Briefwisseling van Hugo Grotius. Deel 1

167. 1609 Aug. 4. Van Max. de Hornes⁶.

Cum nil mutuum dari soleat nisi spe idem in genere suo idem recipiendi, tandem mi Groti Erasmi libellum tuum remitto, quem utendum sane non possidendum dederas. Fateor me ita lentum in relegando illo fuisse ut vix illegitimae usurpationis notam effugerim, usufructum quidem illius mihi concesseras, sed solummodo usufructum, quem scio a iurisperitis definiri ius alienis rebus utendi, fruendi, sed ad tempus legibus definitum, et salva rerum substantia. Sed heus usucapionis potius titulum me mihi adsciscere viderer, ni in integrum iam restitutionem pararem, adiectione alioquin dominii per continuationem possessionis periculum fuisset ne in illum tandem ius usurparem. Quidquid id sit, agnosco

6 Hs. U.B. Amsterdam, cod. 30 Z. Maximiliaan de Hornes, heer van Lokeren, was 1601-1613 gouverneur van Heusden. Cf. Ten Raa en De Bas, Staatsche leger III, 272.

[p. 147]

culpam, quam primo nostro occursu amica me libatione expiaturum spondeo. Vale et amicitiae hostimentum redditum puta. Hoesdae Prid. Non. Aug. 1609.

Tuus quamdiu vixerint Musae
Maximilianus de Hornes.

.... vander Mylio¹ (salutem) amicissimam.

1 Een hoekje van den brief is afgescheurd.

Van andere hand: (In)scriptio erat (Monsieur) Grotius (Advocat) fiscal d'hollande a La Haye.