Briefwisseling van Hugo Grotius. Deel 1

24. 1601 Sept. 3. Aan J.A. de Thou¹.

Iacobo Augusto Thuano Praesidi ill. H. Grotius S.

Tibi haec² mittuntur, Praeses Illustrissime, qui princeps post Scotiae illud lumen³ redivivam nobis reduxisti Tragoediam⁴, nisi quod et Buchananus ipse in aliis vir maximus a cothurni gravitate degenerasse videtur, ut merito te primum duce postliminio rediisse videatur prisci pulpiti grandiloqua maiestas, ab ipso fortioris authore Tragoediae Aeschylo repetita. Suscipe ductor asseclam tua adorantem vestigia: suscipe Tragoediam et quidem Sacram ad quam scribendam ut exemplum tuum invitavit, ita manifesta deterrere potuit inaequalitas. Sed hoc furibundi fuerat, in quo argumento quis vellet excellere in eo Thuanum sequi, cui quis non ita cedit ut nec ad secundas aspirare audeat? Nos certe carminis gloria nulli non cedimus. Sed iuvit Sacris operari, quod vitio nobis verti non potest de laude non nimium sollicitis. Nannium mortuum intelligo biennio ante

1 Hs. Bibl. Nat. Parijs, fonds Dupuy 836 f. 79. Gedrukt Epistolae p. 1. Antwoord op n^o. 19.

2 Sacra; zie p. 16 n. 6.

3 George Buchanan, 1506-1582, schrijver o.a. van de treurspelen: Baptistes, Medea, Jephthes, Alcestis. Over hem G. Vauthier, De Buchanani vita et scriptis. Toulouse 1886.

4 Het is niet duidelijk, waarop Grotius hier doelt; immers De Thou heeft nooit iets op het gebied der tragedie geschreven. Bij de toezending van een exemplaar der Tragoedia Christus patiens, 13 April 1608, schrijft De Groot hem: ‘cum argumentun inspicio, eius generis quo te delectari maxime saepius ostendisti’. Is het dus misschien enkel belangstelling voor de tragedie, waarop Grotius hier een toespeling maakt?

[p. 20]

foedus inter Hispaniae Regem et Galliae ictum, quod incidisse puto in annum MIƆLIX. Mensis fatalis viro eruditissimo fuit Februarius. Vixerat annos sexaginta et duos. Aliorum lethales horas etiamnum indago. De Cantero iam scripsi. Vale plurimum, Praeses Spectatissime, meque tuum habe. III. Nonas Sept. Anno CIƆIƆCI. Hagae.

Adres: A Monseigneur Monseigneur le Président de Thou.