Den Goddelycken Minnenpijl

Een nieuw Gheestelijck Liedeken,

(Op de wijse) Van de 36. H. ofte het Balet van Monteré, oock aenhoort mijn droevigh suchten ghy die my vliedt.

1.

Myn Ziel die wenscht met groot verlanghen,
Naer u o Heer,
Voorwaer ghy zijt aen mijne Ziel heel stranghe,
Ghy thoont even seer,
Dat ghy soo langh my houdt ghebonden,
Aen dit Lichaem boos,

[p. 78]

 

Dat my bestrijt altoos,

 

En bevecht met vele sonden,

 

Maer bedeckt hoe loos.

 

 

 

2.

 

Den Gheest die wilt wel op-waerts vlieghen,

 

Tot uwen Throon,

 

Maer siet my dunckt dat ghy my wilt bedrieghen,

 

Is dit mijnen loon,

 

Van dat ick u soo sterck Minden,

 

En gheen ander Lief en neemt tot mijn gherief,

 

Gaet ghy my noch vast binden,

 

Oft ick waer een dief.

 

 

 

3.

 

Ghy doet mijn Ionck hert dickwils suchten,

 

O Liefsten mijn,

[p. 79]

 

Dat ghy soo haestelijck van my gaet vluchten,

 

T’hoont my u aenschijn,

 

Oft hebdijt noch in u ghepeysen,

 

Dat ick vol onmin noch ben u vyandin,

 

Mijn Ziel die salt uyt wijsen,

 

Hoe sy queelt van Min.

 

 

 

4.

 

Wel hoe sou ick my niet beklaghen,

 

Dat ick aensien,

 

Dat ghy-der soo veel in hun jonghe daghen,

 

Hebt van hier doen scheen,

 

T’is eenen Koska hoogh verheven,

 

Ende Musa Maeght,

 

Sy waren jonck bedaeght,

 

Ghy hebt het hun ghegheven,

 

Daer ick soo naer vraeght,