Een nieu gheestelijck lietboecxken, twelck noch noyt in druck gheweest en is wt den Ouden ende Nieuwen Testament ghemaeckt

C Nae die wijse: Recht als een hart verlangt nae een Fonteyne, ofte O mensch aenhoort, siet ende smaect Gods woorden

Dat 77. Liedeken.

O Heer aensiet nu hier ons seer groot verlanghen
Ic bid v vader met een vierich gebet
laet ons o heer v genade onfangen
Dat ghy wilt timmeren Jerusalems muren net, ⁺
Op dat v mach behagen bet, hier wel op let
Die offerhande der gerechticheden
Heer weest ons genadich, ontfangt ons in vreden
2    Jerusalem leyt hier so iammerlijc als steenhopen ⁺
V lust en is immers o vader daer niet in
Die poorten en mueren zijn ganschelijc open

+ psal. 51, 10

+ psal. 79, 2

[p. 284]

 

Helpt ons die op bouwen, O heer nae uwen sin

 

Laet niet toe datmen ons heel verslin, heer ons gewin

 

Dat is v goetheyt en ontfermen

 

⁺ Want ghy met goeden veruult hebt den armen.

 

3    Och vrienden verstaet die heer laet ydel den rijcken

 

so wi nu dagelijcx wel mogen worden wijs

 

Wy sient ooc huiden wel openbaerlijc blijken

 

⁺ Ghy geestelijcke armen soect toch allene Gods prijs

 

Siet vrienden die beste outheit grijs, hoort dit aduijs

 

⁺ Dat is een leuen sonder smetten

 

och broeders en susters wilt v daerna setten

 

4    Hadden wy hier in altijt wel sorch gedraghen

 

Wy hadden siet, vrienden den heer so noyt verstoort

 

Dat hy ons soude hebben so hart geslagen

 

⁺ Want hy is ghenadich van grooter goetheyt hoort

 

⁺ Elc achte nu noch zijn nieuwe herboort, en gae niet voort

 

⁺ Naet vleesch, maer na den geest eendrachtich

 

Och vrienden ons hulper is die heer almachtich.

 

5    Souden wy voor hem recht onse sonden

+ Luc, 1. 49

+ math, 5. 3,

+ Sapi. 4, 9

+ exo. 34, 6,

+ Joan, 3, 3

+ Rom. 8. 13

[p. 285]

 

Hy sal ons helpen al wt dit swaer v'driet

 

Met vruechden weder ons herten leet versoeten

 

Twelc ons in desen bedroefden tijt gheschiet

 

Behouden wy Christus leeringhe siet, wat hy ghebiet ⁺

 

So sal die Vader ons beminnen, ⁺ Die met goet strijden sullen wel v'winnen.

 

6    Laet ons nu het harnas Godts aentrecken,

 

Op hope of huyden den vader versoent

 

En heeft ghereynicht door Christum al ons vlecken ⁺

 

Dat hy ons wil helpen in dit ellendich dal

 

Ten dient niet dat Gods tempel verual, als eenen stal,

 

Daer in heeft Godt ooc geen behaghen,

 

Och vrienden wilt op waken, godt haet die traghen. ⁺

 

7    Och vrienden wi moeten nu wel wacker

 

Met onse lendenen [...]gh[...] staen ⁺

 

Wilt Moyses woorden met aendachticheyt lesen,

 

Men mach nu vader, sonen, broeders niet ⁺

 

Noch man noch wijf, Loth most voort gaen, Christus vermaen

+ Joa. 8, 31.

+ Joa, 14. 21,
Rom. 8, 31
Eph. 6. 11,

+ 1, Joa. 1, 7

+ Apo, 3. 16

+ 1, pet, 1, 13

+ Deu. 13, 6,
Gen. 19. 17

[p. 286]

 

⁺ Is wie yet lieuer heeft eenpaerlijck

 

Dan hem die is zijnder niet waerdich, claerlijck.

 

8    Siet dat beloofde lant wilt hier wel op mercken

 

⁺ Is ingenomen geweldelijck dit toch spelt

 

Was dat niet een Figuer, antwoort my ghy clercken,

 

⁺ Al van dat rijc der hemelen schoon gestelt

 

Het welcke nu moet lijden gewelt, Christus vertelt,

 

⁺ Dat hy op aerden niet en is gecomen

 

om vrede te brengen, maer dat swaert weest vroomen,

 

9    Wilt op die eewighe vruechde nu wel achten

 

en ooc mijn vrienden al op die twede doot

 

⁺ Op dat ghy v moecht voor dat onreyne wachten

 

⁺ Want in dat nieuwe Jerusalem schoon ende groot

 

sal niet gemeen of onreen bloot, ingaen dit loot

 

moet met die schrift wel zijn gewoogen

 

⁺ Ons swacheyt siet godt aen met ghenadige oogen.

 

10    Laet ons dit met die schrift wel sorchvuldich wegen

 

Wat swacheyt ofte ongehoorsaemheyt is

 

Laet ons geen ongehoorsaemheit bisonder plegen

 

⁺ Dat is een sonde als touerije gewis

+ mat. 10, 37
Lu, 14, 26

+ Jos. 6. 20,

+ Luc, 16, 16

+ mat. 10. 34
Luc, 12, 51

+ 1, cor. 6. 17

+ apo, 22. 15.
apo, 21. 27.

+ 1, Joa, 2. 1

+ 1, re. 15. 23

[p. 287]

 

Ten mach niet zijn daer moet argernis, geschieden ris, ⁺

 

Maer wee door wien, hoe zijt ooc proncken

 

Sy waren wel beter in de zee gesoncken.

 

11    Weet vrienden dat dit niet is mijn gunst of wenschen

 

maer Christus heeft seluer also gesproken claer

 

Hy die toch seer bemint dat weluaren der menschen

 

Sprack dit seluen siende dat oordel ouer haer

 

Wy vinden van des viers wreetheit swaer ⁺

 

laet ons eerbaer

 

Niet stout zijn maer ghehoorsaem leuen ⁺

 

Die kinderen gods worden van Godts geest ghedreuen.

 

12    Daer en moet geen after clap worden beuonden

 

By dien daer willen behagen den vader godt ⁺

 

Gods kinderen moeten hier tot allen stonden

 

malcanderen bestraffen al na Christus gebot ⁺

 

Op dat inden hemel mach blijuen haer lot nieu vintet slot,

 

Matheus achtien wilt studeren

 

Hoemen haer sal houden die hem niet bekeeren

 

13    Almachtighe vader ons verlanghen aenschouwet ⁺

 

Ick wil haest eynden mijn liet verhoort

+ mat. 18, 7.

+ heb. 10. 27

+ Ro. 11, 20
Rom. 8, 14

+ psal. 15, 3,

+ mat, 18, 15

+ 1. cor. 5, 10

[p. 288]

 

Ic sacht so garen hier rechtop gebouwet

 

V aenschijn niet langer van ons toch of en keer,

 

Wy sitten hier so ellendich seer, ghy helpt meer

 

Op ander plaetsen so wy hooren

 

O vader laet ons hier niet zijn verlooren

 

14    Mijn seer lieue vriendekens al te samen

 

Ic wil v beuelen den heer gebenedijt

 

Laet ons toch immers op geen menschen ramen,

 

In dese bedroefde perijckeloose tijt,

 

⁺ Saul en Salomon ghedachtich zijt, bidt waeckt met vliet,

 

Wilt mijn in v ghebedt ghedencken

 

Wt droeuigher herten most ic v dit schencken.

+ 1, re, 15, 13