Archives ou correspondance inédite de la maison d'Orange-Nassau (première série). Tome IV 1572-1574

* Lettre CDXXXIX.
Le Prince d'Orange aux Comtes Jean et Louis de Nassau. Entreprises diverses; prise de Geertruydenberg; affaires de Zélande, et siège d'Alkmaer.

Messieurs mes frères. J'ay depuis aucuns jours receu quelques lettres vostres, et dernièrement celles du xxix^e jour du mois passé, escriptes à Couloingne. Et ne puis assez vous remerchier, voyant le continuel soing et vigilance que vous portez au bien de noz affaires, lesquelz

[p. 194]

⁺sont maintenant en assez gratieulx estat, Dieu mercy, horsmis l'extrême courtresse d'argent où je me retreuve, et me viendroit tant mieulx à propos de recepvoir celluy dont m'avez escript⁽¹⁾; or ayant veu les moyens advisez pour faire tenir d'argent, je treuve assez bien, quant aux quarante mil escus, de les faire tenir en partie à Francfort et en partie par lettres de change. Mais ne trouverois pas bon de faire tenir les soixante mil escuz par la voye d'Anvers, et ce pour plusieurs et divers respects, ains serois plustost d'advis qu'on les fist tenir à Rowan¹, dont j'auray moyen les avoir icy, désirant à ce regard que vous tenez la main à ce que [me] soit au plustost addressé, veu qu'à faute d'argent nous perdons souvent de belles occasions. Et quant à la venue de la Noue⁽²⁾ par deçà, je vous prie traicter tellement sur ce faict avec le Roy de France, afin que sa Majesté le vueille payer et asseurer les capitaines de leur payement; affin que, quand il seroit avec ses capitaines icy, nous ne soyons pour leur payement en paine. Au regard des entreprises, je trouverois celle de Bergen op Zom la mellieure, puisqu'i ne fauldroit beaucoup de chevaulx, estant l'advenue toujours ouverte du costé de la mer; celle de Maestricht ne seroit aussy mal à propos, bien que la ville soit grande et peu forte, parquoy il fauldroit premièrement adviser par quel moien on pourroit en toute diligence fortifier icelle ville

+ 1573. Septembre.

(1) escript. Apparemment de l'argent que fournissoit sous main le Roi de France.

1 Rouen.

(2) la Noue. Ce dessein n'eut pas alors de suite.

[p. 195]

⁺et avoir bon nombre de gens pour la garder. Termunde¹. J'avois aussy advisé pour la ville de Liège, s'il ne me fust souvenu que Liège est de l'Empire, oires qu'elle nous seroit fort duisable pour nous pourveoir de toutes noz commoditez nécessaires, et cependant je vous prie de haster aucune des dictes entreprinses pour ung peu soulaiger les pouvres gens de ce pais. Quant à Collogne, sy vous y pouvez faire quelque chose de bon, je seray bien aise, comme aussy du faict de la paix, pour l'acheminement de laquelle je faiz présentement, tant en mon nom que celluy des Estatz de ce pays, publier ung escript au Roy⁽¹⁾, lequel j'espère fera quelque fruictz envers les Princes d'Allemaigne, pour leur faire cognoistre la justice de nostre cause, et estant le dit escript achevé d'imprimer ne fauldray vous en envoyer de copies. Au reste, comme pour mellieure seureté de ce pays j'avoys trouvé bon de faire entreprendre sur ma ville de S^te Gheertruydenberch⁽²⁾, il a pleu à Dieu y donner si bon succès que

+ 1573. Septembre.

1 Ce mot se trouve ainsi tout seul entre deux phrases à aucune desquelles il ne sauroit appartenir.

(1) escrit au Roy. Cette requête se trouve chez Bor, 464 - 472. Elle contient une exposition des cruautés du Duc d'Albe, et les protestations les plus énergiques de fidélité au Roi. M. Kluit (over 't Recht om Filips af te zweren, Byl. p. 52) suppose qu'elle aura déterminé ou du moins hàté le rappel du Duc.

(2) Gheertruydenberch. La position de cette ville en faisoit effectivement une place importante pour la sureté du pays. ‘Est locus valde opportunus, possuntque milites inde usque ad portas Antverpiensis urbis excurrere, cum nullus fluvius sit intermedius.’ Languet, Ep. secr. I. 1. 209. Viglius écrit à ce sujet: ‘Vehementer dolemus Geusios hisce diebus oppidula Montis-Gertrudis ac Steenbergensis occupâsse, metusque ne Bredam progrediantur, Campiniamque quotidianis excursionibus praedationibusque infestent.’ Ep. ad Hopperum, p. 763.

[p. 196]

⁺mes gens y sont entrez le dernier jour du mois passé sans perte d'ung homme, mais seullement quelques cincq ou six bléchés; et ayantz couppé la gorge à la garnison qui estoit d'environ cent et soixante hommes, n'ont aultrement touché ny corps ny biens de mes subjects, comme aussi mon commandement estoit de ne les grever en sorte quelconque. L'ennemy s'en est trouvé fort estonné et cerche grandes practiques pour reprendre la ditte ville, mais j'espère que par la prouesse de ceulx que j'ay mis là dedans, il ne les pourra prévaloir. Je fais toute diligence à bien fortifier la place, et icelle pourveoir de vivres aultant qu'il sera possible. Quant aux affaires de Zeelande, je ne doubte que vous aurez assez entendu que l'ennemy ayant seulement deschargé une partie de ses vivres⁽¹⁾ pour Middelburch est avecq le reste retourné en Anvers, après avoir perdu quelques xvii ou xviii de ses bateaulx. L'on dict qu'il faict estat de bientost retourner au dicte Zeelande; aultres me rapportent qu'il faict marcher ses gens vers Breda, en intention de donner sur S^te Gheertruydenbergh. Tant y a que ceulx de Zeelande sont bien délibérez à les recepvoir tellement qu'ilz ne retourneront une aultre fois si bon marché; je leur ay envoyé les gens que Hellingh m'at amené, ilz ont aussy reçeu encore quelques Eschossois. Ce que je vous ay aultres fois escript des Anglois, m'advient présentement, carilz de-

+ 1573. Septembre.

(1) vivres. A la même occasion, vers la mi-août, Middelbourg avoit reçu pour Gouverneur Mondragon célèbre par sa vaillance et sa loyauté.

[p. 197]

⁺viennent plus difficiles et mal volontaires de jour en jour et s'en veullent retirer, en quoy je ne les veulx empescher puisqu'ilz sont de si grande coustange¹ et peu de service. Aucuns des Franchois suyvent le mesme pied, et tout ce mal ne nous vient que à faute d'argent, dont je vous laisse penser [et²] travaux je me treuve, n'ayant ung seul homme pour m'assister, moins encores seconder aux affaires de si grand poix⁽¹⁾. La ville d'Alckmar demeure assiégée et est fort pressée de l'ennemi. La ville d'Alcmaer est encoires assiegée, mais ceulx dedans ont fort bon couraige. J'ay envoyé quelques compaignies vers le Waterlandt à leur secours. Et n'ayant présentement aultre chose je finiray ceste par mes très affectueuses recommandations en voz bonnes grâces, suppliant Dieu vous donner, Messieurs mes frères, en santé, heureuse et longue vie. Escript à Dordrecht, ce xiii^e jour de septembre 1573.

³ Vostre bien bon frère à vous faire service,

Guillaume de Nassau.

⁴ Je vous prie voloir faire mes bien humbles recommendations à Madame ma mère, Madame ma

+ 1573. Septembre.

1 coutance, dépense.

2 és, en quels.

(1) poix. Le Prince se plaignoit souvent d'avoir peu d'hommes capables autour de lui. ‘(Elector Palatinus narrabat) adfuisse illi Joan. Nassaviensem; ex eo se intellexisse, Auriacum omnino quasi destitutum esse fidis viris atque bonis consiliariis: Dasz er gantz blosz sey vom guten und frommen Rhaat.’ Epist. sel. 572. Voyez ci-dessus p. 177, 191.

3 Vostre - service. Autegraphe.

4 Alinéa autographe.

[p. 198]

⁺soeur, et à tous mes aultres soeurs et beau-frères, et à toutte la bonne compaignie, sans oblier ma fille.

A Messieurs mes frères les Contes Jehan et Louys de Nassau, à Dillenbourch.

+ 1573. Septembre.