Den Sendtbrief Pauli tot den Romeynen
(1582)–Johan Fruytiers–
Auteursrechtvrijop stichtsanghen gheset
[Folio B4r]
| |
 1 BRoeders v en is niet vergheten,
Ick spreeck tot haer die de wet weten,
Dat de wet heerschappie heeft,
Ouer den mensche hier geseten,
En dat so langhe als hy leeft.
Ga naar voetnoot‡ Die eens mans wijf hier wort geuonden,
Is door de wet aen hem ghebonden:
Maer sterft de man sy wort gheset
Weder in vryheyt te dier stonden,
En is oock vry van des mans wet.
4 So zijt ghy broeders hier ter stede,
Der wet ghedoot door Christum mede,
Om zijn te wesen onuertzaecht:
Die God vander doot op staen dede,
Op dat ghy goede vruchten draecht.
5 VVant doen wy inden vleesche waren,
Doen sachmen crachtich openbaren
Beweginghen met tslusts aenstoot:
In onsen leden [tot beswaren]
En droeghen vruchten tot der doot.
6 Nv van wet vry zijn haer ghestoruen
Die ons hiel onder tot bedoruen,
So dat wy dienen ongheflout:
In sgheests nieuwicheyt nv verworuen,
Ende niet in de letter out,
| |
[Folio B4v]
| |
7 Ick seg niet dat de wet is sonde,
Maer de sond' ick niet kennen conde,
Dan door de wet is dit gheschiet:
Noch het begheeren quaet van gronde
Ten waer dat sy alsulcx verbiet.
10 Na dat de sonde nam oorsake,
Tghebot bedrooch my twelck ick smake,
En tselfde wrocht de doot onsoet.
De wet seer heylich ick niet lake,
Noch het ghebot oprecht en goet.
11 Tgoet cost in my de doot niet wercken,
Maer om de sonde te aenmercken,
Quam de doot door het goet van God:
Op dat de sond' in leeck oft clercken
Seer sondich sou zijn door tghebot.
| |
[Folio B5r]
| |
 ick doe altijt dat ick hate.
16 Ist dat ick doe t'eenighen tijde,
Dat ick niet en wil, ick belijde
De wet voor goet [al ben ick clachtich:]
17 So doe ict niet meer dan by name
De sonde in mijnen lichame,
18 Want gheen goet is in tvleesch woonachtich.
Ick heb den wille tot veel dinghen,
19 Maer om het goet hier te volbringhen
En vind' ick niet: want wil tot goede
En doe ick niet, tot gheender uren,
Maer tquaet dat ick niet soud' volvuren,
Dat doe ick, tvleesch is sulcx niet vroede.
20 Doe ick dan sulcx t'eenighen stonde,
So doe ick dat niet, maer de sonde,
[Daer ick hier mede ben ontfanghen:]
21 Een wet in my can ick beuinden,
Als ick my tgoet wil onderwinden,
Datmen my tquade siet aen hanghen.
22 VVant ick heb lust met tsherten wensche
Aen de wet Godes na den mensche,
Die my inwendich brengt verblijen:
23 Maer ick sie in my oock verspreden
Een ander wet in mijnen leden,
Teghen tgemoets wet can sy strijen.
Dees can my hier in seer veel saken,
Der sonden wet gheuanghen maken,
Die in mijn leden is niet traghe.
24 Ick mensche die daer ben ellendich,
Wie verlost my [ick roep onendich]
Van sdoots lichaem het welck ick draghe.
| |
[Folio B5v]
| |
25 Ick dancke God den vader seere,
Door Jesum Christum onsen Heere,
Dien' oock Gods wet met den ghemoede.
26 Met het vleesch sietmen my aencleuen
De wet der sonden in dit leuen,
Ten sy dat my de Heer behoede.
|
