Een nieu gheestelijck lietboecxken, twelck noch noyt in druck gheweest en is wt den Ouden ende Nieuwen Testament ghemaeckt

C Nae die wijse: Alst beghint.

Dat 55. Liedeken.

GHenade ende vrede
Wensch ick Gods kinderen nu
Hier binnen deser steden
Want ick sal scheyden van v,
Daer can ick niet in roemen
Mijn vroomheyt dit verstaet
Ick haddet voor ghenomen
Anders dant my nu gaet.
2     Want al die recht aenmercken
Dat sy gheschapen zijn
Van godt tot goede wercken ⁺
Die sullen hoort vrienden fijn
Haer saeck daer niet nae setten
Dat yemant aen haer sal doen goet
Maer neerstich zijn wilt hier op letten
Tot duechden met ootmoet. ⁺
3    Te zijn traech int begheren

+ Eph. 2, 9,

+ 2. pet. 1, 5,

[p. 210]

 

Dunckt my dat ons betaemt

 

Maer droefheyt int verneeren

 

Is veer, hier wel op raemt

 

Van Christus aert wilt achten

 

⁺ Die arm gheworden is

 

Om ons o Heer gheeft crachten

 

V nae te treden fris.

 

4    Die int vernederen kermen

 

Dat is toch iammerlijck siet

 

Want een hooueerdighe arms

 

⁺ Prijst Syrach lacy niet

 

O heer comt ons te baten

 

Met uwen stercke hant,

 

Wy zijn so swacke vaten

 

Geeft ons cracht met verstant.

 

5    Dat v ghemeente ghepresen

 

⁺ Voor v heerlijck staen mach

 

Hoewel daer caf sal wesen,

 

Al in den laetsten dach

 

Nochtans can staende blijuen

 

V bruyt voor v dunckt my

 

⁺ Die argernis bedrijuen

 

⁺ Mach men af snijden vry.

 

6    Strijt vroom ghy cleyne schare,

 

⁺ God wil v geuen het rijck

 

Of dander alle caf waren

+ 2, cor. 8, 9.

+ Eccl. 25. 4

+ Eph, 5, 27
mat. 3, 12,
Luc. 3, 17.
psal, 15, 5,

+ mat. 18, 8,

+ mar. 9, 43

+ Luc. 12, 31

[p. 211]

 

Verstaet dit wel ghelijck

 

Wie recht doet so wy hooren ⁺

 

Die is gherechtich claer

 

Ja oock wt Godt ghebooren ⁺

 

Siet hier op allegaer.

 

7    Al by gods volck die Jooden,

 

Het saet van Israel

 

Daer vant men oock wel snooden ⁺

 

Door soeckt die Schriftuere wel

 

Sara oprecht van leuen

 

Siet dit exempel bloot

 

Was seuen mans ghegeuen ⁺

 

Den duyuel heeftse ghedoot

 

8    Maer hy heeft niet mogen crencken

 

Die maghet niet veer daer van ⁺

 

Die sprack wilt nu ghedencken

 

Als dat die boose en can

 

Gods volck niet aen tasten ⁺

 

Maer wel rontsom haer gaen

 

En hy doet haer wel veel lasten

 

Met zijn aenslaghen quaet. ⁺

 

9    Den Satan leyt zijn laghen

 

Al nae der menschen aert

 

In een schijn van gods behaghen ⁺

 

Niet plomp hy hem openbaert

 

Off hy also een Christen

+ 1. Joan. 3, [...]

+ 2, Joa. 3, 9

+ Nu. 16, 32
Nu. 25, 9,

+ Tob. 3, 8,

+ Tob. 3, 17.

+ 1, Jo. 5, 18
1. pet. 5, 8.

+ Eph, 6, 11

+ 2. cor. 11, 16

[p. 212]

 

Mocht crijghen in zijn net

 

Och vrienden voor zijn listen

 

⁺ V vroom tot strijden set.

 

10    Want hy soect ons verderuen

 

Och vrienden dach en nacht

 

Ons van Gods rijck te onteruen

 

⁺ Dus hout toch goede wacht

 

Blijft vast in Christus leeren

 

Volcht met v eyghen verstant,

 

Al die hem daer af keeren

 

⁺ Och vrienden die comen tot schant.

 

11    Maer die het quade haten

 

⁺ En het goede hanghen aen

 

Godt sal haer niet verlaten

 

Die daer zijn op ghestaen

 

Met Christum ende soecken

 

⁺ Tgeen dat daer bouen is meest

 

So Paulus heeft ghesproken

 

⁺ Godt sorcht voor haren geest.

 

12    Nae geest en vleesch te gader

 

⁺ Die heer weet ons ghebreck

 

Siet vrienden godt den vader

 

Heeft tot den menschen een treck

 

Die diere tijt is nu swaerlijck

 

⁺ Soect toch Gods rijck voor al

 

Met zijn gherechticheyt claerlijck

+ 1. pet. 5, 9

+ 1. pet. 4, 7

+ Jer. 17, 13

+ Rom, 12. 9

+ Col, 3, 1,

+ 1, pet. 5, 7,

+ Ro, 8, 27,

+ mar. 6, 33,

[p. 213]

 

Want v dan gheworden sal.

 

13    Die wat heeft of wel winnen

 

Hoet v voor giericheyt seer⁺

 

Laet v toch milde vinden

 

Want ghy doet het Godt den heer ⁺

 

Dat doet ghy aen den zijnen

 

Weest hier wel op verdacht

 

Godt salse wijsen in pijnen

 

Die dit cleyn hebben gheacht. ⁺

 

14    Ick wil mijn liet haest enden

 

Neemt dit in danck ghemeyn

 

Dit schenck ick mijn bekenden

 

Al is mijn wijsheyt cleyn

 

Ick hebt niet laten connen

 

Al is tghemoet verstroyt

 

Godt heeft noch wat ghesonnen

 

Looft hem die ons verstroijt. ⁺

 

15    Oorlof op desen tijden

 

Ick moet v laten wat

 

Ick en can my niet verblijden

 

In dit verhuysen plat

 

Nu zijt den Heer beuolen

 

Bidt toch voor mijn altoos

 

Waeckt bidt om niet doolen

 

Het is hier prijckeloos.

+ Luc, 12, 15
1. tim, 6, 18

+ mar, 25, 41
Acto. 9, 4
zacha. 2, 8.

+ mat. 25. 43

+ 1. cor. 1, 4,