Briefwisseling van Hugo Grotius. Deel 1

71. [1605] Dec. 30. Aan D. Heinsius⁵.

Clarissime Heinsi.

Quod nuper in fratrem huius adolescentis studium ostendisti, idem in hunc ostendas tres simul oramus. Est enim eo iudicio, ut facile intelligat magnum diligentiae suae subsidium in amicitia tua fore. Ego eum talem cognovi, qui tibi dehonestamento futurus non sit. Reliquisti apud me, si forte memineris, Saxonicam historiam, Suevicam⁶ inquam. Eam et siquid aliud apud me tuum est transmisissem nunc: sed nolui ipsi praeter literas quicquam oneris esse. De Bezae carmine⁷ sollicitus sum: quia nec genus carminis, nec tempus invenio: tantum argumentum abunde sufficit, idque ipsum saepe cogitanti impedimento est; si aliter non potero, ubi prima me Musica aura afflaverit, Epigrammate transigam. De Apotheosi⁸ quaeso memineris Mylii causa. Quoties ad nos veneris, et molestum non erit, iuvenis hic non invitus te comitabitur. Interim materteram⁹ tuam a me

5 Hs. U.B. Leiden, cod. B.P.G. 77. Gedrukt Burman, Sylloge II p. 397.

6 Vermoedelijk Suevicarum rerum Scriptores ex rec. M. Goldast. Francfurt 1605.

7 Beza was 13 Oct. overleden. Anapaesti in mortem Bezae in Grotius' Poemata p. 204.

8 Zie boven n. 4.

9 Zie p. 59 n. 6.

[p. 61]

salutatam velim. Et eum, quem nunc incepturi sumus annum felicem tibi, hoc est literis precor. III eius Cal. scribebam.

Tui nominis unice studiosus
H. Grotius.

Adres: Viro spectatissimae doctrinae D. Danieli Heinsio Graecarum literarum, et Poeseos Professori in Academia Lugdunensi.