Archives ou correspondance inédite de la maison d'Orange-Nassau (première série). Supplément

[1573]

42.
..... au Prince d'Orange († ms.). Négociations avec la France.

*_** Ce fragment paroît se rapporter aux négociations du Comte Louis de Nassau avec le Duc d'Alençon et le fils de l'Électeur Palatin, au printemps de 1573 (T. IV. p. 70*, 79*, etc.).

Monseigneur. Depuis que nous vous avons dernièrement escript le 9^e de ce mois par homme exprès, j'ay trouvé Mons^r le Duc¹ et le fils de l'Électeur Palatyn plus eschauffez que jamais et en propos que, si les deniers de Rosemberg eussent esté prestz, ils vous eussent pris une bonne résolution; disant le dit filz que, s'ilz eussent esté mis entre les mains de l'Électeur Palatyn, il auroit faict marcher dès à présent une belle trouppe des siens et aultant de ceulx du Roy de France, par tel endroict que il eust esté advisé, de laquelle entreprise pourroit réussir quelque grand bien et mectroit les affaires peult-estre en bon train; car il n'est question que de les embarquer, et pour le moins les ennemis perdroyent l'esté et seroyent divertiz de leurs entreprinses; par tant fauldroit faire en diligence que l'argent feust seurement à Straesbourgh, Heydelberch, ou alleurs, et en escripre là où il sera convenable. Cependant sera de retour la responce du Roy de France, surquoy se

1 d'Alençon.

[p. 137*]

⁺prandra la résolution pour la deffen se du Pays-Bas. Mons de [St. Alban] et quelques aultres battent le fer chaudement et tant que il est possible. Monsieur le Duc est après à inventer tous moyens de faire finances, ce qu'est mal aisé si promptement. Voillà quant à l'apparence extérieure des affaires; Dieu veuille que je soys trompé, mais j'ay fort mauvaise opinion de ces gens-cy et n'en espère rien de bon, voyant leurs caballes. Au reste je ne puis penser que Dieu les bénie, car il ne peult estre au monde de plus grandes dissolutions. Au surplus, si on ne peult avoir aultre chose d'eulx et vostre Excell. le trouve bon, j'entens aussy s'il n'y a quelque espérance d'alleurs, il seroit bon de m'en advertir incontinant, c'est que, sans qu'il vient de vous, Mons^r de la Noue feist que Mons^r le Duc entreprist d'estre médiateur avecq la Royne d'Angleterre d'une bonne paix et que Mons^r l'Électeur Palatyn en requist le Roy de France par quelque ouverture honneste. Le Prince de Condé se maintient fort bien et donne grande espérance, si faict le Roy de Navarre, auquel Mons^r de la Noue est d'advis de s'adresser, on ne faict rien [avecq] le Roy et s'asseure qu'il veult faire quelque chose. Vos amis et serviteurs que vous avez pardeçà disent que c'est superstition de faire difficulté de s'ayder de l'argent du Turcq, et tiennent pour certain que Vostre Exc. en tirera de grandes finances, s'il est requis. Il est arrivé....

+ 1573.