Een nieu gheestelijck lietboecxken, twelck noch noyt in druck gheweest en is wt den Ouden ende Nieuwen Testament ghemaeckt

C Nae de wijse: Schoon lief ghy zijt mijn prijs alleyn.

Het 54. Liedeken.

GEnade en vrede van godt den vader
Door Christum onsen Heer
Wensch ick v vrienden seer
Dat wy mogen comen nader
Die waerheyt altijt meer
Die waerheyt altijt meer
⁺ Want Gods begheer, is een ghemeente ghepresen,
⁺ Die moet voor hem onstraffelijck wesen
Also wy in die Schriftuere lesen
Laet ons toch soecken Christus eer.
⁺ 2    Die mensch die was van god geschapen
Tot goede wercken hoort
Maer Adam die verloort
Christus die brocht ons weder wapen
⁺ Dat swaert des gheests zijn woort,

+ Tit. 2, 14,

+ Eph. 5. 27

+ Gen. 1, 27
Sap. 2, 23
Gene. 3. 6,

+ Eph. 6. 17

[p. 205]

 

Dat swaert des gheests zijn woort

 

Die nieu herboort, nae zijn wel behagen, ⁺

 

So hy die menschen hier wil draghen

 

Die int ghemoede niet vertragen

 

Maer vierich houden goet accoort. ⁺

 

3    Dit gelt ons oock het eeuwich leuen

 

Och vrienden wel verstaet

 

Wie na den vleesch voort gaet ⁺

 

Die moet steruen so daer staet geschreuen

 

Romeynen acht dit vaet

 

Romeynen acht dit vaet

 

Schout vroech en laet, al dat v mach besmitten⁺

 

So wie verwint salt al besitten

 

Hier naemaels worden met die witten

 

Ghecleet och vrienden schout het quaet. ⁺

 

4    Die niet volstandich blijft

 

En van dat goede went ⁺

 

Haer naeckt so groot torment

 

So den Apostel Paulus beschrijft

 

Viers wreetheyt dit bekent ⁺

 

Viers wreetheyt dit bekent

 

Och vrienden ient, wilt hierom stijf aenhouden,

 

Op Christum uwen gront wilt bouwen ⁺

 

Die liefde laet toch niet vercouwen

 

So sult ghy blincken in des hemels tent

+ Joan. 3, 3,

+ rom. 12, 11

+ Gal. 5, 21,
Rom. 8, 13

+ Apo. 21, 7

+ Apo. 3, 5,

+ Eccl. 2, 16.
Rom, 2, 9

+ heb, 10. 27

+ Eph. 2, 19
mat. 14, 12
mat, 13, 43

[p. 206]

 

⁺ 5    Te blencken eewich, of te lijden

 

Vrienden verstaet dit bloot

 

Het onderscheyt is so groot

 

Hierom so laet ons vromelijck strijden

 

⁺ En zijn sonder aenstoot

 

En zijn sonder aenstoot

 

Vrienden die doot is vleeschelijc van sinnen

 

Also wy in die Schriftuere vinnen,

 

⁺ Elck reynicht hem toch wel van binnen

 

Hebt acht op die voor seyde noot.

 

6    Die heer moet eewich zijn ghepresen

 

Die daer tot onsen profijt,

 

⁺ In den aenghenamen tijt

 

Sijnen wech ons wt genaden heeft gewesen

 

Elck wandel die met vlijt

 

Elck wandel die met vlijt

 

⁺ Wy zijn beurijt, nu laten wy ons wachten

 

Na eenicheyt en liefde trachten

 

Wel toe sien door des heeren crachten

 

⁺ Oft men wert den goeden schat weder quijt

 

7    Die liefde moet hier in ons branden

 

Nae Petrus bedien,

 

En wort toch niet lau in dees tien

 

Maer rechten op die slappe handen

 

Ende die losse knien,

 

Ende die losse knien

+ Sapi, 5, 1
mal. 3, 12,
mal 4, 1.

+ 1, cor. 10, 32
2, cor. 6. 3,
Rom. 8. 6,

+ mat. 23, 25

+ 1, cor, 6, 1,
mar. 7, 14
Jere, 6, 16

+ Gal. 5, 1,
Eph. 4, 3,

+ 2, cor. 4. 7.
1. pet. 4, 8.
Ro. 12. 10,
Apo. 3. 16.
Heb. 12, 12

[p. 207]

 

Wilt toch wt sien, tot godt om oly lopen ⁺

 

Sijn gracy dit staet nu noch oopen

 

Na desen tijt en baet geen roepen

 

So dal daer geen ghenade gheschien.

 

8    Die sonder oly zijn gheuonden

 

Merct die parabel aen ⁺

 

Hoe is het haer ghegaen

 

Wy lesen dat die wijs daer buyten stonden ⁺

 

Die duere was toe ghedaen

 

Die duere was toe ghedaen ⁺

 

Christus vermaen, sprack niet van haer quade seden.

 

Dan sy gheen Oly nae zijn reeden,

 

En hadden als die ander deden,

 

Hierom laet ons niet ledich staen. ⁺

 

9    Wilt dit parabel wel door lesen

 

Van dat huys schoon gheuaecht,

 

Den duyuel wt gheiaecht

 

Om dat het leedich was, v'staet wel desen ⁺

 

Theeft Satan wel behaecht

 

Theeft Satan wel behaecht

 

Vrij onuersaecht, is hy met seuen in gecomen,

 

Die woninghe weder in ghenomen,

 

hierom en weest geen onuruchtbare bomen ⁺

 

V huys also toch niet en vaecht.

+ mat. 25, 4
2, cor. 6. 2,
mar, 7, 11,
Luc. 13, 13

+ mat, 25, 1,

+ mat, 25, 11

+ Luc. 13, 13.

+ mat. 12. 44

+ Luc. 31. 25

+ mar. 3, 10

[p. 208]

 

10    Maer wilt het toch van binnen wel vercieren,

 

⁺ Wt v gheloof toont duecht

 

Vruchtbaer te zijn v vuecht

 

In alderley Godtsalighe manieren

 

⁺ Bermherticheyt doet met vruecht

 

Bermherticheyt doet met vruecht

 

⁺ Soo ghy vermuecht, doet goet aen alle lijden,

 

Aen alle menschen sonder mijden

 

⁺ Oock aen alle die gene die v benijden

 

al ist dat het vleesch zijn leet noch huecht

 

11    O vader wilt tot uwen wegen stueren

 

⁺ Die toch soo veer zijn,

 

Van uwen weghen fijn

 

Als hemel en aerde nae die schriftuere

 

O mensch besiet wel dijn

 

O mensch besiet wel dijn

 

Op dit termijn, wilt heer v gracy geuen

 

⁺ Dat wy nae uwen wille leuen

 

Van uwen geest worden ghedreuen

 

Want daer gelt toch geen geueynsde schijn

 

12    Hier mede wil ick v Godt beuelen

 

Bidt toch voor mijn met vliet

 

Ick groet v met dit liet

 

En hoop dat ghy ter eeren gods sult quelen

+ 2. pet. 1, 5,

+ math. 5, 7

+ Gal, 6, 12,

+ Ro. 12, 20,

+ Eph, 2, 12

+ 1, pet, 4, 1
Rom. 8. 14
1. pet, 2. 1,

[p. 209]

 

Van Christum wijcken niet

 

Van Christum wijcken niet

 

Want eewich verdriet ghenaeckte ons te samen ⁺

 

Eer dat wy tot Christum quamen

 

Hierom en laet ons hem niet schamen ⁺

 

Want ons ghenade is gheschiet.

+ Rom. 2. 8.

+ mat. 10, 32
Eph. 2, 7