Briefwisseling van Hugo Grotius. Deel 1

[p. 428]

435. 1615 Nov. 29. Aan B. Aubéry du Maurier¹.

Illustris Domine.

Naves vento secundo ab urbe S. Sebastiani huc advectae, mercatorumque literae una venientes, certo nuntiant peractum utrumque coniugium², eadem in urbe. Dies nuptiarum fuit nonus Novembris. Praesentes fuere, praeter bis binos coniuges, Rex ipse Hispaniae, et Galliae Regina mater; neque una die ac nocte amplius cessatum. Nam postridie Rex Galliae cum nova Regina, ac matre, iter Baionam versus instituit. Solennia ut properata, ita neutiquam pro coniugum magnitudine. Haec sunt, quae ad nos perlata, te celare non potui, suspicatus non potuisse eandem famam terrestri itinere ad vos multo celerius pervenire. Deus optimus maximus et haec, et quae secutura impendent, in Galliae nostrumque bonum, et si fieri potest, pacem Christiani Orbis vertat. Idem te, Vir Illustris, incolumem diu florentemque servet, amicitiae in nos Regiae fidelissimum pignus. 29 Novembris 1615.

Tuae, qua me donasti, iconi hos versus³ adscripsi:

Docta tabella refers hominem, qui rectius ipse

Magnanimum Regem, cuius imago loquens.

1 Gedrukt Epistolae p. 32.

2 Zie p. 394 n. 3.

3 Niet in Grotius' Poemata herdrukt. Zie L. Aubéry du Maurier, Mémoires (1697) p. 439.