Archives ou correspondance inédite de la maison d'Orange-Nassau (première série). Tome I 1552-1565

Lettre XCII^a.
P. Bordey au Cardinal de Granvelle. Expressions du Prince d'Orange au sujet de celui-ci (MS. B. GR. XIII. p. 381).

*_** Largilla et Vetus sont peut-étre des pseudonymes.

....Le greffier de Dôle, je ne sçay comment il s'appelle, c'est celluy qui de la part de la ville est icy contre la Villette, m'a dit luy-mesme que, présentant aulcunes lettres de ceulx de la dite ville au Prince d'Orenge, le dit Prince lui avoit fait response entre aultres ainsi: ‘vous vous estes tousjours adressez au Cardinal; dites lui maintenant qu'il vouspourvoye.’ Largilla est en ceste ville, duquel j'ay envoyé les lettres qu'il escripvoit à sa dite Seigneurie, par Vetus, et m'a t'on dict qu'ung jour estant au lever du dit Prince d'Orenge, tenant quelque propos le dit Largilla au dit Prince sur l'obligation en la quelle il vous estoit redevable et pour tant très-humble serviteur, et que le dit Prince

[p. 299]

⁺ne debvoit point prendre de maulvaise part si hantoit et avoit désir de hanter sa S.i., toutes fois qu'il en avoit heu et auroit moyen, pour recognoissance des bienfaictz, car cela n'empescheroit qu'il ne luy demourasse très-humble serviteur et à luy et aux aultres Seigneurs; à cecy fit responce le dit Prince qu'il ne le prenoit de maulvaise part, et que sa dite i.S. estoit ung Seigneur quil méritoit beaucoup, avecq laquelle il n'avoit nulle inimitié particulière, laquelle s'il l'avoit, il s'en démesleroit aultrement, et que ce que les Seigneurs estoient ainsi par ensemble, que ce n'estoit contre sa Seigneurie, ains pour le service du Roy. Ceste fut sa responce, à ce que l'on m'a dit, qui est certes bien contraire aux effectz. Dieu par Sa grâce veule faire une amitié partout et veule conduire les choses à bonne fin.... Bruxelles, 31 août.

+ 1564. Août.