Een nieu gheestelijck lietboecxken, twelck noch noyt in druck gheweest en is wt den Ouden ende Nieuwen Testament ghemaeckt

[p. 247]

Het 65. Liedeken.

C Nae die wijse: Tot Godt mach ick wel droeuich claghen.

ICk wensch v broeder genade vrede
cracht wijsheit mede, wat dat ghi zijt
Dit is mijn bede wt bangicheden,
In desen elendighen droeuigen tijt
Dat wy toch altoos mooghen
hebben voor onsen ooghen
Gods ordonnantie woort ende leer
Hier in sterckt ons die almachtige heer.
2    Dat wy na zijnen wille leuen
Ons niet en geuen, tot twist tweedracht
Alle schriften door gods geest geschreuen ⁺
Sijn ons ghebleuen, hier wel op acht
Op dat wy ionck en ouden
Ons seluen niet leuen en souden, ⁺
Daerom so starffer een voor al
Hy coft ons dier in dit aertsche dal.
3    Wy zijn gods eygendom wilt toch horen
Vercoren tot zijnder heerlijcheyt ⁺
Och mochtmen dit niet aen ons besporen
Van twist oproeren, die men van ons seyt ⁺
Laet ons tot Godt toch kermen
Dat hy ons wil ontfermen
So hy dickmael dede Israel, ⁺

+ Ro. 15. 4.
1, tim, 3, 16

+ rom, 14, 7,
2. cor. 5, 15.
1, cor. 6. 20

+ Eph, 1, 4,

+ Eph. 4, 31

+ Exo. 3. 7.
Judi 4. 14

[p. 248]

 

4    Och lieue broeder laet ons toch mijden

 

⁺ In desen tijden, alle quade schijn,

 

Dat wy den tooren Gods mochten ontvlieden,

 

⁺ En niet en lijden, die eeuwighe pijn,

 

Ootmoedelijcke wandelt

 

Geen stoutheyt toch en handelt

 

Want onghehoorsaemheyt is hoort my

 

⁺ Een sonde, siet vrienden als touerij.

 

5    O iuecht wilt toch naet goede pogen

 

Wort niet getogen, tot swerelts bancket

 

⁺ Weest sober waect en bewaert v ooghen

 

Nae v vermoghen, strijt onbelet

 

⁺ Wie nae den vleesch leeft waerlijck

 

Moet steruen vintmen claerlijck,

 

⁺ Wilt toch die lusten der ionckheyt vlien,

 

Met Moyses op die belouinge sien.

 

6    Nu Broeder ick wil mijn Liet haest eynden,

 

Dit doet my senden, v begeeren lanck

 

Hoe wel het betaemt om ons allenden

 

⁺ Niet seer te wenden, tot vruecht of te sanc

 

Wy moghen u in desen daghen,

 

Wel waecken bidden en claghen

 

⁺ Om dat die stadt gods leyt so woest

 

Men siet oock wel een rijpen oest.

+ 1, tess, 3, 22
math. 3, 7,

+ 2. tes. 1, 9.
Eph. 4. 2.
Ro, 11, 20

+ 1. re, 15, 23

+ 1. pet. 5, 8,

+ Gal. 5, 19,
Rom, 8, 13

+ 2, tim. 3, 22
heb, 11, 26.

+ psa, 137, 4

+ Tren [...].1, 1,
Joa, 4, 35.

[p. 249]

 

7    Nu broeder zijt den heer beuolen

 

En wilt niet doolen, o ionghe iuecht

 

Wert niet ontsteken met vreemde kolen ⁺

 

Denct wat verholen, ghy houden muecht

 

Ons ghedachten ende wercken ⁺

 

Siet Godt, al wilt dit mercken

 

Nu laet ons vresen hem alleyn,

 

En achten zijn ordonnantie niet cleyn.

+ Leui. 10, 1

+ psal. 139. 4
heb. 4, 13.