Archives ou correspondance inédite de la maison d'Orange-Nassau (première série). Tome V 1574-1577

[p. 86]

⁺N.^o DXXI^a.
Articles sur lesquels Brunynck doit conférer avec le Comte Jean de Nassau. (Poinctz principaulx des choses que le Secrétaire Brunynck, par expresse charge de M. le Prince d'Orange son Seigneur et maître, a rapporté à la Seigneurie de M. le Conte de Nassau, pour sur iceulx poinctz sçavoir la résolution de s.S. pour l'advertir à s. Exc.)

1.	Premièrement quant au faict des entreprinses^1, ou d'une levée de gens de pied et de cheval, quel des deux samble à s.S. plus apparent, et dont pourroit réussir plus grand bien à la Hollande et Zeelande. Quelz personnaiges s.S. estyme qui se vouldroyent employer, ou en l'ung ou en l'autre faict, et à quelles conditions, s'ilz ne vouldroyent suyvre le pied par son Exc. pourjecté. Si s.S. n'a point miz en avant à quelque ung les conditions que son Exc. luy a faict entendre. Quelle entreprinse sembleroit à s.S. la plus prouffictable aujourd'huy. Ce que samble à s.S. de l'entreprinse de Venloo. Si s.S. ne treuve convenir que le commissaire Stenzel s'employe en ces affaires, suyvant la Commission que son Exc. luy a donné.
2.	Si s.S. a délibéré sur ce que je luy avois rapporté de quelque personnaige, parent à son Exc. et à s.S.,

+ 1574. Octobre.

1 tentatires pour surprendre des villes. T. IV, p. 240. in f, et passins.

[p. 87]

	^+ou aultre qui pourroit aller en Hollande à l'assistence^(1) de son Exc., veu que cecy importe grandement pour diverses raisons que j'ay discourru avecq s.S., mesmes que les Estatz insistent grandement à cela. Les Estatz eussent bien esté d'advis qu'il eust pleu à son Exc. mander son petit filz Maurice, auquel on eust donné ung conseil; mais son Exc. n'estoit encoires de cest advis, pour la tendre jeunesse d'icelluy.
3.	Quant au fäict des Ambassadeurs^(2) vers les Princes d'Allemaingne, quelles personnes samble à s.S. qu'on y pourroit employer, quel traictement on leur donneroit, et vers quelz Princes. Quelz soient aussy les conseilliers des Princes que s.S. pense estre à gaigner.
4.	Qu'il plaise à s.S. mectre en considération le faict d'Emden, et s'adviser des moiens que l'on y pourra tenir, suyvant que son Exc. l'a faict prier à s.S., pour

+ 1574. Octobre.

(1) à l'assistence, et pour remplacer le Prince d'Orange, si l'on avoit le malheur de le perdre; c'est ce qui résulte de l'alinéa suivant. - Les Etats de Zélande avoient pris l'initiative, par une lettre du 13 sept. exhortant ‘omme in tydts verdacht ende voorsien te mogen syn van een bequaem Hooft en Christelycke Vorst, soo verre syne Princelycke Excellencie, door Godes wille, 't eeniger tydt van dese wereldt genomen soude mogen worden.’ Resol. v. Holl. 1574, p. 98 Les Etats de Hollande n'avoient nullement, comme Wagenaar le suppose (VI. 287), écarté la proposition; mais, au contraire, invité ceux de Zélande à envoyer quelques Députés, afin de délibérer, ensemble et avec le Prince, sur cet important sujet, et d'y pourvoir de commun accord: l.l.

(2) Ambassadeurs. Voyez p. 27.

[p. 88]

	^+estre de si grande importance, comme tant de bouche que par les mémoires que j'ay apporté, j'ay faict entendre à s.S.
5.	Quant au faict de la paix, il fault remectre le tout jusques à la venue de M. le Conte de Schwartzbourg. S.S. a, tant par les lettres de son Exc. que par mon rapport, entendu l'intention de son Exc. sur ce faict. Si l'Empereur et les Princes d'Allemaigne seroyent contentz de donner à son Exc. quelque bien ecclésiastyque ou aultre en l'Empire pour y demeurer, en cas que la paix se face.
6.	Du marriaige de la fille de son Exc.^(1) avecq le Duc de Wirtemberg^(2), Duc de Montbéliart^(3), ou aultre Prince ou Conte que s.S. trouvera convenir, moyennant qu'il ne soit Evesque ou aultre ecclésiastycque, à quoy son Exc. ne veult aucunement entendre.
7.	Touchant l'Espaignol prisonnier à Dillenberch, son Exc. est contente qu'il soit relaxé en eschange de Monsieur de Jumelles, Senisque, et Wambach.
8.	Si le commandeur de Liège retourne et passe jus-

+ 1574. Octobre.

(1) La fille de son Exc., Marie, Comtesse de Nassau. Elle ne se maria qu'en 1595, au Comte Philippe de Hohenlo.

(2) Le Duc de Wirtemberg, Louis le Pieux, né en 1554, épousa le 7 nov. 1575 Dorothée-Ursule, fille du Margrave Charles de Bade.

(3) Duc de Montbéliart: Fréderic, né en 1557. Son épouse fut, en 1581, Sibylle, fille de Joachim-Ernest, Prince d'Anhalt.

[p. 89]

^+ques icy, ce qui plaist à s.S. que luy soit rapporté.

+ 1574. Novembre.