Ecclesiasticus of de wijse sproken Iesu des soons Syrach. Nu eerstmael eurdeelt ende ghestelt in Liedekens, op bequame en ghemeyne voisen

Het XXIIII. Liedeken, vvt den selfden Cap. op de vvijse, Een Venus dierken, oft Ontvvaect nv Israel &c.

^+
+
ALs een gheweldich man v hier wilt trecken//
Tot hem weyghert v doch altijt// ⁺
Dijs sal tot v meer sijn begheerte strecken//
Van selfs v niet in drin ghen de sijt
Hy sy oock niet deur nijt// heel ontslaghen//
Op datmen v ghebruycken mach// Beueelt hy v
oock wat na sijn behaghen// Maect oock van weygeren
gheen ghewach.

Nochtans verlaet v hier oock niet te seere,⁺
Hoe wel hy hem met v ghemeyn maect,
Want hy versoect v daer deur hier te meere,
Als t'soet woordt v int herte raect,

+ Vanden rijken en aermen.

+ Leerlijck.

+ Den ghevveldighen gelooft met voorsichticheyt.

+ De rycke haelt den aermen vvel vvt

[p. 58]

 

Hy haelt v wt en smaect// v bedrijuen:

 

Maer als weder onghenadich wordt,

 

Soo sal hy by sijn woorden hier niet blijuen,

 

[waer deur hy v en hem vercort.]

 

 

 

⁺ Met straffe, noch gheuanckenis wilt ghecken,

 

Wacht v, siet vrees daer ghy in leeft,

 

Aenmerckt wat v cleyn dierkens hier ontdecken,

 

Elck hem tot sijns ghelijck hier gheeft,

 

⁺ Wat liefd dat elck hier leeft// wilt aenmercken,

 

Elck oock soo sijns ghelijck betraep,

 

⁺ Want vrome menschen met heur die quaet wercken

 

Die sijn by een als wolf en schaep.

 

 

 

⁺ Ghelijck als Hyena al met den honde

 

Ghemeynschap hout om quaet te doen hier,

 

Soo sijn de rijcke veel tot elcken stonde,

 

Met d'aerme nv meest oock doende schier,

 

Ghelijck eens leeus bestier// can verslinden

 

Al op de heyde een wilt beest,

 

Soo sult ghy vanden rijcken hier beuinden

 

Dat hy den aermen verslint oock meest.

 

 

 

Soo de hoochmoedighe hier houdt onwaerdich

 

Tghene dat slecht is int aertsche dal:

 

Soo is de schamele aerme rechtuaerdich,

 

Den rijcken onwaerdich ouer al,

 

⁺ Wanneer de rijcke sal// vallen neder,

 

Soo hulpen hem sijn vrienden saen:

 

Maer valt de schamele, men stout hem weder,

 

[Eylacen niemandt wilt hem bijstaen.]

 

 

 

⁺ Wanneer men eenen rijcken hier sach dwalen,

 

Dat wort van vele hier wel verschoont,

 

Al hoortmen hem oock in sijn woorden falen,

 

Het moet recht sijn, soo hy dat vertoont:

 

Maer d'aerme wordt ghehoont// men doet clachten

 

Ist dat v yemanden misdoet,

 

Al spreect hy wijslijck men salt niet achten,

 

Maer dat de rijcke spreect is goet.

 

 

 

⁺ Rijckdom is goet en oock niet om versteken

 

Die sonder sonde hier wordt ghebruyct,

+ Ghect met straft noch gheuanckenis.

+ Ghelijck by ghelijcke.

+ 2. Co. 6. b

+ Hyena is een dier in Egypten, en leert een hont roepen by sijnen naem ende eet hem daer na.

+ Te vvijl ghy ryck syt, soo hebt ghy veel vrienden.

+ De rycke heeft in onrecht recht.

+ Ryckdom vvel ghebruyct is seer goet.

[p. 59]

 

Maer des godtloose aermoedt leert quaet spreken, ⁺

 

Het tsmenschen sinnen sy oock ontluyct,

 

Seer selden luypt oft duyct// die van sinne

 

Goet is: vrijmoedich dees hem houdt:

 

Maer daer een heymelijck stuck hier steect inne, ⁺

 

Dees heeft cleyn rust, [hy sy ionck oft oudt.]

+ Psal. 60.

+ Veraders sijn selden gherust int herte.