Archives ou correspondance inédite de la maison d'Orange-Nassau (première série). Tome IV 1572-1574

* Lettre CDXC.
Le Prince d'Orange au Comte Jean de Nassau. Incertitude sur le sort de leurs frères; levées des ennemis en Allemagne.

Monsieur mon frère, espérant qu'aurez présentement

[p. 383]

⁺receu entre diverses lettres miennes celle du xxij jour de ce mois, et aussi que depuis sera arrivé devers vous Stenzel van Nansloo, qui partist de Bommel dimanche dernier, je ne feray icy redite des choses que je désiroys lors vous estre communiquées, puisque par mes dittes lettres, aussy par Stenzel, et auparavant par Meckbach vous serez plainement informé de mon intention et de ce que en tout événement me sembloit estre à faire. Depuis je demeure tousjours en la mesme peine, d'autant que, ni de vous, ny d'autres, ne m'est encores venu aucune certitude de mes frères, qui me faict vous prier de n'espargner aucune diligence à me faire advertir ce que aurez aprins depuis la dernière que m'avez envoyé, qui estoit du vingt-uniesme du présent. D'autre part, comme j'entens que les ennemis font grande levée de cavallerie en Allemagne, je vous en ay bien voulu adviser, afin qu'ayés tousjours l'oeil au guet pour au vray en sçavoir nouvelles, et qui sont ceulx faisantz la dicte levée, dont entre aultres on m'a dénommé [Lamburg], Graf Otto van Schaumburgk et l'évesque de Minden, pourquoy, entendant qu'ilz s'approchent avec leurs gens, ferez bien de haster l'entreprinse de Fernesum, de laquelle plus particulièrement je vous ay mandé par le susdict Stenzel... Escript à Dordrecht, ce xxviij^e jour d'apvril 1574.

Vostre¹ bien bon frère à vous faire service,

Guillaume de Nassau.

A Monsieur,
Monsieur le Conte Jehan de Nassau, mon bien bon frère.

+ 1574. Avril.

1 Vostre - service. Autographe.