|
| |
| |
| |
Initivm evangelicae historiae Matthaeo scriptore παραφρασικῶς
Ille ego qui lucris manceps intentus iniquis
Publica collegi prius, & commissa notavi;
Nunc aliud vitae sector genus, altera cordi
Nunc scriptura mihi est, veteresq́. ab origine longâ
MEssichae proavos, formidatámque Tyranno
Tartarino subolem memori committere chartae
Ordior, ut pateat venturis cognita saelis
Tot Vatum miranda fides. Nam carmine prisco
Hunc sibi sceptrigerum Regem, authorémque salutis
Hebraidûm populus promitti saepius audit.
Huic Deus ipse pater divinum nomen Iesv.
Legato Gabriele dedit, jussitq́ue superbo
Conculcare caput plantâ victrice draconi.
Hunc fore Davidis Regali è stirpe nepotem
Pollicitus, solio qui se relocaret avito
Iudaei rector populi, quiq́ue ordine certo
Abrami repetens sanctum genus; adderet omnes
Imperio terras, & habet quot littus arenas,
Perpetuâ totidem gentes ditione teneret.
Nam pater Abrâmus Cananaeis hospes in oris
Vnigenam natum effoetâ genuisse senectâ
Proditur, ex risus materni nomine dictum.
Foederis hic signum bis quartâ luce retectâ
Glande dedit, qui progeniem mos ivit in omnem.
| |
| |
Is patre sacrifico ferventem ductus ad aram
Victima (sed caedem vetuit qui jusserat idem)
Fatidicâ Christvm potuit monftrare figurâ.
Isacus hic Iacobum genuit, majorq́ue minorq́ue
Esavo qui fratre fuit. bissena parentem
Fecit eum suboles, in quâ memoratur Iudas
Imperiis fatale genus. nam semine cretos
Illius occumbens cecinit pater, omne per aevum
Regia gesturos diademata, donec adesset
Spes orbi, populisq́ue Salus. Nurus improba Iudam
Prostibuli Thamyre speciem mentita fefellit
Suffurata genus geminum Zarámque, Pharémque:
Esdromo fuit iste parens: Esdromus Aramo:
Traditur Aminadabs illo genitore creatus
Nassonem genuisse ducem, quem Salmo secutus
Protulit Ephratiä praestantem in gente Boazum.
Ille Mahallonis consanguinitate propinqui
Extorrem viduam duxit Moabitida Ruthen.
His satus Obedes Iessaeum lucis in oras
Prodidit, urbs quo se Bethlemia jactat alumno.
Nascitur hinc Goliae victor, qui ad Sceptra vocatus
Vile pedum posuit: Domino gratissimus unus
Qui fuit in Solymis, & servantissimus aequi:
Si non casta priùs vicisset lumina pulchrae
Bathsabae species, carè nimis empta mariti
Sanguine. Sic satus est inconcessis Hymenaeis
Rex Solomon omni sapientum maximus aevo.
Successor patris Roboas crudelibus usus
| |
| |
Consiliis sextâ vix regni parte potitur.
Inde Abias non patre minùs virtutis avitae
Degener, haeredis sceptrum sibi jure capessit.
Quem sequitur melior binis genitoribus Asas,
Relligionis amans, & templo providus Asas.
Sed nec Iösaphatum pietas Asaea reliquit,
Nec Deus. Hic armis Iudaeas muniit urbes,
Et largis opibus cives, & honoribus auxit,
Finitimis terror populis. succedit Iöras
Impius, & tingit fraterno sanguine dextram,
Indignusq́ue rogo moritur. námque ilia vindex
Vrebat divina manus, poenasq́ue petebat.
Nec melior, cùm par meritis foret ipse parenti,
Ahasiae fortuna fuit, Syrióque sub ense
Amisit, quam dignus erat nec cernere vitam.
Scilicet aerumna haec Christi venientis in orbem
Prima fuit, tali debere propagine nasci.
Cùm gens deficeret patrio Solomontia regno
Nathaniae stirpis successit tertius haeres
Iustus Ioäthamas, primus qui contudit acres
Ammoniae gentis fastus sed filius Achas
Turgidus Assyrio nequic quam foedere sensit
Irato mala mille Deo. generatus ab Achâ
Ezechias ritus Solymis, & sacra reduxit.
Filius Ezechiae vinctus Babylone Manasses
Divinos redit ad cultus, natumq́ue Manassae
Conjurata manus meritum iugulavit Amonem.
Iosia Amoniades conscripti à Mose repertor
| |
| |
Dogmatis, illius fixit vestigia ductus.
Icchonias hujusce nepos Babylonia sensit
Vincula, captivòsque abduci compede fratres
Conspexit, patriaeq́ue urbis ferale sepulchrum.
Zalathielus ab hoc, & Zorobabelus ab isto est,
Qui postliminio Chaldaeis sospes ab oris
Hebraeas vacuis implevit ovilibus aras,
Abjudis, Resaeq́ue parens, avus Elliacimi.
Azori hic genitor fuit, Azorusq́ue Zadoci:
Natus Achimus eo est: patrem hunc Eliude vocabas
Ipse Eleazari genitor, qui sanguinis author
Per Matthana fuit lacobo: patre prosatus illo
Iosephus, Mariam communi sanguine cretam,
Vt lex prisca jubet Mosi conscripta tabellis,
Conjugii auspiciis duxit, propriámque dicavit,
Et sacra conceptis pepigit sponsalia verbis.
Haec Maria est Christi castissima mater Iesu,
Quae puerum peperit divini ex Numinis aurâ
Mensibus exactis jacturam haud passa pudoris.
Quae bene si repetas, generis tres esse videbis
Personis paribus series. nàmque ordine primo
A patre Thariade David bis septimus exit.
Rursus & hunc inter Chaldaeáque vincula stirpes
Invenies totidem. promissum quaerere pergas
Longius ad Christvm, numerum spectabis eundem.
|
|
Auteursrechtvrij