Dichtwerken (deel 1 en 2)

[Die vroeger lange vingers hadden zaten]

Die vroeger lange vingers hadden zaten
alwaar ze ruggen koekestuiten aten
maar heden rijdt het dievenvolk, wat dingen is dat
te peerd lijk Sinte Maarten, zoo te lande als in de stad.
't Was eertijds nog de moeite weerd te leven
die niet en had en kon, 't is waar, niet geven
maar al die wat had gaf den bedelnare wat
't verandert nu alles, ten boere en in stad.
Nu speelt men piano in stad en te lande
nu gaat men gekleed 't is waarachtig een schande
men danst en men springt en men klaagt overluid
bij heeren en boeren ten honderdsten uit.
Men ziet er met wielen nu tusschen hun beenen
de menschen omverre rijen grooten en kleenen
de strate te nauwe voor al hun beslag
dat zijn me de mannen van 'k wensche u goên dag.
Die vroeger met knikkers nog speelden op strate
ze loopen na Pasters of 't is al te late
om de armoê te houden in 't leven elk doet
zijn beste en de bedelaars nu dragen den hoed.

1896