Archives ou correspondance inédite de la maison d'Orange-Nassau (première série). Tome V 1574-1577

† Lettre DCXXXV.
Le Prince d'Orange aux Députés pour la Pacification. Il désire avoir en mains, outre Nieupoort, l'Ecluse et Dunkerque.

Messieurs!... Je vous ay ce jourd'hui escript par le S^r Caluart de quelques poinctz d'importance, et mesmes de ce qui touche Madame la Comtesse Electrice Palatyne⁽¹⁾, sur quoy je vous prie avoir esgard....

J'eusse grandement désiré que, pour nostre plus grande asseurance, l'on nous eust mis en mains l'Es-

(1) Electrice Palat. Savoir la restitution des biens de Bréderode, accordée par l'art. 11 de la Pacification de Gand.

[p. 465]

⁺cluze et Duinkerque, tant pour les commoditez des havres qui sont aux dits lieux mellieures que à Nyenport, qu'aussy, à dire vray, pour n'estre la dite ville de Nyenport nullement fortifiée, et par ainsi comme assise seulement en plain pays, et point à estymer pour ung port de mer, pour estre aussy le havre si très long comme il est; qui me faict désirer et vous requérir que insistez le plusque pouvez pour obtenir l'Escluze et Dunkerque, afin aussy que, ayant l'Escluze, s'il estoit possible, jé puisse estre tant plus proche de Gand, et serez à celà tant plus occasionnez, veu que ceulx du Conseil d'Estat et aussy les Estatz assamblez à Bruxelles ont freschement escript aux quatre membres de Flandres que, pour le bien du pays, ilz regardent de s'accorder avecq nous le plustost qu'il serat possible... Ce néanmoings, quand ne pourriez obtenir aultre place que Nyenport, regarderez de bien conditionner qu'il sera en nostre liberté de la fortiffier par dedans et par dehors, et mesmes sur la teste et aultre part, tout ainsi et comme le trouverons convenir pour nostre seureté. Le 26 jour d'octobre 1576.

Aux Députez à Gand.

+ 1576. Octobre.