Lettre DCC.
Ga naar margenoot+La Princesse au Prince Dauphin. Nouvelles de famille (MS. P. B. 8917).
Monsieur, j'ay reçeu par les députéz des Etáts-Généraux des Pais-Bas, qui ont esté vers Monseigneur frère du Roy, la lettre qu'il vous a pleu m'escrire et ay esté extrêmement aise de connoistre par icelle que me faictes tant d'honneur d'avoir souvenance de moy, et aussi porter une bonne affection à Monsieur le Prince d'Oranges vostre frère et ceux qui tiennent son party. Après vous avoir remercié très humblement d'une si bonne volunté en vous supliant, Monsieur, de la continuer, je vous assureray que je n'ay point un plus grand heur que quant je puis estre certaine de vostre bonne santé. De la mienne, elle est, pour le présent, Dieu mercy, assez passable; mais, quant à ma fille, elle se faict assez bien nourrir, et, si elle continue, elle se rendra bien tost capable de connoistre l'obligation qu'elle a de vous faire service; elle est icy près de moy en ce quartier de Zélande, où Mr le Prince d'Oranges est continuellement empesché aux affaires, dont il a un si grand nombre que je désirerois bien luy en pouvoir veoir quelque soulagement. Ce m'en seroit un, Monsieur, à toutes mes peines, si je pouvois avoir un jour cest honneur de vous revoir.... Middelbourg, 20 févr. 1577.
Auteursrechtvrij