Lettre LX.
Ga naar margenoot+Le Comte de Hoogstraten au Comte Louis de Nassau. Maladie du Baron de Montigny.
Monsieur le Conte, je suis venu hier icy pour bayzer les mains à Monsieur le Prinche et pour sçavoir en quoy luy poldray faire service, et suis esté bien fort mary n'avoir eu ce bien de vous y trouver, pour faire le meisme en vostre endroict, et ne me doubte aurez bien resentie la maladie de Monsieur mon frère de Montigny, pour vous estre tant amy et serviteur comme il est, et m'asseurant qu'ainsy serez bien ayze de sa guérisione, vous veulx bien asseurer quy luy eut merguedy dernier 8 jours que la feibvre continue luy quictat, comme aussy aultres grans accidentz et mortels qu'il avoit eu, de fachon que l'ay laissé à Tournoy, grâce à Dieu, hors de dangier. Je vy là le Sr de Wartwyck quy se recommande humblement en vostre bonne grâce et m'at pryé vous advertir que nostre homme, lequel cognoissez, luy at mandé que de brief il vous ferat tenir ce qu'y vous at promy. - Nous attendons encoires la [réponse] du Roy sur ce que sçavez et sommes bien esbahis tarde tant, meismes estant Mr de Waulx de retour, passé 8 jours, et n'ayant jusques oires entendu de par luy; dont n'y at matière, à mon grant regret, de prendre bon poinctt, ny fondement dessus. Le temps nous enseignerat de ce quy conviendrat de faire, quy me faict plus désyrer vostre retour, pour discourir ung petit sur la matière. Sy ceste vous trouve estant après de quelque Seigneur de ma cognoissance, je vous prye luy présenter mes deues recomandations en sa bonne
Auteursrechtvrij