Archives ou correspondance inédite de la maison d'Orange-Nassau (première série). Tome IV 1572-1574

66.
St. Goard au Roi Charles IX: Madrid, 9 juillet (*MS. P. St.G.H. 228, vol. 792). - Il se défie plus ou moins du Roi d'Espagne.

....Les principaux et les premiers (d'Espagne) remarquent (l'élection du Roy de Pologne) comme chose qui arreste du tout le cours à la perfection de leurs grandeurs et prospéritez, ne se pouvant taire en leurs discours d'affecter qu'ils ne disent comme s'ils voulloient prononsticquer que ceste eslection est signifficative d'oster à la maison d'Austriche l'Empire, et au contraire fondement

[p. 93*]

⁺et chemin asseuré de le transférer en cell de France, meslant avecques cela infiniz discours très envieux des prospéritez et grandeurs de V.M., aiant les aucuns une extrême peur que la Rochelle soit rendue et mise à extrémité, croiant que c'est toute la deffinition de ses affaires. Et croy, selon ce que j'entents qu'ilz disent, que s'ils pouvoient ou auzoient, ils [les] ayderoient à se maintenir, pour donner à V.M. de quoy estre troublée tousjours avecques les siens. Je ne puis juger, ny ne doibs, de l'intention du Roy Catholicque leur maistre, lequel est extrêmement saige dissimulateur, et ne se laisse entendre où il a ses pensées; mais puisque ceulx qui luy sont les plus favoirs et plus près de sa personne et plus advancez en son conseil, ont telles pensées, je ne sçay que m'asseurer du reste; et encores que je ne donne trop de foy à une infinité de choses que j'entends, si [ne] me semble-il point mal à propos d'advertir V.M. qu'il fault mesmement qu'elle se donne garde de leurs praticques, lesquelles j'entends ne tendre à aultre fin que de luy mectre, s'ils peuvent, tout le faix de leurs affaires sur les bras....

+ 1573. Juillet.