Archives ou correspondance inédite de la maison d'Orange-Nassau (première série). Supplément

51.
La Huguerye¹ au Prince d'Orange († ms.). Sur les dispositions du Prince de Condé.

Monseigneur. Ayant esté depuis la deffaicte d'auprès de Numegen six jours és environs de là pour sçavoir que² Monsieur le Conte Ludovic, mon maître, estoit devenu, et estant retourné en ceste ville rapporter à Monsieur le Conte Jean ce que j'en avois peu apprendre, tost après luy vindrent des nouvelles que les François estoient prestz à passer la Moselle, pourquoi il me commanda d'y aller et de les amener à Carpen. Suyvant quoy, estant arrivé auprès

1 En comparant cette Lettre avec le numéro 54, on voit qu'elle ne sauroit être que de lui et qu'elle doit avoir été écrite en mai 1574.

2 ce que.

[p. 164*]

⁺d'eulx avec tous les dangers du monde, à cause des paysans levez par commandement de leur Seigneur, j'employay toutes les raisons que je peu pour leur persuader de ce faire, non obstant quoy ilz ne laissèrent de rebrouser chemin, et après avoir esté quelque jours avec eulx, enfin ilz me dirent qu'ilz estoient résoluz de ne passer oultre, que le Duc Christoffele, qui les avoit venir, ne leur mandast, ou son père, ou son frère; qui fut cause que j'allay vers eulx à Heydelberch, pour leur faire entendre et les en supplier, ce que toutesfois ilz ne trouvoyent expédient qu'ils feissent, pourquoy la retraicte du Prince de Condé avec le Sieur de Toré au dit lieu me donna occasion de l'¹ employer à cest effect, ainsi que, tost après les avoir supplié, il me commanda de faire moy mesmes les lettres au Colonel [Dische], lesquelles luy aiant présenté et aux capitaines et fait entendre davantaige tout ce qu'il m'avoit commandé leur dire de bouche, ilz me répondirent résoluement que, quant bien il les y vouldroit luy mesmes mener, qu'ilz ne le feroient pas; parquoy le Duc Casimir en feist choisir cent de² meilleurs pour garder sa Maison, ce dict-il; encores qu'on s'apperçoyve assez que c'est à autre fin, et le dit S^r Prince a faict retenir le reste pour s'en servir d'où il est venu, s'il en est besoing. V. Exc. pourra voir, s'il luy plait, quelle affection il porte à la prospérité de vos affaires, par sa lettre que j'ay retirée exprès pour la vous envoyer, et par les autres lettres que je le suppliay d'escripre au S^r de Poyet, pour le faire continuer et tous les autres de sa nation au service de vostre Excellence et aux Estatz de Hollande et Zélande, pour leur donner courage après ce désastre; lesquelles j'ay esté commandé d'envoyer à

+ 1574.

1 le, c. à d. Condé(?).

2 des.

[p. 165*]

⁺v. Exc. par ce porteur exprès, affin que de bonne heure elles portent le fruict qui en pourra réussir, pendant que Monsieur le Conte Jean est à Heydelberch avec Chombert¹. Et croy qu'avant qu'en partir, il aura receu seize mil escuz, ainsi que Frégouse, à son partement de là le dernier d'apvril,² qu'il les apporteroit dedans douze jours qu'il espéroit y estre de retour. Mon dit S^r le Conte Jéhan employe tous les moyens qu'il a de satisfaire à vostre volunté pour vous secourir et trouva hier, en venant icy, le S^r de Breille, l'allant trouver en diligence pour lui faire entendre qu'il y a deux hommes de bien desquels³ a deux mil chevaulx prest, quand on vouldra, et l'aultre en peut avoir en peu de temps encores autant davantaige, et oultre le debvoir où il se mest de son costé, v. Exc. se peut asseurer que, depuis la retention⁽¹⁾ de Messieurs le Duc d'Alençon et de Monmorency et du Roy de Navarre et la retraicte du Prince de Condé et du S^r de Toré, les affaires sont en tel estat en France au désavantaige du Roy, qu'il recherce tous moyens d'accord et a envoyé vers les Suisses pour les prier de s'en rendre moyenneurs, et pareillement vers Monsieur l'Électeur, se remectant à tout ce qu'il en fera avec le Mareschal de Retz, qui retourne de Pologne exprès et qui est à présent, comme je croy, arrivé à Heydelberch. Le dit S^r Électeur a mandé à S.M. par le dit Frégouse, qu'il ne voit que deux moyens de bien composer toutes choses, sçavoir une liberté d'exercice de la religion généralement partout et après qu'on se sera retiré, chacun chez soy, une convocation d'Estatz

+ 1574.

1 Schonberg.

2 Un mot semble omis.

3 l'un sous-entendu.

(1) retention: T. IV. p. 375.

[p. 166*]

⁺pour entendre les plaintes des subjects et y pourvoir: le Prince de Condé s'est exprès retiré de Heydelberch à Strasbourg, pour veoir quelle fin ceste négotiation prendra, et m'a asseuré qu'il ne fera rien qu'au préalable il n'en ait veu l'issue, me commandant qu'en tout avénement¹ j'asseurasse v. Exc. qu'en tout ce que dépendroit de luy, il avanceroit voz affaires, tant que luy seroit possible, comme aussi tel est l'intention du dit S^r Électeur, en traictant de la paix et de la ligue que le Roy espère avec luy par ce moyen; de sorte que, s'il plaist à Dieu continuer ces affaires là, suyvant ceste disposition, il y a grande espérance que vostre Exc. sera secourrue à bon escient de ce costé là et veu aussi ce que dernièrement le dit S^r d'Alençon....²

+ 1574.

1 événement.

2 La copie est inachevée.