Briefwisseling van Hugo Grotius. Deel 1

210. [1611] Aug. 4. Aan J. Rutgersius³.

Legi, quanquam occupatissimus, Observationes tuas, doctissime Rutgersi, et rerum ἀξιομνημονευτῶν varietate, et, ut haec abesset, tamen admirabili lepore ac festivitate dictionis ita conditas, ut vel ob hoc unum legi debeant, quod Latinas Veneres ostendunt saeculo alioqui inficeto. Inter caeteras emendationes illa in Lucanum longe certissima est⁴. et mihi nuper in lectione eius Poetae idem in mentem venerat. Sed postquam egi cum memoria mea, invenio iam ante me tuam super eo loco sententiam intellexisse. Ita quod mihi primo tanquam meum imposuit, nunc hoc ipso magis placet, quod tuum est. In Hylam⁵ coniecturae cum eruditissimis certant. itaque ardeo videre et caetera. nulla lis tam gravis, nulli libelli tam serii, quos non excussura sit mihi de manibus Rutgersii pagina. Baudius scazontes suos⁶, quibus δυσεραστίαν suam ulciscitur, editurus est: sed tentabit praefatione persuadere hominibus, experiri se voluisse, numquid satis commode posset tutari partes amantis, ne quis ibi serium quicquam suspicetur. Mylius satis mihi placet, et est minime ἐριστιϰὸς. si ita nunc sint homines, vilis futura sit advocatorum annona. Sed queritur duris se imperiis premi⁷. IV. Augusti.

Tuus ex animo
H. Grotius.

3 Hs. U.B. Leiden, cod. B.P.G. 77. Gedrukt Burman, Sylloge II p. 380. Antwoord op n^o. 209.

4 De eenige emendatie van Rutgersius, die Grotius in zijn Lucanus-editie vermeldt, is op III, 564: percussae capta cohaeret.

5 Zie Rutgersii Variae lectt. III c. 8.

6 Scazon, sive Lessus amatorius, in Baudii Amores door Scriverius uitgegeven (1638) p. 33.

7 Mevrouw van der Myle (Maria van Oldenbarnevelt) was geen beminnelijke vrouw; ‘une méchante femme qui le tourmente beaucoup’, zegt Carleton. Cf. Van der Vecht p. 9.

Adres: Doctissimo atque ornatissimo Iuveni Iohanni Rutgersio.