, ad laudem nominis sui et tutelam salutiferae veritatis. Cuius salutari gratiae te tuos tuaque omnia commendo. Lupisteni 8. Octob. 1620.

Tuus
H. Grotius.