* Lettre DCCCXXX.
Ga naar margenoot+La Princesse d'Orange à Mr des Pruneaux. Protestations de bonne volonté (MS. P. A. 8780).
Monsieur! Je désirerois avoir quelque bon moien de faire cognoistre à Monseigneur d'Anjou combien j'ay envie de luy faire très-humble service, pour plusieurs raisons que vous cognoissez et dont vous m'en réprésentez aucunes par vos lettres; mais d'autant que les affaires de ce païs se gouvernent par le ConseilGa naar voetnoot(1) qui y est estably, ainsy que vous avez peu entendre estant par deçà, ce que je puis en cest endroit est de leur recommander en général les affaires de mon dit Seigneur et voudrois y avoir autant de moien, comme j'ay bonne volonté mais en cela ma puissance est bien petite. Toutesfois j'espère que, l'occasion s'offrant et le bien du pais, son Alteze en aura tousjours contentement. Quant à vostre particulier, je ne vous puis assez remercier de la bonne affection que vous me faites paroistre, vous asseurant que me trouverez tousjours bien preste à vous faire plaisir, partout où j'en auray le moien, et d'aussy bon coeur qu'après m'estre recommandé bien fort à votre bonne grace je prie Dieu vous donner, etc. Anvers, 24 juin.
Vostre plus affectionnée et meilleure amye,
Charlotte de Bourbon.
Auteursrechtvrij