Ecclesiasticus of de wijse sproken Iesu des soons Syrach. Nu eerstmael eurdeelt ende ghestelt in Liedekens, op bequame en ghemeyne voisen

Het C. Liedeken op de vvijse, Sus loués Dieu &c.

^+
+
+
De Heer vercoos oock wt Leuys ghe-
slachte// Moyses broeder Aron hooch van
machte// En maecte met hem een eewich ver-
bont// Het priesterdom dat heeft hy hem ghe- ⁺
gheuen Eerlijcke clederen oock daer beneuen//
Ende Godes woort dat was in sijnen mont.

+ Van Aaron.

+ Gheestelijck.

+ Exo. 4. b

+ Van Aarons clederen ende ciraet.

[p. 188]

 

Hy was verciert met costelijck ghesmede

 

Met neercleet, en langhen rock oock mede,

 

⁺ Den lijfrock daer de clocxskens hinghen aen

 

Op dat hy in het heylichdom sou clincken,

 

En dat het volck dan Gode sou ghedincken,

 

[En na sijn woordt voor alle dinghen staen.]

 

 

 

Het heylich cleet van gout en scharlaken

 

Ghestict met sijde constich in het maken,

 

Met t'maechschildeken op de borst seer reyn,

 

Met licht en rechte steenen [als vier vlammen,]

 

⁺ Daer inghehouden Israels twaelf stammen,

 

Op dat Godt ghedachte groot ende cleyn.

 

 

 

T gulden voorhooft blat waer in was ghegrauen

 

Het heylichdom van costelijcker hauen,

 

Wiens ghelijcke noyt en was ghesien,

 

Oock moste dat gheen andere aentrecken

 

Dan van sijn saet dat Godt soude verwecken,

 

En aen kints kinderen mocht dit gheschien.

 

 

 

⁺

 

⁺ Tweemael tsdaechs quamen sijn offeranden,

 

Moyses vervulde met salf sijn handen,

 

Met hem soo wert doen een verbont ghemaect

 

Dat hy en sijn sonen bedienen souden

 

Het priesters ambacht, en dat behouden,

 

Oock tvolck seghenen, twelck Godt niet missaect.

 

 

 

⁺ Wt alle leuende is hy ghecoren

 

Dat hy versoenen soude Godes toren

 

Door spijsoffer, en rueckoffer soet,

 

Hem wert beuolen oock het woordt des Heeren

 

⁺ En Jacob de ghetuyghenis te leeren,

 

⁺ En Israel des Hoochsten wet seer goet.

 

 

 

⁺ Door nijt verhieuen teghen hem veel scharen,

 

Dathan, Abiron, die met Core waren,

 

Maer Godt sach dat, en theeft hem niet behaecht,

 

Grimmighen toren heeftse al verslonden,

 

⁺ Open soo ghinghen terstont de afgronden,

 

Tvier verslont haer, de Heer heeftse gheplaecht.

+ Exo. 28. d

+ Exo. 21. d

+ Exo. 30. d

+ Leui. 8. b

+ Een figure van Christo de hoochste priester.

+ Deu. 17. a ende 21. a

+ Mala. 2. a

+ Dathan en Ahiros oproer.

+ Nu. 16. c ende 26.

[p. 189]

 

Hy deylde Aron alle eerstelinghen,

 

Voor al soo liet hy hem broots ghenoech bringhen, ⁺

 

Want Godts offer creech hy en sijn saet,

 

Dijs moesten sy weder tslantsdeel oock deruen,

 

Noch met den volcke eenich deel hier eruen,

 

Maer Godt die was het erfdeel t'huerder baet.

+ Leui crijght den offer des altaers, dijs deruen sy lansdeel.