Briefwisseling van Hugo Grotius. Deel 1

135. [1608] Mei 31. Aan D. Heinsius³.

Clarissime Heinsi.

Tuningius⁴ noster, et quidem sobrius, spem mihi fecerat adventus tui in hunc diem. Ego multum crucior quod eventus non responderit. Ecce enim literas quas ea de causa penes me servavi. Audio te deliberare num honestissimi viri postulato obsecuturus sis. da mihi veniam: si ea de re dubitas, parum amice facis. potes enim duobus summopere gratificari, et Borelio qui hoc mihi diligentissime iniunxit, et mihi qui alioqui habiturus sum iter fastidiosissimum. Et, si libere loquimur, quid utrique nostrum commodius accidere potest, quam

3 Hs. U.B. Leiden, cod. B.P.G. 77. Gedrukt Burman, Sylloge II p. 415. Het jaar volgt uit de brieven over Boreel's huwelijk, n^o. 131 vv.

4 Jan Tuning (de broer van professor Gerrit Tuning) heir ‘sobrius’, in n^o. 138 ὑδροπότης genoemd. Zie over hem p. 6 n. 2. Hij was met Heinsius Grotius' bruidsjonker.

[p. 120]

tanto tempore eoque continuo simul vivere et studiorum intermissionem familiaribus colloquiis solari? Procul dubio, iam aliquid scripseris. ego scripsi quod vides carmen minime optimum¹ et in quo facile animadvertes nihil me sponte dixisse, sed quod Philosophi quidam in omni rerum natura putant accidere, tractum materiae necessitate, quo factum est ut sumserim decursorium scribendi genus, et quale, ut puto, neque tu antehac a me legisti, neque ego posthac scripturus sum. Vides quanta sit miseria non ex suo sed alterius tempore Poetam agere. Baudius quoque spem mihi iniecit ἐπιγραμματίου aut ἰαμβείου. velim illi aurem velli. Si Basson² vacat, aut si non ille, alius quivis velim mea cum vestris imprimat; ita ut sub vesperam diei Mercurii³ aut, si fieri potest aliquanto ante parata sint, ut ea nobiscum feramus. σύν τε δυ᾽ ἐρχομένω⁴, melius nobis conveniet quam heri atque hodie Gomaro et Arminio⁵. Utinam tantum apud te possim, ut cras te videam. Nisi admodum necessariis detinerer, iam ad te transvolassem. Fac aliquid quaeso mei causa. 31 Maii.

Tui ingenii admirator
H. Grotius.

1 Zie p. 118 n. 7.

2 Vermoedelijk Thomas Basson, de Leidsche uitgever, die ook Grotius' Christus patiens uitgaf. Er is in dezen tijd ook een uitgever Godfried Basson.

3 Woensdag 4 Juni.

4 Homerus, Il. Κ 224.

5 Zie n^o. 137.

Adres: E. hoochgeleerde wijse seer voorzyenige Daniel Heinsius Professeur ende bibliothecaris vande Universiteyt tot Leyden. Loont den bode.