Archives ou correspondance inédite de la maison d'Orange-Nassau (première série). Tome VII 1579-1581

¹† Lettre CMVI.
Le Prince d'Orange au Magistrat de Gand. Exhortation après un échec de leurs troupes (MS. G.).

Messieurs, j'ay esté adverty de la deffaicte de quelques troupes parties de vostre ville, de quoy j'ay esté grandement marri, tant pour la perte, que pour l'orgueil des ennemis qui accroistra. J'eusse bien désiré avoir vos lettres, par lesquelles j'eusse esté informé des particularitéz, car je ne sçay aultre chose que le bruict. Touttefois je n'ay voulu laisser de vous escrire la présente, pour vous prier ne point vous estonner de tels accidens, desquels j'ay tousjours eu crainte, comme pouvez avoir entendu par les articles que je vous ay envoyez pour le réglement de la guerre en Flandre. Mais, puisqu'il est question de maintenir vostre liberté et la gloire de Dieu, je vous prie que vous ne laissiez de vous résouldre en une bonne et juste défense, et de ma part je ne feray faulte à vous assister de touts les moiens que Dieu me mettera en main. Seulement je vous veuil prier et advertir qu'il est nécessaire de vous laisser conduire⁽¹⁾ au faict de la

1 Apparemment signée par le Prince.

(1) l. conduire: Voyez T. VI, p. 608, sqq.

[p. 28]

⁺guerre, par ceulx qui ont expérience, lesquels seuls peuvent donner les conseils salutaires à telles affaires, joinct aussy que les deniers s'emploient inutilement et sans ordre, lesquels pourroient estre mieulx employez en aultre endroict et mieulx à propos, et au surplus de ne point vous arrester à des petites affaires, qui ne peuvent servir qu'à irriter plusieurs personnes sans cause, et plustost entendre à bon escient à nostre généralle conservation; aultrement est à craindre que nous n'avons¹ trop tost occasion de nous repentir... Escript en Anvers, le xxvi^e de jullet 1579.

Vostre² bien bon amy à vous faire service,

Guillaume de Nassau.

A Messieurs les Eschevins des deux bancqs, Doyens, et Conseil de la ville de Gand.

+ 1579. Juillet.

1 Lisez n'aurons ou n'aions.

2 Vostre - service. Apparemment autographe.