Een nieu gheestelijck lietboecxken, twelck noch noyt in druck gheweest en is wt den Ouden ende Nieuwen Testament ghemaeckt

C Na die wijse: In bitterheyt der sielen

Dat 36. Liedeken.

GHenade vrede vruechden
Wensch ick v also seer
V groet mijn hert verhuechden
⁺ Ghy gheuangen in den Heer
Die daer sitten om Christus leer
V salicheyt en is niet veer

+ Eph, 4, 1

[p. 139]

 

Volhert slecht in die duechden

 

Waeckt en bewaert v cleer. ⁺

 

2    Wy moeten bidden en waecken

 

Altoos in dese tijt

 

Het vleesch wil vleeschelick smaken ⁺

 

Dat en zijn wy noch niet quijt

 

Ghy gheuanghen vromelick strijt

 

Ghy sult noch worden verblijt ⁺

 

Hy sal v heerlijck maecken

 

Wiens leer ghy hier belijt. ⁺

 

3    Den strijt die moet hier dueren

 

So die Schriftuer vermelt

 

Het welck ons duer veel figueren

 

Voor dees tijt is ghespelt ⁺

 

Het lant is met ghewelt

 

In ghenomen so schrift vermelt

 

Eer dat sy binnen die mueren ⁺

 

In rusten zijn ghestelt

 

4    Nochtans was dat voorseyde

 

Haer vaders dit verstaet ⁺

 

Belooft van Godt bescheyden

 

Dattet sou besitten haer saet

 

Maer met gheweldiger daet

 

Mosten sy het was raet

 

Haer tot den strijt bereyden ⁺

 

Ghy gheuanghen dit wel vaet

+ apo. 16, 15

+ Gal. 5, 17
1, pet, 2, 15

+ Joa. 16, 22
Rom. 8. 18

+ mat. 10, 32

+ Jos. 6, 10,
Jos. 8, 21

+ Jos. 10, 37
Jos. 22, 4

+ Gen. 12, 7
gen. 26, 3,
Ge. 28, 14

+ Jos. 6, 10,

[p. 140]

 

5    Die vromen hebben ghestreden

 

⁺

 

Vrienden van aenbeghin

 

In gheuanckenisse ghetreden

 

Die Propheten alsoo ick vin

 

Den Sone Gods niet te min

 

⁺

 

Elck wapent hem met den sin

 

Daer en comt niemant in vreden

 

Ten sy dat hy verwin.

 

6    Och vrienden doen wy vry stonden

 

Vant cruys en dit ghequel

 

⁺ En leefden in die sonden

 

Doen ghenaeckte ons die hel

 

Dat eewighe vier so fel

 

Ghy gheuangen bedenckt dit wel

 

⁺ Wat lijckt dit, wilt doorgronden

 

By den druck om gods beuel.

 

7    Dit vleesch moet toch bederuen

 

Of dat wort ghepersequeert

 

⁺ Maer haer worm sal niet steruen,

 

In die hel so schriftuer leert

 

Als dat volck gods triumpheert

 

⁺ Met Christum conferceert

 

Den croon van hem verweruen

 

Ghy geuanghen dit grondeert

 

8    Die rechtueerdighe sielen kennelijck

 

⁺ Die zijn al in Gods hant

+ heb. 11, 36
gen. 39, 20
3. re. 22, 27
mat. 2, 14

+ 1. pet. 4, 1.
4. esd. 7, 9
Apoc. 3, 5'

+ rom. 6. 20,
Jesa. 5. 14
mat, 13, 42

+ rom, 8, 18
2. cor. 4, 17

+ Jes. 66, 14
mar, 9, 47
Sapi. 5, 1

+ 4, es. 2, 42
2. tim. 4, 8
Sap, 5. 17

+ Sapi. 3, 1

[p. 141]

 

Sy schijnen te steruen schennelijck

 

Voor die blinden int verstant

 

Haer hoope vast gheplant ⁺

 

Die is onsterffelijck want

 

Sy lijden een weynich eyntelijck

 

Haer loon is groot playsant.

 

9    Wilt toch vant goet niet wijcken

 

Paulus acht al dit lijen

 

Niet waerdich te gelijcken, ⁺

 

By al tgeen dat nae dees tien

 

Bereyt is voor al dien

 

Die Godt lief hebben te sien

 

Laet nu v liefden blijcken

 

Nu gheltet wilt vroom strien.

 

10    Oorlof wilt nu niet slapen

 

Bidt ende waeckt eenpaer

 

Ghy wtuercooren slach schapen ⁺

 

Ick groet v allegaer

 

Neemt dit in danck toch daer

 

V begheerte verwechte mijn claer

 

Ghebruyckt vroom gheestelijck wapen, ⁺

 

V Sabath comt vast naer.

+ Rom. 5, 5
Sapi. 3, 4
2, mach, 7 36,
heb, 10, 35

+ Ro, 8, 18,
2. cor. 4, 17
mat. 25, 34
2. tim. 4, 8
rom, 13, 10

+ Joa. 15, 16

+ Eph, 6, 11