Archives ou correspondance inédite de la maison d'Orange-Nassau (première série). Tome V 1574-1577

† Lettre DCXXXVIII.
Le Prince d'Orange aux Deputés à Gand. Il désire que la Pacification soit confirmée par les Provinces et les Communes.

*_** Nouvel exemple du prix que le Prince mettoit à avoir, outre aant.

[p. 468]

⁺l'assentiment des Régences, qui envoyoient leurs Députés aux Etats, celui des Communautés et des Bourgeoisies mêmes: voyez p. 271 et sq.

Messieurs. A cestinstant je reçoy vostre lettre d'hier, par la quelle j'ay avecq grand contentement entendu que, par la grâce de nostre bon Dieu, la conclusion⁽¹⁾ a esté faicte des articles de la paix, suyvant que Mons^r de S^t Aldegonde m'avoit escript le soir précédent; dont, à la vérité, avons bien grande occasion de louer et exaulcer¹ ce mesme bon Dieu, de ce qu'il Luy plaist nous regarder ainsi en miséricorde. Je seray avecq bien grande dévotion attendant les articles et particularitez de la ditte conclusion de paix, vous priant à ce regard, suyvant l'espoir que m'en donnez, me les envoyer au plutost.

D'aultre part comme, pour plus grande sureté et establissement de la paix, il est bien requiz qu'elle soit signée et confirmée de tous ceulx du pays, ce que j'entens non seullement des Estatz du pays, mais aussi de toutes les villes et communaultez en particulier, afin que nous y puissions tant plus seurement reposer, et aussi en tout événement nous en servir cy-après; parquoi sera fort requiz que remonstrez cecy aux Députez des Etatz des autres pays, et leurs mectez vifvement en avant combien il importe, pour mieulx asseurer le tout, qu'il soit ainsi effectué, mesmement aussy pour leur descharge, et qu'à ce regard soit en toute diligence envoyé vers chacune province, afin que dans trois sepmaines prochaines chacun pays à

+ 1576. Octobre.

(1) conclusion. La paix ne fut signée que le 8 nov.

1 exhausser, exalter.

[p. 469]

⁺part porte ou envoye vers Bruxelles ung acte signé et scellé du magistrat, Guldes¹ et Schutteries de chacune ville du dit pays, contenant approbation et ratiffication, avecq promesse d'entretenement de tout ce que présentement a esté conclu et arresté au faict de ceste pacification, sans jammais y contravenir en quelque sorte que ce soit, mesmes d'ayder à courir sus à ceulx qui le vouldroyent rompre, et à cest effect leur pourrez coucher une forme telle que trouverez convenir. Aussy sera nécessaire que communiquez avecq les susdits Députez des moyens qu'ilz vouldront cy-après tenir pour l'entretenement des soldatz et navires de guerre estans en Hollande et Zeelande, pour mestre en la puissance des dits pays de porter seuls telz despences... Le 29 d'octobre.

+ 1576. Octobre.

1 Gilden (Corps de Metiers).