Archives ou correspondance inédite de la maison d'Orange-Nassau (première série). Tome III 1567-1572

Lettre CCCLXXVIII.
..... au Comte Louis de Nassau, Nouvelles diverses.

Monseigneur, il y a icy nouvelles que M^r le Prince vostre frère est en campagne, dont aucuns se résjoissent et les autres se fâchent et estonnent; pour certain il debvoict partir le jour S^te Jehan, comme il dist à homme qui peu avant parla à luy à Dillenborg, désirant que luy envoiez une vostre lettre contenant que ne luy pouvez envoyer secrètement argent, mais que incontinent son arrivée ses trouppes feront monte, ayant, grâces à Dieu, assez de quoy leur satisfaire et contenter pour ce respect. Il vous a escript une lettre à mesme fin qu'il crainct que n'ayez retenu. Je croy qu'estes assez adverty de vous garder avec vostre ville. Les Espagnolz ont pris levillage et château de Soubourg près Flessingues, encore qu'il fust secouru, et y est demeuré de mortz et blessez lxx des vostres, et sept à viii des autres. Ceulx de la ville (tant pour cela que pour l'oppinion qu'ilz avoient que le S^r de Seraer

[p. 469]

⁺eust communicqué avec ung sien frère qui est au service du Duc et qui l'on disoict d'estre venu secrètement devers luy) luy ostèrent les clefs et les baillèrent au bailleu, mais leur ayant montré sa charge et pouvoir, qui est de ne mettre la ville en aucun danger, et s'estant aussy justifyé, ilz l'ont rendue, toutesfois est bruict qu'il se veult desmectre du dit gouvernement et que le Comte [Baudrenecque]¹, qui est à la Brille, doibt venir en sa place. Or il est bien requis et plus que nécessaire qu'il y ayt là ung chef d'auctorité, et aussi d'establir ung bon ordre au faict des marchandises et prinses pour le convertir en argent. Les vostres ont pris à Eecloz à cincq lieues de Bruges, environ dix mil dalders que conduissient six Espagnols, est le tout mené au dit Flessingues, avec le curé et ung presbytre qui les accompagnoyent. Le cappitaine [Esloinnaut] est passé du costé du dit Bruges, espérant y faire ung petit camp de iv^m homme de pied. Ces deux Ducz sont tousjours icy, et ne prent charge aucune des affaires le sieur venu; leurs forces s'augmentent de parolles, et est bruict que d'Allemagne n'auront ce qu'ilz pensent. M_r de Noircarme vostre voysin est blessé, mais n'en savons la vérité, ny aussi d'ung chef des vostres qu'ilz disent avoir tué en escarmouchant. Voz bons amys sont prestz, comme ilz vous peuvent avoir adverty, et ne pouvez mancquer de secours de tous costez. Encore qu'on parle icy qu'estes fors, et que faictes chacun jour de belles entreprinses. Le seigneur d'un bras⁽¹⁾ est soubzhaicté dehors, et le craignent

+ 1572. Juillet.

1 Van der Marcque(?).

(1) Le s. d'un bras. De la Noue: en 1570 ayant été blessé au bras gauche, on dut le lui couper. ‘De bons ouvriers lui firent un bras de fer, dont il porta depuis le nom.’ Vie de de la Noue, p. 63.

[p. 470]

⁺fort. Monseigneur, je prye le Créateur qu'il vous conserve en heureuse félicité avec une bonne compliment. Advises de Flessingues on en parle diversement, et ce porteur vous en dira plus au long de l'espérance qu'ilz ont, ceulx de deçà; quant l'ennemy est si proche, il fault veiller et regarder de près avec déportement et actions des grandz et des petitz; car quant ung homme a receu une indignité, comme M^r de Seraet, il s'en vange voluntiers.

+ 1572. Juillet.