Briefwisseling van Hugo Grotius. Deel 1

209. 1611 Juli 19. Van J. Rutgersius¹.

Amicissime et amplissime Domine.

Quod a me petebas cum Hagae essem, id nunc praesto, hoc est Lucanum mitto. Adiunxi ei unum e sex libellis Variarum quas paro², quem si vacas a te legi velim. Neque hoc tantum, sed et gravissime censeri. Si quid sit, quod opinioni nostrae firmandae facere videatur, id ut asscribas rogo. Unice desiderabo sententiam tuam, qua aut prodibit aut premetur quicquid est quod hic praestare conati sumus. Quod si in mitiorem sententiam inclinabis, ut quae pereant indigna putes, ut quam accuratissime castigata prodeant curabimus, praesertim cum eorum primus sub clarissimi nominis tui luce proditurus sit. Vale clarissime Domine, et ignosce, quod hoc insiticio labore nobiliores curas tuas diffindere ausus sim. Simul asscribas velim, quid de eo Lucani loco³ censeas pag. 304: Inde plagas Phoebi, quem ὀβέλιζει Scaliger; peccat enim in versum?

1 Afschrift van de hand van Dr. H.C. Rogge. Beantwoord door n^o. 210.

2 De Variae Lectiones van Rutgersius kwamen eerst 1618 uit. Geen der 6 boeken is echter aan Grotius opgedragen.

3 Pharsalia X, 307.

[p. 180]

Avunculus meus¹ plurimam salutem asscribi iussit, et ut maturentur rogat, quae ad testamentum illius spuriae spectant. Iterum vale. XIX Iulij 1611 scribebam in inclyta Batavorum metropoli².

Tibi obligatissimus
Rutgersius.

1 Rutgersius' moeder was Kornelia Muys van Holy, dochter van Jacob, en zuster van Arend en Hugo.

2 Dordrecht. Zie Rutgersii Variae lectt. I c. 13.