Den Goddelycken Minnenpijl

[p. 151]

Een ander nieuw Gheestelijck Liedeken op den selven sin,

(Op de wijse) Uyt den afgrondt van mijn ghedachten, oft hier ist begin van’t bitter lijden.

1.

O Iesus der vermertigheden,
Wilt eens aenhooren mijn ghebeden,
Want ick ben een bedroefde Ziel,
Die hier ootmoedigh voor u kniel.

2.

Ghy zijt den Godt vol van ghenaden,
Ghy die vergheeft ons boose daden,
En wilt verstooten u schepsel niet,
Want ick ben swacker dan een riet.

[p. 152]

 

3.

 

Ick ben ghemaeckt van uwe handen,

 

Doet aen u eyghen Schepsel gheen schanden,

 

Ghedenckt dat ghy my hebt verlost,

 

Ick heb u dierbaer bloedt ghekost.

 

 

 

4.

 

Wilt thoonen dat ghy zijt mijn Broeder,

 

Zijt in het oordeel mijnen behoeder,

 

En doet my naemaels gheen verwijt,

 

Maer denckt dat ghy mijn verlosser zijt.

 

 

 

5.

 

Wilde ghy u machtigh hant uyt steken,

 

Teghen een Schepsel vol ghebreken,

 

Dan met den windt wordt wegh ghevoert,

 

Ghelijck den Boom sijn bladeren roert.

[p. 153]

 

6.

 

Ick wil mijn Ziel in traenen wasschen,

 

Mijn hooft bestroyen dick van asschen,

 

Want beter is nu eenen traen,

 

Als naemaels eenen occiaen.