Archives ou correspondance inédite de la maison d'Orange-Nassau (première série). Tome I 1552-1565

† Lettre LXXXIIIb.
Le Cardinal de Granvelle au Cardinal de Lorraine. Ses motifs désintéressés (MS. B. GR. XII. p. 112).

*_** Le 20 avril le Cardinal de Lorraine avoit écrit à Granvelle: ‘...On montroyt grand aise à nostre Court, disans que le partement de M. de Chantonay de son Ambassade et le vostre en Bourguoigne aportoit tout contentement à tous les deux costés... Voilà le monde, Monsieur, des fassons duquel de mon costé je essuye bien fort. Je me suis depuis mon partement de la Court tousjours tenu a servir mon Eglise, dont, la gràce à Dieu, je reçoys gran contentement, pour y veoir grant amandement ès affaires de la religion, et plusieurs dévoyez retourner, touchant véritablement au doibt que la [présence] des pasteurs est ung des souverainz remède aux calamités de ce temps, si les Princes nous sont aidans, et certes, Monsieur, la Royne ma maistresse de jour en jour davantaige montre grande et saincte affection...’ (MS. B. Gr. xii. p. 111).

....Quant à mon voyage, la cause en est celle que je vous

[p. 241]

⁺ay escript et non aultre. Et nous font là à tous deux⁽¹⁾ de l'honneur assez, donnantz par ce qu'ilz en dyent clèrement à entendre que nous sommes bons serviteurs de de nostre maistre, puisque nous ne consentons volontiers qu'il se face sinon ce qui convient à son service. Et si je ne m'entendoys avec sa M., ces discours me pourroyent donner poyne: il me souffit que de luy je suis cogneu, et si aulcungz des Seigneurs aux Pays-Bas ont sentiment de ce qu'il leur semble que je serve plus qu'eulx, cela me donne peu de travail. Et à la vérité je recepvroys plus de plaisir de me reposer et qu'eux prinssent la peine si avant que les choses se fissent comme il convient au service de mon maistre, qu'est ma seulle fin. Et vouldroys, au lieu de m'empescher aux affaires du monde, vacquer.... le mieulx que je pourroys au service de Dieu et de mon Eglise.... - Tout le monde est d'opinion que les Huguenotz feront ce qu'ilz pourront pour empescher l'allée du Roy très-Chrestien à Lyon, craignantz que l'on ne leur oste ce nid⁽²⁾: mais, quoy qu'il soit, je tiens pour moy que le meilleur seroit, ou de non y aller, ou d'y aller de sorte que le Roy y peust commander comme Seigneur et maistre; car aultrement, selon les advertissementz que j'ay, on luy brasse de luy faire [colleyt] une venue, et de disposer de sa personne, à la volonté de ceulx qui ne luy sont ny bons serviteurs, ny bons subjectz.... 30 avril.

+ 1564. Avril.

(1) tous deux: M. de Chantonay et moi: voyez p. 252.

(2) nid. Le 3 juin Granvelle éct it à l'Empereur sur la construction d'un temple Huguenot à Lyon, ‘auquel travaillent, à leur honte, les Seigneurs et Dames de la ville’ (MS. B. Gr. xii).