Briefwisseling van Hugo Grotius. Deel 1

461. 1616 Juli 1. Aan G.J. Vossius¹.

Vir Clarissime.

Tam invitus libellum tuum de Imperio circa Ecclesiastica dimitto, ut hoc quoque inter causas fuerit cur tam sero tibi respondeam. Pergo enim in opere nuper inchoato², sed tarde procedo propter intercurrentes occupationes. Soleo autem saepe ad tua meditata recurrere, quod videbis ex lemmatis a me in margine annotatis. Sed nolo mei commodi causa offendi a te Utembogardum. Sed rogo operam des ne quid mihi praeter usuram pereat. Habeo multa de quibus conferre tecum liberet, si aut mihi ad vos, aut tibi ad nos liceret transcurrere. Si pagellae primae Poëmatum recuduntur³ - quod omnino est necessarium - cogita an non in metricam legem peccet ille Tetrameter Qui sacro renuntiatis coetui repudium⁴. Scribunt quidem Graeci iurisconsulti, quin et Iustinus Martyr⁵ ῥεπούδιον, sed illis hac in re credere minus tutum. Comici mihi videntur corripere secundam, ideoque mirum non est in aliis versibus eam vocem non occurrere. Certe tripudiis quoque secundam in Galliambo corripuit Catullus⁶. Si ita sentis, et serum non est, posset rescribi: Qui repudium Christiano nuntiatis coetui. Cogitaram an pro repudium ponerem divortium; sed non memini me legere divortium renunciari. Videtur enim haec phrasis repudio propria. De Comaste scripsi nuper⁷. Epigrammata ex Theocrito in libello Epigrammatum meorum reperies⁸, quanquam dubito an unum de sacello⁹ elegans satis, sed cui spurci aliquid sit admixtum, omitti sit satius. Sumus enim εὐδιάβλητοι. Ego te harum rerum Aristarchum facio,

1 Gedrukt Epistolae p. 33. Antwoord op n^o 459

2 Zie p. 515 n. 2.

3 Zie p. 514 n. 3.

4 In ‘Eucharistia’, Silv. lib. I (Poemata p. 14). Het vers luidt aldus: ‘Et repudium Christiano nuntiatis coetui’.

5 Migne, P.G. 6 p. 444.

6 Catullus 63, 26.

7 Zie p. 516 n. 1.

8 In de Poemata p. 337-339.

9 Het Priapeische gedichtje: ‘Quo via per quercus’, dat Vossius echter niet geschrapt heeft, Poemata p. 388.

[p. 518]

ὀβέλιζε quantum ex usu videbitur. Acta legatiunculae nostrae¹ typis data Haga exspecto. Vale Vir doctissime et bene rem gere. Cal. Iuliis 1616. Rotterodami.

Tuus totus
H. Grotius.

1 De ‘besending’ van de regeering van Amsterdam door vijf leden der Staten van Holland, waarbij Grotius het woord voerde in de vergadering van 23 April 1616. Zie Brandt, Historie der Reformatie II p. 344 vv.; Rogge, Wtenbogaert II p. 234 vv. Zie verder Knuttel n^o. 2248-2252; Rogge 81-86.