Archives ou correspondance inédite de la maison d'Orange-Nassau (première série). Tome I 1552-1565

Lettre XLVIII.
L. de Schwendi au Prince d'Orange. Affaires de France et des Pays-Bas.

*_** La mission de Montigny (p. 137) n'avoit pas eu de grands résultats. ‘Reversus decembri mense lectisque in Senatu litteris...., multa addidit ipse de Principis animo erga Provincias: sed pleraque incassum. Namque Montinio absente suspiciones creverant contraque ea quae ab illo promittebantur, Orangius disserebat, aliique nonnulli, qui malebant clandestinis litteris.... quam Regis sororisve pollicitationibus fidem habere. Auxit eorum indignationem quod inaudissent à Montinio haberi se in Galliâ tamquam Hugonotorum patronos:’ Strada, I. p. 148.

Monseigneur! La lettre de v.S. me fut bien aggréable, pour entendre vostre retour en Bruxelles et que elle et

[p. 143]

⁺son ménaige se porte bien. J'ay depuis Franckforth tousjours suivy l'Empereur, mais je n'ay encore du tout achevé mes affaires. Toutesfois je ne pense passer plus avant, ainsy acheveray ce qui touche mon particulier en ce païs et hasteray depuis mon retour vers le Païs-Baz, aultant que je pourray, ce qui toutesfois ne sera avant la fin de febvrier.

Le bruict de la bataille de France⁽¹⁾ est icy grand assés, mais le réjouyssement n'est pas égual envers tous, ny le tout est quoy, sinon qu'il a eu un bruit de quelque lesvée de piétons vers Lyon, mais je ne vois encore que l'effect suive. Je suis bien encore d'opinion, si la guerre continue ceste esté et si les hugenods se peuvent si longuement sustenir, par alors ils auront de nouveau secours. Des Suizes je n'entend que persone ne se veulle mouvoir, et de Saxen il ést bon pièce¹ que n'ay eu de novelles. Le Cardinal d'Embs, évecq de ceste ville, ne se mesle de riens, sino² qu'il vit assés estroictement et vouldra avancer d'argent. Et, come j'entends, ne faict le Pape trop grand compte de luy et ses frères, et ainsy ne me peulz appercevoir de nulle guerre ou pratique qui soit à craindre en ce quartier, aussi ne veiulle³ l'Empereur plus pour aultre chose, que pour maintenir tranquillité en Allemaigne. - Je désire que Mons^r de Montigny aye apporté telles novelles que tous les Seig^rs soient bien contentz et qu'il redonde au bien du païs. Mais s'il vat aultrement, il me désplait. Quant à ce que l'on faict avec moy, il emporte⁴ bien peu et me conviendra avoir patience. Je n'ay pas encore receu la lettre du Seig^r

+ 1563. Janvier.

(1) France: voyez p. 141, in f.

1 long espace de temps.

2 sinon.

3 veille.

4 importe.

[p. 144]

⁺Erasso⁽¹⁾ sur ce que le Roy nostre maistre aura résolu et ainsy ne sçauray que dire pour le présent.

Monseigneur, je ne vous sçaurois faire grand discours pour le présent, mais le remetteray à mon retour ou pour une aultre fois. - L'Empereur désire que Mons^r vostre frère⁽²⁾ viene bien tost en court, et n'y aura difficulté à luy donner la clefs de la chambre et entretenir quelques chevaulx davantaige que l'ordinaire, quand il aura servy quelque temps. Mais au commencement l'on ne veult sortir hors du chemin accoustumé, et ainsy me parlit ce Seig^r Maréchal [Strantsum], lequel je trouve estre affectioné à faire service à v.S. et aulx siens, come aussy l'Empereur mesmes, qui m'en parle fort honorablement et de bone affection de v.S. et des aultres Seig^rs du Pais-Baz.

Le Conte de Svarzenburg⁽³⁾ se rendit serviteur de l'Empereur, comme v.S. aura entendu par son frère; il at gaigné icy envers un chascung fort bone réputation et est chascung bien aise qu'il at accepté ce service.

v.S. sçait que l'on m'at promis de me payer les 5000 florins que l'on me doit encore, sur l'arrivement de Mons^r de Montigny. Ainsy je supplie v.S. de vouloir tenir la main que l'effect s'en suive, car j'ay besoing des deniers.... A Constanze, le 16 de janvier l'an 63.

De v.S. humble et très-affectioné serviteur,

Lazarus de Schwendi.

A Monseigneur le Prince d'Orange.

+ 1563. Janvier.

(1) Erasso. Sécretaire du Roi.

(2) frère. Apparemment Adolphe, le Prince ne pouvant guère se passer des services du Comte Louis.

(3) de Svarzenburg. Le Comte Otton: T. VI. p. 517.