Archives ou correspondance inédite de la maison d'Orange-Nassau (première série). Tome I 1552-1565

Lettre VII.
Le Prince à la Princesse d'Orange. La Reine lui confie la défense de la ville de Quesnoi.

Ma femme, ceste sera pour vous advertir comme la Royne me amvoiot⁸ hier mander au camp, marchant avec l'avangarde pour venir dever elle, et estant arrivé à Marimon, me dict qu'el voloit amvoyer ma compagni à Quennoye pour garder la ville, mès qu'el estoit empéché⁹ pour trouvé ung chief; sur quoy je luy respondi que, en cas qu'el me volis commander de aller au dit Quennoy, que je ferois mon mieulx pour le garder. Sur quoy elle me

8 envoya.

9 embarrassée.

[p. 8]

⁺remerciat bien fort de la bone affection que je avois de fair service à l'Empereur, et qu'el se fiat bien à moy que je ferois mon debvoir, mès que pour ce fois el n'estoit pas ancore délibéré de me là amvoier, et qu'el me commanderoit aultre chose où je porrois fair autant de service à l'Empereur, més pour cest heur ne sçai encore où el me vouldroyt emploier. Je vous advertis comme le Roy a faict samblance de assiégé Avesnes et qu'il ont eu grant escarmouche devant, mais comme je peus entendre, il se at retiré aujourdhui de là, mè¹ l'on ne sçait qué chemin qu'i vouldrat prendre: l'on crain bien fort qu'i viens devan Landerchy, qui est que troi lieu près de Quennoy, où mon régiment est déans, mais j'esper qu'in ne ferat rien et que nous prendrons coraige, car la ville est assés forte et mounie. Je vous asseur bien que le Roy de France at prosperé jusques à maintenant pour les villes qu'il at pri au pais de Luxembourg, mais j'espère que Dieu nous dorra la grâce de mieulx garder les plasses de ce cousté. L'on ast aussi advertance comme lé chevaulcheurs du Roy son fort abastu et fort hallé², et que les piétons ne sont pas si gran chose comme l'on dict, car il y at grande maladie entre eulx, si bien comme yl commence entre les nostres, car y commencen fort à venir malades.... De Mons, ung demi-lieu près du camp, le 10 de juillet.

Vostre bien bon mari,

Guillaume de Nassau.

A Madame la Princesse d'Oranges.

+ 1552. Juillet.

1 mais.

2 fatigué par la chaleur.