Archives ou correspondance inédite de la maison d'Orange-Nassau (première série). Tome III 1567-1572

Lettre CCCLXXV.
Louis du Gardin au S^r Henri Trefvette. Nouvelles diverses.

Quant à Serras, n'a esté prisonnier (ne scay d'où vous viennent telles nouvelles), mais bien déposé de son office, jusque les lettres de Mons^r le Conte sont venu avec serge¹ suyvre l'ordre de Serras, ce que tous ont faict pour obéissance des dittes lettres, mais j'estime qu'il n'estoit adverti de tout quant les dittes furent escript; car saurés que, quant le frère de Serras vint ici, fut advisé, et le peuple se doubtoit de trahison et, pour seureté de ce, Sarras promist son corps en gage en cas que mal vint par son frère, promectant qu'il alloit vers le Conte, ce que e contraire est advenu, et est chès le Ducq et depuis venu

1 charge.

[p. 459]

⁺en Anvers, aiant emprins la serge¹⁽¹⁾ du mal que on nous prépare contre ceste ville, se que a causé le déposement pour apaiser le peuple ou aultres. Ors à présent nous recepvons diverses advis de plusieurs lieux, qu'il y a trahison ici, et escripvent du gouverneur; et sont advis de bonne main, comme toujours sont esté advisé: tellement que je voie la plus grande part descouragé, voiant que on ne remédie au mal aparent, mesmes Capitain Worst et aultres de la mer, juroient s'en aller avecque leurs naves, sy aultre gouvernement ne venoit; certes je ne porte partie, mais je dis que seroit meilleur donner à Serras aultre serge en aultre lieu et y envoier aultre, comme ce comme avons mandé à Mons^r le Prince, pour éviter certes grant mal advenir, et en cela ne seroit l'honneur de Serras osté, lequel à présent est rétabli en son office pour obéir aux lettres de Mons^r le Conte, que sont ici esté aporté par ung Franchois que Serras avoit envoié devant les aultres pour s'excuser.

Ay receu vostres de 6 et de Mons^r le Conte de 7, par laquelle voie qu'il prent de mal part et est esmerveillié que j'adjouste foy à ce que en ay escript: certes Serras m'est bon amys et les aultres aussy, mais je ensuy ce que Mons_r le Prince m'a ordonné, d'escripvre tout ce quil se passe, et comne je suis souvent ici apellé au conseil de la ville et ay veu le² estoit apparent, en quoy y ay aultant remédié et le baillieu que nulz; car pour une fois tout voulloient avoir Serras prisonnier, ce que je empeschi par les remonstrance que

+ 1572. Juillet.

1 charge.

(1) serge. Voyez p. 457, 1. 5, 6.

2 Deux ou trois mots illisibles.

[p. 460]

⁺leur fis, que cela ne se pouvoit faire sans premièrement en advertir le supérieur et que, veu qu'il ne s'en estoient plaincte, ne donné raison de leur cause, ne se y avoit peu remédier; ce que descou[vrit] leur emprinse et despechement vers Mons^r le Prince, de quoy n'ont encoire responce. Ilz ont encoire eu lettres despuis de Mons^r de [Limme¹] de semblable advertissement, comme dessus contre Serras; mais le tout fut hier très assopi par ce Capitain d'Engleter de l'ordre, lequel à son venu n'eult bonne responce de Serras, sur quoy se voulut partir, mais le peuple le requérit y demeurer; ce qu'il a faict et hier tous faict serment ensamble à contentement de tous ...... De ce que demandés scavoir les particularités de faultes qu'il se dict contre Serras, ont esté les premiers quy ont causé l'envoye des marchandises par bon Jan, que on scait pour vray estre ung traictre du Ducq, despuis l'audience donné à diverses soubsonné; puis le bruslement du plat pays, de quoy estoit avertie de l'emprinse et non y mis ordre en nulle manière qu'il fallut, et eux de Soubourg abandonner la place par faulte de pouldre; depuis le faict de son frère Serras, de quoy en estoit demouré respondant que mal n'adviendroit par luy; comme de tout en ont adverti Mons^r le Prince...

+ 1572. Juillet.

1 Lumey (?).