Archives ou correspondance inédite de la maison d'Orange-Nassau (première série). Supplément

3.
Le Comte Guillaume de Nassau à l'Électeur de Saxe. Lettre relative à ses différends avec le Landgrave Philippe de Hesse († ms.).

*_** Jean Frédéric, Électeur de Saxe, le Magnanime, étoit chef de la Ligue de Smalcalde.

Durchleuchtigster Hochgeborner Fürst.... E.f.G. mag ich auch unangezaigt nit lassen das mein Her Lantgraff an dem nit ersettiget die Catzenelnbogische rechtvertigung uffzuhalten und mich in E.f.G. dienst und sunst zu grossem nachteil zu verhindern, sonder werden seiner G. undersassen geraytzt mich und die meinen ires herprachten ruhigen [bestehr] und gebrauchs zu betrüben und zu entsetzenn, nemen in gestalt pfandtsweisz gantz hertzenn¹ vyhe mit gewalt unnd der that, und haben die Amptleuth ernstlich befelhe sie dabey zu hanthaben, mit weitern vielen trawwarten, wo ich mit gegenpfandung einich ursach gebe mit ernstlicher gewalt dagegen zu handeln; [erpieten] sich dan, so der schade erlitten, rechts, des ich doch nit kan bekhomen, wollen mein schreibenn nit angenomen, noch mein geschickter gehörtt werden; darumb ich verursacht durch mein freuntlichen lieben schwager Graff Philipssen vonn Solmsen dafür underthenig bidten zu lassen und zu werben, laut beykhomender instruction, daruff ime in schrifftlicher antwurt entstanden wie alles hiemit

1 herden.

[p. 5*]

⁺zuschick: underthenig bidten das zuverlesen unbeschwerdt zu sein; darab haben dan E.f.G. sein ungnedig gemüth gegen mir usz erdachter ursach [fürnimbt], die ich, ausserhalb was in recht gehandelt, gantz frey und wol zu verantwurten und mein unschuldt darzuthun weisz, und wesz mich zu versehen woll abzunemen. - Nhun haben Key. Ma^t unser gnedigister Her an mich begeren lassen ein Oberst-hauptmanschafft über 20 M. den gantzen hauffen teutscher knecht anzunemen, da mein freuntlicher lieber Bruder über den gantzen hauffen reuter und knecht der oberst sein sol; das hab ich aber, widder desselben und anderer meiner Hern und freunde rath, des ich mich für gewalt zu erretten woll nützlich machen mügen, aber E.f.G. dinst halben abgeschlagen. Wan ich aber kein guth noch recht bekhomen khan und des eignen deglich entziehen solt lassen, hetten E.f.G. zu bedencken am letzsten hochdringlich verursacht wirde unverweislich wegk fürzunemen, damit für gewalt beschirmbt und bey des heyligen Reichs ordnung gehanthabt möcht werden, dan solichs dergestalt länger zu leiden gantz beschwerlich fallen wil, underthenigs fleis bidten E.f.G., als ein loblicher Churfürst, wollen solichs gnediglich behertzigen und ob des widderspiel ingebildet, dem nit glauben gebenn, dan vor E.f.G. wie hiefür vielfältig undertheniglich erpotten, entlich auftrags erleiden magk und noch erbotten wil haben. Das umb E.f.G. underthenig zu verthienen bin ich schuldig und willig. Datum uff den letzten Junij A^o 1536.

Wilhelm Grave zu Nassaw.

+ 1536.