Archives ou correspondance inédite de la maison d'Orange-Nassau (première série). Tome II 1566

N.^o CCXV^a.
Instruction pour Mons^r de Varich se rendant de la part du Prince d'Orange vers le Comte d'Egmont.

*_** Le Prince considéroit les résolutions relatives à son Gouvernement (voyez la lettre précédente) comme une insulte très grave, ainsi qu'on voit par l'écrit suivant, que nous croyons devoir rapporter à cette date. Il aura immédiatement chargé le Comte Louis d'envoyer M. de Varick vers le Comte d'Egmont, pour lui exposer l'état des affaires et la nécessité d'une entrevue.
Ce M^r de Varich étoit apparemment un frère du Gouverneur d'Orange. L'Instruction paroit écrite de la main du Comte Louis. Le Prince savoit comment il falloit s'adresser au Comte d'Egmont; car il insiste sur les dangers aussi des catholiques, sur les prétentions de ceulx du Conseil, sur la servitude de nos enfans; n'aborde qu'avee

[p. 324]

⁺une extrême réserve la question d'une résistance armée, et fait entrevoir la possibilité d'un prompt départ qui rendroit la position du Comte encore plus critique. Nous avons laissé les mots en marge precisément à la place où ils se trouvent sur l'original. Ce sont probablement des notes que le Comte Louis avoit prises après une conférence avec le Prince, et dont l'Instruction est le développement.

1. Il luy baiserast les mains de ma part.

2. Que Monsr. pense que luy aura receu ses dernières, par laquelle il pourrast avoir entendu ce que me ⁺semble qu'on pourroit faire pour éviter les inconvénients tant apparens, et que j'eusse bien desiré avoir quant et quant son advis là dessus; et considérent que la nécessité s'augmente de plus en plus, par où la prompte résolution est fort requise, ay bien voulu envoier le présent, Monsr. de Varick, pour ⁺luy déclairer le grand bruict qui courre des grandes ⁺préparations des forces que Sa Ma^té faict faire, tant en Alemaingne que dedans pais, dont pas seulement ⁺ceulx de la religion ont soupson de estre contre eulx, mais aussi les Catoliques, craindants que Sa Ma^té les ⁺vouldroit mestre en la servitude de longtanps prétendue; par où est à craindre que facilement il pourroit sourdre¹ ung tel désordre, que à très grande difficulté on pourroit assouppir. Et pour luy parler ouvertement, que Monsr. pense que Sa Ma^té et ceulx du Conseil seront bien aise que sur le prétext de la religion ils pourront parvenir à leur pretendu, de mestre le pais, nous aultres, et nous enfans en la plus misérable servitude qu'on n'auroit jamais veu, et come on ast tousjours craint cela plus que chose

+ 1566. Septembre.

+ 1. Nécessité de prendre prompt advis.

+ Raison, forces.

+ Espaingne.

+ Servitude.

+ prétexte.

1 jaillir, sortir.

[p. 325]

⁺que soit, et Monsieur ne vouldroit aulcunement demeurer au pais, pour estre subject à une telle servitude, ni estre présent quant telle chose se devroit faire, ⁺seroit résolu se retirer du tout et en temps, néanmoins ⁺si Monsr. d'Egmont et m^r l'Amiral ne trouvent pas bon, come Monsr. ne faict aulcune doubte, qu'on soit mis en telle subjection, se offre Monsr. de s'amploier, ⁺luy et les siens, en tout ce que serast par leur advis résolu pour l'éviter. A quoy il semble pourroit ⁺grandement servir l'adjoinction et déclaration des estats-généraulx, sur le mesme point. Toutesfois si la¹ devroit trainner long temps, fauldroit mieulx résouldre nous trois avecques nous amis, que nous laisser coupper l'erbe peu à peu desous les pieds et tant temporiser qu'il ny auroit enfin plus nul remède et que eulx feriont venir, ou par force, ou par menaces, les estats qui sont mis de leur main, à telle résolution ⁺come ils désirent. Que Monsr. prie que Monsr. d'Egmont luy voulusse mander là dessus son ⁺advis librement et en amis.

Que Monsr. luy envoye aussi une lettre que son Alt. luy ast envoié ce matin, par où il pourrast voire le bel [echaque] que Monsr. ast de se retirer de son gouvernement, puis que Madame, pour donner ordre en Hollande, donne la charge au Duc Erich et aultres, combien qu'il soit toutesfois raisonable, puisque Monsr. est Capitaine-général, que les gens se debvriont faire de par luy, come on faict aulx aultres gouvernemens, affin que avecques iceulx il pourroit donner tel ordre en tout ce quartier en

+ 1566. Septembre.

+ Résolution de Mons^r se retirer.

+ Rien sans leur advis.

+ Lequel s'il est tel employera son pouvoir et des siens.

+ A quoy les estats peuvent servir s'il est impsosible qu'eulx troys.

1 Peul-être le mot chose ou quelqu'autre a été omis.

+ Libre advis là dessus en amis.

+ L'assemblement des Senjeurs.

[p. 326]

⁺vers iceulx, qui ne se vouldriont ranger à la raison come il seroit trouvé convenable, et seroit non plus ne moins come si j'eusse la ville de Dunkercke par engagière de monsr. de Vendome et que Madame me commandast de mestre gens estrangiers dedans, sans l'auctorité et charge du Gouverneur. Que Monsr. d'Egmont pourrast voire aussi par là comme on tâche de fortifier Hollande peu à peu pour la diffidence qu'on ast de moy, et que, sus ombre des cinq cens, facilement en pourriont venir mille, lesquels luy laisse penser s'ils ne feront en [juer] tout ce que bon leur semble, et que moy, comme gouverneur, me deusse aller aveques ma maison en la miséricorde de ces gens là; pour quelle occasion Monsr. estoit résolu de remestre le gouvernement entre les mains de son Alt. et s'en descharger du tout, toutesfois qu'il nen ast riens voulu faire, sans avoir premièrement l'advis et conseil de Monsr. d'Egmont et Monsr. l'Admiral.

De faire les excuses que Monsr. ne vient pas en persone.

De s'accorder avecques Monsr. d'Egmont d'un lieu où qu'ils se pourriont entrevoire, s'il le treuve bon.

Sur le revers du papier il y a:

Les lettres de Madame à Mons^r le Prince touchant M^r le Comte Bollschwingen et ses lettres.
Siget und Jula.
Malbergen Newzeitung.
Geschwind advis darauf zu nemen.

Ces mots se rapportent probablement encore à des nouvelles que M. de Varich devoit communiquer au Comte. - Ziget, (Siget), forteresse importante en Hongrie, avoit été emportée par les Turcs le 7 septembre. Giula (Jula) est une forteresse entre Zatmar et Temeswar. Peut-être le Prince d'Orange venoit-il de recevoir une lettre de L. de Schwendi.

+ 1566. Septembre.