Het triumph-hofjen Iesu Christi ende Marie

[p. 39]

De sevende VVee.

Op de wijse: Van d'Engelsche Fortuyn.

ACh op het laetste
Comt de droeve Wee!
Haer op het quaetste

[p. 40]

 

Noch vertoonen mee.

 

O Moeder Godts!

 

Hoe is u troost verkort,

 

Nu u het doodts

 

Lichaem ontrocken wordt.

 

2.

 

Hem te sien sterven,

 

Deed' u herte seer:

 

Maer hem te derven

 

Quest u ziele meer:

 

Iohannis, ach!

 

Saecht ghy met Magdaleen,

 

Wel grooter dach,

 

Van bitterlijck gheween.

 

3.

 

In twee fonteynen

 

Schijnt dat Iesus plast,

 

Daer sy als reyne

 

Moeder hem mee' wast:

 

Wat droever kus,

 

Geeft sy hem daer van nieu?

 

En seydt hem dus,

 

De laetste-mael Adieu.

 

4.

 

Ey Nicodeme,

 

Wilt dit doode Lijck,

 

Doch van haer neme,

 

Heel eerbiedelijck:

 

Van Armathy

 

Draecht hem tot u Spelonck,

 

Die altijdt vry

 

Van alle misdaedt blocnk.

[p. 41]

 

5.

 

Dit laetste scheyden

 

Van u lieve Soon,

 

Moet ons gheleyden,

 

O Maria schoon!

 

Ter plaetse waert,

 

Daer men geen scheyden spreeckt,

 

Noch daer het swaert

 

Van rouw geen hert doorsteeckt.

FINIS.