Briefwisseling van Hugo Grotius. Deel 1

63. 1605 Maart 21. Van G.M. Lingelsheim⁴.

S.P. Opportune mihi missus libellus hic⁵, quo fucus detegitur hominis quem ego veneratus sum semper et studiose colui. Eius te participem facere volui, eaque ratione memoriam mei refricare. Gratum mihi praestiteris officium, si quid de hoc negotio sentias, non dissimulabis. Aversatus sum semper obtrectatores, et eos qui magnorum virorum famae detrahunt: sed huius factum, quisquis est, improbare non possum, cum publice intersit, iuventutem moneri, ne auctoritate tanti viri fucum sibi in re pietatis fieri sinat, et ad devia deducatur. Aveo etiam cognoscere, quando tuarum lucubrationum aliquid habituri simus; imprimis teneor incredibili desiderio, Historiae tuae videndae, de qua mihi spem fecisti; quaeso te, urge opus, nec patere te aliis negotiis avocari, non alia re nominis tui aeternitati melius consulueris et de aetate nostra ac posteritate melius merueris. Quoties autem de Parallelis tuis cogito, indignor socordiae meae, qui non, cum frui istis deliciis datum est, mihi melius prospexerim. Ad nuncium de Nobilissimi Dousae obitu ingemui, eius viri expertus incredibilem humanitatem, et doctrinae reconditae thesauros: tibi amicum ademptum doleo, sed haec lex naturae, cuius tu memor, urge coepta, et de republica ac bonis literis bene mereri perge.

Thuanus nobis promittit viginti praeterea historiarum libros, quibus explicat quaecunque gesta ad annum ineuntem LXXII. ac spem facit, ut sub autumnum proximum edantur. Quam admiror hunc virum, nemini antiquorum posthabendum! neque minor mihi exspectatio de te, quam, obsecro te, ne frustreris diutius. ita

4 Hs. U.B. Leiden, cod. Pap. 2. Gedrukt Epistolae ex bibl. Meelii p. 1; Reifferscheid, Quellen I, p. 650. Beantwoord door n^o. 86.

5 De anonieme ‘Dissertatio de idolo Hallensi’ van Petrus Denaisius, in 1605 verschenen, tegen Lipsius' Diva virgo Hallensis, 1604. Zie Reifferscheid 1.1. p. 693 v.

[p. 54]

valeas ac floreas ad summa quaeque natus. Vale delicium generis humani. Heidelberga. XII Cal. April. ∞ IƆCV.

T. omni studio
Georgius Michael Lingelshemius.

Adres: Clarissimo viro, Domino Hugoni Grotio, Iurisconsulto et in suprema Curia Advocato, Domino et amico suo colendo Hagam Comitis.