Archives ou correspondance inédite de la maison d'Orange-Nassau (première série). Tome V 1574-1577

[p. 538]

† Lettre DCLXVII.
⁺Le Prince d'Orange à M^r Liesfelt. Même sujet.

*_** Le point de la venue à Bruxelles n'est traité que sommairement; le Prince se réfère aux explications verbales de St. Aldegonde. Ce ne peut donc être ici la Lettre dont il est fait mention p. 533.

Monsieur de Liesfelt. Devant-hier sur le soir m'a esté rendue vostre lettre du 20^me jour de ce mois, par laquelle j'ay veu comme les choses se passent par delà, et en quelz termes l'on en est; vous remerchiant de ce que m'en donnez si ample advertissement, et ne sçauroys sinon me conformer entièrement aux articles joinctz à vos dits lettres, parlens de quelle façon l'on debvroit besoingner avecq Don Johan d'Austria; ne faisant doubte que, si tous fussions en cela résoluz et que unanimement suyvissions tel pied, les affaires prendroyent avecq le temps mellieur succès que l'apparence n'en est maintenant; faisant à craindre que les Estatz, ne se donnans garde de ce que plusieurs par beaux samblans leur brassent soubz terre, ilz se trouveront en peu de temps précipitez en ung abisme de misères et calamitez plus grandes que les précédentes, accompaignez d'une perpétuelle servitude et tyrannie; quoyqu'on tasche maintenant leur persuader le contraire, leur proposant toute doulceur et humanité, qui n'est qu'ung vray prétexte pour les attraper, chose que les plus clervoians leur debvroyent vifvement remonstrer; ainsi que de vostre costel je m'asseure vous n'obmectrez aucun bon debvoir, servant à l'effect d'ung si grand bien de la patrie et conservation d'icelle.

+ 1576. Novembre.

[p. 539]

⁺Or, pour venir au point de vostre lettre, par lequel vous jugez mon allée vers Bruxelles estre de tout nécessaire pour plusieurs raisons que vous alléguez et dictes illecq entièrement requérir ma présence, pour y respondre, je vous diray que, comme jusques icy je ne me suis espargné en chose qui se soit offerte pour le bien commun et de la patrie, dont toutes mes actions donnent assez ample tesmoingnage, aussy ne me vouldroys en cecy montrer rétyff, si j'estymoys que ma présence en ces quartiers-là deust apporter quelque prouffyct au pays et à vous aultres, et aussy à ceulx d'Hollande et Zeelande, desquelz vous sçavez combien il importe que j'en aye bon soing. Vous entendrés par Mons^r de St. Aldegonde, lequel j'ay envoyé vers Bruxelles pour remonstrer à Messieurs les Estatz plusieurs poinctz qui m'ont samblé dignes d'estre entenduz par eulx, lesquelles¹ luy ay enchargé de vous communiquer et en avoir vostre bon advis, et mesmement les raisons qui m'ont empesché que n'ay avancé mon voyage par delà, qui ast esté seullement craindant de vous déjoindre des aultres Estatz par instigations de mavès² espris, et présentement je luy escrips encoir plus amplement sur le poinct de vostre dite lettre, pour le regard de mon dit voyage vers Bruxelles, avecq une déduction particulière des difficultez que je y treuve, luy enchargeant le vous communicquer, dont après avoir sur ce par ensemble délibéré, me pourrez mander sur tout vostre advis, pour plus avant alors me résouldre avec³ vostre bon conseil et de mes aultres amys; ne faisant doubte que la responce de Don Jéhan nous ferat saiges,

+ 1576. Novembre.

1 lesquelles - espris. - Autographe.

2 mauvais.

3 avec - l'advenir, - Autographe.

[p. 540]

⁺moienant que nous ne nous laissons mener en longeur et ne point mectre les moiens que Dieu nous présente en nonchaloir¹., mais préparer tous noz forces et moiens, comme si nous fussions asseuré d'ung certaine guerre dont-il ne nous peult venir que tout advantaiges et asseurance pour l'advenir.... Escript à Middelb., ce 23 jour de novembre 1576.

+ 1576. Novembre.

1 insouciance