Archives ou correspondance inédite de la maison d'Orange-Nassau (première série). Tome I 1552-1565

[p. 310]

† Lettre XCV^a.
⁺Le Cardinal de Granvelle à Viglius. Départ de Renard (MS. B. GR. XIV. p. 123).

*_** Le Roi avoit appelé Renard en Espagne: le 1 septembre Bave écrit à Granvelle que Renard ‘est journellement avec les Seigneurs, qui lui font la Cour, comme s'il alloit en une grande ambassade;’ ce départ sera favorable au Cardinal: (MS. B. Gr xiv). Le 4 sept. Viglius écrit: ‘Renard dit qu'il ira en Espaigne, quoique luy avienne, mais les Seigneurs ne sont de ce trop contents.... Quant est de n'avoir plus vivement poussé oultre contre ledit Renard, v.i. S peult considérer l'office d'ung Conseil de justice, auquel il trouvoit aussi des amiz, si bien que entre les Seigneurs.... Certes je suis bien aise que nous en sommes deschargez, car en ce changement j'eusse eu paour qu'il n'eust en que trop de faveur, et conviendra regarder que en Espaigne il ne gaigne des amiz, par la recommandation des Seigneurs et la subtilité dont il sçait user’ (MS. B. Gr. xiv). Le 7 sept. la Duchesse d'Aerschot écrit, de Bruxelles, au Cardinal: ‘Renard fait semblant de bonne mine. Son Alt. s'accommode fort avec les Seigneurs; ils vont tousjours au Conseil’ (MS. B. Gr. xiv).

Monsieur! je doibz responce à quatre lectres vostres, des xx, xxi du mois passé et du quatrième du présent, deux; sur ma foy, vous faictes beaucoup pour moy de, avec tant d'affaires que vous avez et vous détiennent sy continuellement occupé, prendre la peine de m'advertir de vostre main et par les pièces joinctes à voz lectres sy diligemment et particulièrement de tout. Armenteros, par tout ce qu'il m'a escript, se remect tousjours à ce que, par charge de Madame, vous me debvez advertir de tout; je ne luy respondz jamais à ce poinct, ny faiz semblant que vous m'escripvez, ains par mes lectres pour-

+ 1564. Septembre.

[p. 311]

⁺roit quasi entendre le contraire, et je croy qu'il vault mieulx ainsy, estans les choses comme elles sont. Je ne faiz aussi semblant que je m'apperçoys du changement, bien escripz je plus froidement, et ilz s'appercevront, avant qu'il passe longtemps, qu'ilz ne vont e bon chemin, et jusques à icy en vient jà le vent. Sy Renard se part, dont je faiz grand doubte, comme je l'escripz à son Alt., l'on se appercepvra tost par delà du mal qu'il y faisoit, et voise¹ en Espaigne et face le pis qu'il pourra, il n'y sçaura faire le centième du mal qu'il faict par delà, et est le mieulx remettre le tout au Roy; il fera, et j'en suis certain, là, s'il y va, le pis qu'il pourra pardelà, et que me fera-il; laissez le faire, seullement qu'il ne trouble plus les Pays-Bas; peult-estre trouvera-il là à quy parler.....

...Vous ne vous pouvez sy souvent souhaiter par-deçà, comme souvent je vous y vouldroys veoir, et vous faire jouyr de ce que je y jouiz et, nisi me publica causa angeret, je y serois au plus grand repoz et contentement du monde; mais il ne fault abandonner le publicque, et j'espère que nous nous reverrons tost, et aurons nostre tour, et nous resjouyrons ensemble: sy est-ce que, sans le commandement exprès du Roy ou de Madame, je n'y iray, car y allant sans ce, sy mal m'advenoit, l'on s'en mocqueroit encores; mais, sy le Roy commande, ores que ce fust pour entrer en ung feug, je y obéyray, quoy qu'en doibve advenir, et serviray en ce qu'il vouldroit, sans en ce craindre ny respecter personne, et veulx demeurer jusques au bout idem homo, Durate⁽¹⁾, et est la teste dure assez, quand je veulx entreprendre quelque chose, et

+ 1564. Septembre.

1 qu'il aille.

(1) Durate, C'étoit sa dévise.

[p. 312]

⁺puis souffrir avec patience et pourter la peyne quand je m'y détermine, et suis nourry en ces agitations et traverses, nec animum despondeo.... Bauldoncourt, 17 sept.

+ 1564. Septembre.