|
| |
| |
| |
IX. Baljuws van Damme.
A. 1382 (10 Januari.-5 Mei).
Dit es de rekeninghe Heinric Strubbes, bailliu van den Damme in dien tiden, van al dat hi ontfanghen heift, gheheven ende uteghegheven van den profiten ende exploiten van der vorseider baillie van den Damme, zichtent den 10en dach van Laumaent int jaer 1381 tote den 5en dach van Meye int jaer 1382; gherekend te Hesdijn den 7en dach van Hoymaend int selve jaer.
Ende es te wetene dat, bin al der tijt van deser rekeninghe, men ten Damme niet ghedinct heift, van keuren noch anders, mids der onruste die int lant gheweist heift ende noch es.
Ontfaen van alreande calaingen bin der vorseider termine.
Clais Beiaerd, ghecalengierd dat hi slouch Pieterkin den Scoemakere metter vust, danof de boete gheweist zouden hebben 3 ℔; ontfaen te Mijns heeren bouf, 40 s.
| |
| |
Jan de Tolnare, ghecalengierd dat hi Truden van Zeelant duere upstac, ende slouch se met vusten dat zoe te erden viel, also zoe zeide ende haer clachte dede; denwelken Jan, mitsdat de bailliu duchte ghebrec van wareden te heftene, utedat bi nachte gheviel, hebbe ghelaten composeren; ontfaen te Mijns heeren bouf, 4 ℔.
Wouter Waelkin, ghecalengierd dat hi ghevreest zoude hebben met enen messe Jan Boonen, ende zoude de boete derof geweist hebben 60 ℔, wanof men gheene warede conste bevinden, ende heftene de bailliu laten composeren; ontfaen te Mijns heeren bouf, 6 ℔.
Jan Droghenap, ghecalengierd dat hi ghevreest zoude hebben met enen messe Hughen, Jans cnape van Douway, ende zoude de boete derof gheweist hebben 60 ℔; ende heftene de bailliu ghelaten composeren; ontfaen te Mijns heeren bouf, 6 ℔.
Jan Boudins zone, ghecalengierd dat hi een mes trac up Pieter van der Hide, ende zoude de boete gheweist hebben 40 ℔, pais omme 12 ℔.
Gillekin de Corte, Witkin Hughen zone, dewelke ghecalengierd waren dat elc up ander haer messe ghetrocken zouden hebben, ende zoude de boete gheweist hebben 60 ℔, mitsdat beede areme knechte waren, ontfaen te Mijns heeren bouf van hem beeden 6 ℔.
Hase Buse, dewelke ghecalengierd was dat zoe slouch met vusten ende ghebloetreessent zoude hebben ene Lile Heine, pais omme 3 ℔.
Clais van Meghen, dewelke ghecalengierd was dat hi slouch met vusten ende ghebloetreessent zoude hebben Christiene Slapers, 3 ℔.
Pieter Joris, dewelke ghecalengierd was dat hi een mes ghetrocken zoude hebben up enen Michielkine van der Couter, danof de boete gheweist zoude hebben 60 ℔, pais omme 6 ℔.
| |
| |
Marikin, Jan zons dochter, dewelke ghecalengierd was dat zoe poorters neringhe ghedaen zoude hebben, ende neghene poortesse ne was, danof de boete gheweist zoude hebben 10 ℔., danof heft Mijnheere de tweedeel ende de Stede terde, ontfaen van Mijns heeren deele, 3 ℔.
Bernaerd Beraut, dewelke ten Damme harinc cochte omme in de Seine te voerne, ende ward van der zee wedersteken, ende ne constene nauwerinx toeghebringhen te venten danne weder ten Damme twelke de boete gheweist zoude hebben 50 ℔., midsdat hine daer wedere vercocht hadde, danof Mijnheer heift de tweedeel ende de Stede terde, twelke hem de bailliu assenterde; ontfaen van den vorseiden assente te Mijns heeren bouf, 12 ℔.
Siere Gabriel Busoen, denwelken de bailliu vant ende calengierdene bi nachte, wijn bereedende in zinen kelre, danof de boete gheweist zoude hebben 50 ℔, danof Mijnheere heft de tweedeel ende de Stede terde, midsdat men ghene wet en dede, pais omme, 12 ℔.
Willem de Bindre, dewelke ghecalengierd was van dat hi woukere leende bin der Keure, ende zoude de boete derof gheweist hebben 10 ℔., de tweedeel Mijnheere ende terde der Stede, ontfaen van Mijns heeren deele, 6 ℔ 13 s. 4 d.
Somme van al den vorseiden calaingen 81 ℔ 13 s. 4 d.
Van wine te bereedene, niet ontfaen, midsdat men bin der vorseider rekeninghe gheene wet ghedaen en heift.
Van den dekenen van den neringhen van der poort, niet ontfaen.
Van enen huus staende ten Damme, twelke die van Ghend toebehorde, daer een Pieter Blauvoet in
| |
| |
wonde, ontfaen van der huushure te Mijns heeren bouf, 16 ℔, 26 s.
Marie, Lauwers wijf van den Berghe, dewelke voer van live ter doot, ende de aeldinghe van den enen vierendeel van Ghend waren, an twelke de bailliu hand slouch ende ontfinker of te Mijns heeren bouf, 12 ℔.
Somme van beede dese paercheelen 28 ℔, 16 s.
Ontfaen van bastaerde goede.
Michiel van Bassevelde, dewelke bastaerd ende een ghemate cnape was, naer wiens doot bleef cateilkine binnen den huus, ghedeelt jeghen sijn wijf, dewelke cateilkine gheprijst waren 20 ℔ parisis, danof ontfaen van der ere helt te Mijns heeren bouf, 10 ℔.
Lisebette Pieters, dewelke bastaerde was, naer wies doot bleef misselike cateilkine, dewelke de bailliu vercochte, ontfaen te Mijns heeren bouf, 15 ℔.
Marie, Gillis wijf van Waes, dewelke bastaerde was, ende omme haer broot plach te gane, naer wies doot bleef een beddekin, ende andre cateilkine, danof Mijnheere waer deene helt toebehorde, ende dandre helt den vorseiden Gillise, haren man was; ontfaen van Mijns heeren deele, 6 ℔.
Somme van den bastaerde goede, 31 ℔.
Somme van al den ontfaenghe van der baillie van den
Damme, 141 ℔, 9 s. 4 d.
Van der baillie van der Muenckereede ende van den Houke so ne rekend de bailliu van den Damme niet, utedien dat hem de bailliu zine rekeninghe niet overbrocht noch ghesent en heift, gherekent in zine rekeninghe ghedaen te Meye int jaer 83, te Rijssele.
| |
| |
Dits tuutgheven, in minderinghen van den vorseiden ontfanghe.
Eerst, omme sbaillius wedden van deser rekeninghe, 16 ℔, 13 s. 4 d.
Van prisien van den vorseiden bastaerdegoede, ende van Marien, Gillis wijf van Waes, ter erden te doene.
Somme van den uutghevene vornomd, 19 ℔, 4 d.
Ende de ontfanc van der baillie van den Damme draecht 141 ℔, 19 s. 4 d.
Rest dat de bailliu scoudech blijft, 122 ℔, 9 s.
Op den rug: Compte Henry Strubbe, bailliu dou Dam, fait à Hesdin l'an 82 le 7e jour de Juillet.
Rol Rekening, no 1425.
| |
| |
| |
Damme.
B. 1382-1383 (1 December.-5 Mei).
Dit es de rekeninghe Henric Strubbes, bailliu van den Damme in dien tiden, van al dat hi ontfanghen heift, gheheven ende uutghegheven van den profiten ende exploiten van der voorseider bailgie ende datter toebehoort, zident den eersten daghe van Decembre int jaer -82 tote den 5sten daghe van Meije, gherekent te Rysele int jaer -83; ende es te wetene dat, alzoot kenlijc es, men bin der voorseider tijt ghene wet ghedaen heift van boeten noch andren rechten, onzen gheduchten Here toebehorende, ende als van den verbuerden goede ne heift hem de bailliu niet onderwonden, midsdatter toeghestelt waren eneghe van den heren van den Rade ons gheduchts Heren voorseits bi speciaelre commissie.
Eerst, ontfaen van messeliken calaengen, die de bailliu gheleit hadde, wanof hi omme beters wille ende naer den gheleghenen tijt heift laten composeren.
Herman de Houde, scoemaker, ghecalengiert van dat hi bi nachte ghesleghen zoude hebben metter vust enen Heine den Kemel, ontfaen 4 ℔.
| |
| |
Lisebette van den Scilde, ghecalengiert van dat zoe ghesleghen zoude hebben met enen stene een harem wijf van Zeland, wies name men niet gheweten conste, ontfaen 4 ℔.
Jan Biset, ghecalengiert van dat hi dootghesteken zoude hebben enen hont toebehorende onzen gheduchten Here, zident dat hi laetst uute zinen lande sciet, ende daerboven hem ghewapent ende ter maerct ghecommen, ende quade worde ghegheven degone die dertoe zeiden ende hem dat blamerden, 240 ℔.
Hannekin Hildebrand, ghecalengiert van dat hi met enen Bertoenschen knecht ghecommen zoude hebben in eens goeds mans herberghe ten Damme, ende daer vele oribelheden ghedaen, ende beghert dat men hem een wijf halen zoude van buten, ende, daer ment niet ne dade, zeide dat hi zinen wille hebben zoude van der joncvrauwe van den huus haers ondankens, wanof dattene de bailliu in vanghenessen dede, daer hi langhe lach; ende, midsdat een mate knecht was ende hem quamen de worden die hi zeide uute dronkenscepe, lietene de bailliu composeren omme 24 ℔.
Willem de Man, waghenare, commende bin den Damme van live ter doot, naer wien bleven 4 paerden ende enen waghen, waeran de bailliu hand slouch over bastaerdegoed, ende daernaer quamen eneghe personen die hem aeldinghers maecten in tvoorseide goed, presenterende inwaerd te doene, dat hi ghetrauwet kind was, dewelke noit zident voor oghen quamen, mids denwelken de bailliu calengierde tvoorseide goed over stragiers, ende hevet vercoght ende derof ontfaen 43 ℔ 4 s.
Item, in gheliken quammer van den live ter doot een Jaket André de Pistoye, dienende in tiden verleden met Colaerde Cortscoof ende zine kindren, naer
| |
| |
wien bleven twee ghetraude dochteren, die eens toten bailliu quamen omme haers vader goed te hebbene, midsdat hijt ghearrestert hadde, ende daernaer hem niet weder presenterden, mids denwelken over stragiers de voorseide bailliu tselve goed dat hire vant, dats te wetene: 4 bedden, 2 paer lilakene, 2 quade saergen, 2 quaden scrinen, een stic linins lakens, lanc 14 ellen, 6 quade cussine ende 4 orcussine, onder quaet ende goet, arresterde, hand deran slouch ende vercoghte, ende ontfinker of 22 ℔.
Item, quam van den live ter doot ene Aechte, Lauwers f. Willems wijf, die ghetrauwet kind was, wies goed verstaref up vijf hoofden, wanof de 4 commen zijn ende tvijfste niet ne comt, mids denwelken de bailliu an tvijfste deel hand slouch over stragiers, ende heift er of ontfaen ghelijc den andren, 21 ℔ 12 s.
Item, vant de bailliu voorseid, onlancx eist leden, vijf vate houder tenten, toebehorende Jacop den Scotelare ende zinen wive, dewelke Jacop gheruumt es met die van Ghend of eldre, ende bi dier redene slouch de bailliu hand an tvoorseide goed, ende, ter bede van goeden lieden ende midsdat mate, houde wine waren, liet de bailliu svoorseits Jacops wijf daerof composeren, ende ontfinker of 84 ℔.
Hannin van der Donc, ghecalengiert van dat hi gheanevaert zoude hebben ende ontfoert enen quaden seuy, daeran zijn broeder, die binne Ghend es, teen vierendeel hadde, zonder den bailliu te kenne te ghevene, wanof hine in vanghenessen dede, ende, midsdat een goed mate knecht es, alzo de bailliu verstaet, heeft hine laten composeren omme 18 ℔.
Somme van den parchelen voorseid, 460 ℔ 16 s.
| |
| |
Ontfaen van diversen cooplieden, Oosterlinghen ende andren, hiernaer verclaerst, van wijne, haringhe ende asschen, die hi vant bin den Damme ten tiden dat onze gheduchten Here laetst in zijn land quam.
Eerst, van ere compositie, die ghemaect was bi onzen voorseiden Here ende den heren van zinen Rade, van 712 last harincx, toebehorende diversen cooplieden van Almaengen, dies de bailliu bevel hadde bi lettren, 3000 franken, valent 5625 ℔.
Item, van enen Pieter van den Tolle, van 15 last harincx, wanof de bailliu liet composeren, midsdat hi niet wel ghereetsceip an tgoed vinden conste, omme 4 franken van der last, dat es 60 franken, valent 112 ℔ 10 s.
Item, in gheliken van enen Reinaut Reinout, van Mesine, van 5 last, 4 franken van der last, dats 20 franken, valent 37 ℔ 10 s.
Item, van Jan Scaerpen, van 25 last, 4 franken van de last, dats 100 franken, valent 187 ℔ 10 s.
Item, van Herman Platten, Oosterlinc, van 21 last asschen, van diversen landen ende van diversen prise, ghecomposert omme 48 ℔.
Item, van Tideman Lueper, van 10 last asschen, 28 ℔.
Item, van Hertswijc Hiltvelt, van 12 last asschen, 36 ℔.
Item, van Coenraerd Vinke, van 5 last harincx, 20 franken, valent 37 ℔ 10 s.
Item, van Herman Herberts, van 3 ½ last, 14 franken, valent 26 ℔ 5 s.
Item, heeft de bailliu ontfaen van den wijnen die bevonden waren ter tijt voorseid, ende es te wetene datter voor die tijt zere vele vercoght waren, ende van dengonen die hi bevonden mach hebben heift hi laten composeren, alzoot hiernaer verclaerst es:
| |
| |
Eerst, Maertin Scapelin, van 18 vate, ghecomposert omme 120 ℔.
Item, Jacop Coudekueken, van 9 vate, omme 60 ℔.
Item, Fransois de Smet, van 22 vate, omme 144 ℔.
Item,Joos Willout, van 10 vate, omme 60 ℔.
Item, Roeland de Montmartin, van 15 vate Spaensch wijns, omme 72 ℔.
Item, een Karel Cigalle, coopmau van Geneven, brochte voor de voorseide tijt ene quantitet van wijnen van der Rochele, die hi meest te voren vercoghte, datter de bailliu lettel onder hem vinden mochte; niet min hi begherde den 5sten penninc van al, up twelke de voorseide Karel verandworde ende ghenouch inwaers dede, dat an de voorseide wijnen vele cooplieden van diversen landen delachtich waren, ende dat zi alle meest wech waren, ende elc zijn gheld ontfanghen hadde, ende, moestire yet of gheven, dat zoude hizelve betalen, want hi ende een Bernaerd, met hem wonende, waercnapen waren, ende vercoghten elc vat omme 10 of 12 groten van rechten solarise ende dienste; ende midsdesen liet de voorseide bailliu composeren van al omme tbeste, ende ontfinker of 20 ℔ groten, valent 240 ℔.
Item, in derzelver manieren ende bi der voorseider redene ghecomposert met enen Gabriel Buson, Lombaerd, van al den wijnen die hi ghehad hadde voren vercoght, ende daerna, midsdat hi waercnape es ende wijne pleicht te vercopene omme tsolaris, alzo voorseid es, ende dit omme 300 ℔.
Item, van diversen cooplieden van der Rochele, die de bailliu elc zonderlinghe ghecalengiert hadde, ende drouch de somme van al 217 vate wijns, lettel min of meer, dewelke cooplieden trocken te Rysele te tween stonden voor den Raed ons gheduchts
| |
| |
Heren voorseid, ende brochten int laetste een bevel an den bailliu bi lettren ons voorseits Heren, dat hi, bi speciaelre gracie den cooplieden ghedaen, ontfanghen zoude over al 500 franken, die hi ontfaen heift, valent 937 ℔, 10 s.
Item, heift Andries de Brune ghecomposert van 15 vaten omme 84 ℔.
Item, Clais Kiel, van 15 vate omme 72 ℔.
Item, Pieter Binders wedewe, van 9 vaten omme 48 ℔.
Item, Godekin de Leeu, van 12 vaten omme 60 ℔.
Item, Feinse van den Lare, van 16 vaten omme 72 ℔.
Somme van den voorseiden parchelen, 8407 ℔, 15 s.
Van wine te bereedene, niet.
Van dekenen ende neeringhen, niet.
Ontfaen van bastaerdegoede.
Eerst, van Katelinen kinde van den Vivre, naer wies doot bleven een bedde, ene scrine, ene sca- perade, een lisekin, een froc, een roe ende een teinin teelkin, twelke de bailliu vercoghte, ende ontfinker of 16 ℔.
Item, was ghejusticiert metten zwerde een Boudin Cornuut, naer wien bleven 3 bedden, stoelen, banken ende ander messelike huushallame, wanof de bailliu, midsdat hijt zo ghemate vant ende de wedewe in groten sculden bleef, hi derof liet composeren omme 18 ℔.
Ontfaen bi bevelne van Mijns heren Rade, van den eersten daghe van Decembre int jaer -82 tote den 8sten daghe van Sporkele int zelve jaer, van elker tonne oppinbiers enen grote, over Mijns voorseits heren deel, heft 20 ℔.
Somme van den voorseiden drien parchelen, 54 ℔.
| |
| |
Somme van al den exploiten ende ontfanghe van der vorseider baillie van den Damme, 8922 ℔, 11 s.
Ontfaen bi Janne den Vriese, bailliu van der Monekerede ende van den Houke, van messeliken calaengen, darof hi heift laten composeren.
Eerst, van Pieter den Slotemaker, die ghecalengiert was dat hi ghequetst zoude hebben met enen messe enen Clais Heins, ontfaen 5 ℔.
Item, Hughe de Vlieghere, ghecalengiert van dat hi ghesleghen zoude hebben metten ontsende van enen stave eens Willems Teghelmakers wijf, ende dat hi se ter herde ghesleghen zoude hebbe, pais ghemaect omme 18 ℔.
Boudin Stovaert, de jonghe, ghecalengiert van dat hi ghesteken zoude hebben met enen messe enen Pluenis Plume, ende ghevreest metten voorseiden messe enen Lonis Bouve, compositie daerof ghemaect omme 24 ℔.
Item, Wouter Everdey, ghecalengiert van dat hi Pieters Slotemakers dore ofghelopen zoude hebben ende daer ghesleghen hebben in zijn huus, ontfaen 10 ℔.
Somme van den voorseiden parchelen, 57 ℔.
Ontfaen van bastaerdegoede.
Eerst, van Jan Herembouts kinde, naer wies doot bleef 35 s. groten in ghelde ende tvierendeel van enen husekine, dat vercoght was 7 s. groten, dats met alle 42 s. groten, valent 25 ℔, 4 s.
Somme van den ontfanghe van der Monekerede ende van den Houke, 82 ℔, 4 s.
Somme van al den ontfanghe van den Damme, van der Monekerede ende van den Houke, 9400 ℔, 15 s.
| |
| |
Item, es de vorseide bailliu van der Monekerede sculdich van der rekeninghen die hi ghedaen zoude hebben te Hesdin in Meye int jaer -82, 30 ℔, 16 s.
Somme van al den ontfanghe, 9035 ℔, 11 s.
Dit es tuutgheven, in mindering hen van den voorseiden ontfanghe.
Eerst, omme sbaillius wedden van deser rekeninghe, 16 ℔, 13 s. 4 d.
Item, betaelt van der uutinghe van Willem den Man, dats te wetene van der scrine van den grave, van waslichte, van ludene ende anders, 4 ℔, 4 s.
Item, betaelt eenen knecht dienende met den voorseiden Willem de Man, wien men sculdich was van zinen dienste van 2 jaren, 5 ℔, 2 s.
Item, betaelt twee wijfs, die Jaket de Pistoye achterwaerden, 36 s.
Item, betaelt van der uutinghe van Jan Harem- bouts kinde, 48 s.
Item, waren ghejusticiert ten Damme metten zwerde 6 personen hiernaer ghenoomt, warof de 5 ghedolven waren ende de zeste gheset up een wiel, dats te wetene:
Eerst, Ghiselin Camerlin, van Comene; Pieterkin, f. Arnoud, van Oostbnerch; Gheraerd Valke, van Celien, speyhouder van die van Ghend; Boudin Coornuut, van den Damme; Neel de Lethauwere, van Denremonde, volre te Brughe; Willem van Heist, de scoemakere.
Costen van den voorseiden 6 personen:
Eerst, betaelt den priester, van biechten van elken 5 s., valent 30 s.
Item, van justicien ende examinatien van elken 3 ℔, valent 18 ℔.
Item, van enen wiele, maste ende staken, scoren ende naghelen, 28 s.
| |
| |
Somme van den voorseiden uutghevene, 51 ℔ 16 d.
Ende dontfanc draecht, 9035 ℔ 11 s.
Aldus blijket dat de bailliu tachter blijft, 8984 ℔ 9 s.8 d.
Hierof betaelt Minen here in sinen handen, also blijct bi zijnen lettren, 3000 ℔.
Rest dat hi sculdich blijft, 5984 ℔, 9 s., 8 d.
Op den rug: Compte Henri Strobbe, bailliu du Dam, fait à Lille le 4e jour de May, l'an -83.
Rol-Rekening, nr 1427.
| |
| |
| |
Damme.
C 1383-1384 (5 Mei-2 Maart).
Dit es de rekeninghe Heinric Strubbes, bailliu van den Damme in dien tiden, van al dat hi ontfanghen heitt, gheheven ende uteghegheven van den proffiten ende exploten van der voorseider baillie ende datter toebehoort, zident den 5sten dach in Meye, int jaer 1383, tote den andren dach van Maerte naervolghende. Ghedaen te Rijssele, den vorseiden andren dach.
Ende es te wetene dat, alzoot kenlijc es, men bin der voorseider tijt gheene wet ghedaen heift van boeten noch anderen rechte onsen gheduchten Heere toebehorende, mids der onruste die die int land gheweist heift.
Eerst, ontfaen van messeliken calaengen, die de bailliu gheleit hadde, waerof hi, omme beters wille ende naer den gheleghenen tijt, heift laten compozeren.
Diederic de Oesterlinc, ghecalengiert van dat hi een mes ghetrocken zoude hebben up eenen scipman, wies name dat men niet gheweten conde, ontfaen 32 ℔.
Heinric f. Betten, ghecalengiert van dat hi een
| |
| |
mes ghetrocken zoude hebben up Arnoud Vlaetscaep, dewelke Heinric een mate cnape was, ontfaen 6 ℔.
Pieter Dorre, ghecalengiert van dat hi een mes ghetrocken zoude hebben up eenen Pieter Tand, over denwelken Pieter, midsdat hi een mate cnape was, vele goeder lieden spraken ende baden, ontfaen 48 ℔.
Jacob van Belle, ghecalengiert van dat hi up de speye, in presentien van den bailliu, een mes trac up Willem Ryveels zone, waenor de voorseide Jacob langhe tijt ghevanghen lach, ende baden over hem vele goeder lieden, ontfaen 36 ℔.
Jhan Steppe, ghecalengiert van dat een mes gheworpen zoude hebben naer eenen cnape, gheheeten de Keghelare, ontfaen 4 ℔.
Heine de Baermakere, ghecalengiert van dat hi ghesleghen zoude hebben metter vust Willekin Lamparde, die ten Damme in de vanghenesse woond, ontfaen 3 ℔.
Clais Sceppere, gliecalengiert van dat hi een mes ghetrocken zoude hebben up Hectorre van Mullem, pais ghemaect ter bede van goeden lieden, ontfaen 12 ℔,
Heine Stasins, ghecalengiert van dat hi ghesleghen zoude hebben met eere baerthaex naer Heine Stevins, pais ghemaect ter bede van goeden lieden, ontfaen 18 ℔.
Wouter Zabbe, ghecalengiert van dat hi ghevreest zoude hebben met eenen messe eenen Wouter Duerghijs, ommedat hi gheseit zoude hebben dat hi van zijnen goede hadde, ende contrarie worden onsen voorseiden Heere ende zijnen vrienden ghesproken, van derwelker calaenge, den bailliu altoos blivende anders up sijn goede recht, waert dat hi yet van hem vername, hi den voorseiden Wouter Zabben heift laten compozeren omme 60 ℔.
| |
| |
Item, ghecalengiert eenen Paselni van Utrecht, backere, ende eenen Pieter Leis, van dat zij onredelike deen an den andren zouden hebben, ende ghesleghen met vusten, ontfaen van elken 3 ℔, valent 6 ℔.
Somme van den voorseiden parcheelen, 225 ℔
Dit zijn de calaengen die de bailliu voorseit gheleit heift up da persone hierna verclaerst, als van goede, dat zij onder hem ghehadt hebben zouden, toebehorende den vianden ons gheduchts Heeren.
Eerst, ghecalengiert Jhan f. Boudius Tangs, van dat hi onder hem ende in handen ghehadt zoude hebben zevene vate wijns van Poitau, daeran dat Jacob de Brauwere, van Brugghe, dewelke gherumt es in contrarien van onsen gheduchten Heere, deelachtich gheweist zoude hebben, waerof de voorseide bailliu den voorseiden Jhanne f. Boudins Tangs in vanghenessen dede, daer hi langhe lach, ende ne conste niet bevinden dat de voorseide Jhan meer onder hem hadde, den vorseiden Jacobbe toebehorende, dan 30 vranken, die hi hem ghelevert hadde, elken vranke van 36 groten; ende, boven desen, eer de vorseide Jhan uter vanghenessen quam, nam de vorseide bailliu soffissante zekere ende borechtacht, waert dat men bevonde bin eere zekere tijt, dat de voorseide Jhan meer goeds onder hem hadde, den voorseiden Jacobbe toebehorende, dat hi ende sine borghen dat uprechten ende betalen zoude, ontfaen 54 ℔.
Pieter Vighier, ghecalengiert van dat hi onder hem ende in handen ghehadt zoude hebben zekere quantiteit van ghelde toebehorende Heinricke van Leyns, dewelke desghelike in contrarien van onsen voorseiden Heere gherumt es, waenof de voorseide bailliu niet bevinden conste dats meer was dan 10 ℔ grote, die hi ontfinc, valent 120 ℔.
| |
| |
Jhan Parijs, ghecalengiert ende bevonden dat hi Jhan Droghenappe, dewelke gherumt es in contrarien ons gheduchts Heeren, sculdich was 8 vranken, die ontfaen bi den bailliu voorseid, 14 ℔ 8 s.
Item, vant de bailliu voorseid drie pont groten tournois, toebehorende Pieter Cauwen als van der reste van den cope van eenen scepe, dat Philips Ferrand in tiden verleden jeghen hem ghecocht hadde, dewelke Pieter medeplegher es in contrarien van onsen voorseiden Heere met dien van Ghend, ontfaen 36 ℔.
Item, quam van den live ter doot een Jhan Brand f. Willems, van Eeclo, die ghetrauwet kind was, dwelke goed verstaerf up zijne weduwe ende 4 zijne kinderen waenof de 3 vor oghen quamen ende tvierde niet ne comt, mits denwelken an sijn deel hand slouch de bailliu vorseid als over stragiers, ende heift er of ontfaen, ghelijc den anderen, 10 ℔.
Tierin de Vos, ghecalengiert van dat hi, boven eenen verbode ghedaen bin den Damme metter clocke, daer hi water ende weede bin der stede nam, gherooft hadde 6 koyen, die de bailliu bevand, daeran dat hi hand slouch, ende vercocht se eenen Gheeraerd f. Pieters omme 18 ℔.
Ghiselbrecht van Wellincwijc, ghecalengiert van dat hi, commende van Brugghe ten Damme ende met hem bringhende eene grote quantiteit van coen, die hi te Brugghe ghecocht hadde, treckende ten Damme voorseid buter Blochidepoorte, midsdat hi eene koe van den zijnen verloren hadde, also hi seide, daer hi vant staende vele coen, diverse lieden toebehorende, waenof hi eene nam ende brocht se met eenen bande in zijnen hoop; dwelke den bailliu vor ooghen quam, ende calengierdene daeiof, ende, midsdat goede lieden daeromme baden, liete de bailliu composeren omme 60 ℔.
| |
| |
Willem Poykin, ghecalengiert van dat hi, bi nachte aweet doende ten Damme, ute zijnen aweete ghesceeden zoude hebben, ende met eenen scepe over de veste ghevaren teenen andren scepe, daer hi visch ghevonden zoude hebben, ende daerof eene quantiteit ghenomen; waenof clachte vor den bailliu quam, diene daerof in vanghenessen dede, daer hi langhe lach, ende ter bede van goeden lieden lieten de bailliu compozeren, ende ontfincker of 18 ℔.
Somme, 330 ℔ 8 s.
Ontfaen van diveersen cooplieden, hierna verclaerst, van wijnen ende haringhe, die de bailliu, vant bin den Damme ten tiden dat onze gheduchte Heere den wijch gewonnen hadde te Roesbeke.
Eerst, van Jhanne de le Saus, van 21 vaten, ghecompozeirt omme 120 ℔.
Item, van Bertolf Scapinharste ende Christiane, zijnen broeder, van 12 lasten, 36 ℔.
Item, van Willem Zeghers, van 17 vaten, 80 ℔.
Item, van Jhanne den Juede, van Oestborgh, over Jhanne den Mersman ende Willem den Mersman, van 8 last harincx, ghecomposeert, 36 ℔.
Item, van Wouter den Prop ende Denijs, zijnen broeder, van 6 last harincx, 36 ℔.
Item, van eenen Oesterlinc, ghenaemt Tydeman Smijt, dewelke onder hem hadde eene quantiteit van sperren, van denwelken hem de bailliu daerof liet compozeren omme 34 ℔.
Item, vant de bailliu in de Reye, ligghende onder dwatere, eenen quaden seuy, daeran hi hand slouch, midsdat hi iemene van Ghend toebehoorde, denwelken hi vercocht eenen Pieter Scuppelin, ende ontfincker of 9 ℔, 12 s.
Item, was een Clais van den Eesine, poorter ende
| |
| |
makelare ten Damme, ghisele te Ghend langhe tijt eer onze voorseide Heere den wijch wan te Roesbeke, dewelke Clais in zijn huus in die tijt zijn wijf ende mesnieden liet wonende omme de herberghe te houdene, ende, als twijf vernam dat de voorseide wijch ghewonnen was, trac zoe met haren besten ende ghereetsten juweelen te Ghend binnen, daer zoe noch es; ende, ten eersten dat de bailliu vernam, trac hi int voorseits Clais huns, daer hi vant thuus wesende Rugger van Woumen, capitain van den West-Vryen, ende slouch hand an alt goed dat hire vant, waenof de parcheelen hierna volghen, dats te wetene: Eerst, 9 bedden onder quaet ende goed, item 6 paer quader lijnlakene, 6 oercussine, 2 dwalen, 2 scolakene, 12 quade zittecussine, een scrine, een cofere, 2 tafelen, 2 paer scraghen, 2 metaline candelaers, 2 yserine candelaers, 6 boffetten, eenen zetele, 2 beckine, een handvat, 2 metaline potten, 2 witte ketelen, 2 zwarte ketelen, 2 yserine spete, twee potysere, eenen roestere, eenen crauwele, 3 tanghen, 2 kemeneele, 2 stope, 4 vierendeele, 3 tinnine zoutvate, 28 stic tinnints wercx, onder scotelen ende saeusieren, een badecupe, 3 lijze, een quaet contoerkin, eenen hoorne hanghende in den vloer, ende messelike andere huushalamen; dewelke voorseide parcheelen de voorseide bailliu den voorseiden Rugger, omme beters wille ende naer den gheleghenen tijt, midsdatter niemen quam, die tgoed calengierde noch hem principael daerof maecte, liet beseghen ende orboren, alsolanghe als hi leifde ende capitein was vanden Vryen vorseid bin den Damme, ende, als hi commen was live ter doot, zo slouch de voorseide bailliu weder hand ant voorseide goed, ende vant grotelike gearecht, ende vercocht omme 60 ℔.
Item, vant de voorseide bailliu in den kelnare
| |
| |
onder thuus, daer de voorseide Clais te wonene plach, een vat houder tenten al eggheric, dwelke hi niet ne wiste wient toebehoorde, ende vant zeer wan, ende, midsdatter niemen cam diere hand an slouch, vercocht de voorseide bailliu Spanjaerde te buveragen, ende ontfinc derof 32 ℔.
Item, ghecalengiert eenen Oesterlinc, van dat, hi, ter Sluus zittende up den steeghere omme int scip te gane ende ten Damme te commene, onrible worden gheseit zoude hebben, contrarie onsen voorseiden Heere, waenof hem eeneghe personen, ten Damme van den Vryen ligghende, achtervolgheden, dient den voorseiden bailliu te kenne gaven, die den voorseiden Oesterlinc derof in vanghenessen dede, ende ne bevant de worden niet zo zulc, hi ne lietene derof composeren, 36 ℔.
Item, ontfaen van der huere van drien husen staende jeghenover tVleeschuus ten Damme, wijlen, eer dorloghe upquam, toebehorende der Stede van Ghend; ende van der huere van tween cameren wijlen toebehorende der Stede vorseit, staende neffens den voorseiden Vleeschuze, (van 1 jare uutghaende te Meie eerstcommende), 48 ℔.
Item, vant de bailliu voorseid in Jacop Torins huus 9 sticxkine lijnwaets, lanc wesende 41 ellen; item, eene faelge ende een lanc cleet ghevoedert; al toebehorende Wouter Rapen, die te Rijsele onthooft was, dat hi contrarie was onsen gheduchten Heere; dewelke parcheelen de bailliu vercochte, ende ontfinker of 36 ℔.
Somme, 553 ℔. 12 s.
Ontfaen van tastaerdengoede.
Eerst, van den goede bleven naer de doot van Jhanne den Ruddere, die bastaerd was ende een
| |
| |
mate cnape, naer wien bleef een quaet husekin ghedect met stro, staende in de Blochide, 3 bedden, 2 paer lijnlakenen, een quaet scrinkin, een scrap- rade, 2 lijze, eenen ketele, 2 vierendeele, 2 tenine stopen ende andere messelic huushalaemkin, waenof Minen voorseiden heere de heeltsceede toebehoorde ende dander heiltstede der weduwe, dwelke goed vorseid de bailliu ghemate vant, ende liet de voorseide wedue derof compozeren omme 6 ℔.
Item, van eenen westerschen scuutkine, toebehorende Willem Waermos, dewelke bastaerd was, ende den bailliu te kenne ghegheven was dat hi bleven was ten stride te Dunkerke, dwelke de bailliu vercochte Jhanne den Bassere, ende hem ghelovede, waert dat de voorseide Willem niet doot ne ware, ende voor oghen quame aleer de bailliu voere ter rekeninghe ende scuutkins niet ghebruken mochte, hem daenof warand te zijne; ende es zijdent de voorseide Jhan commen an den bailliu, zegghende dat hi noch levende man es ende zijn scip ghecalengiert heift, waenof hem de bailliu niet verandworden wille, midsdat de voorseide Willem zelve niet voor oghen comt, ende heift ontfaen van den voorseiden scuutkine 60 ℔. (Nota).
Itrm, van den goede blivende naer de doot van Stasin den Vogel, die bastaerd was ende gheboren van Ypre, naer wien bleef een huzekin staende up den Groenendijc, 2 bedden, 2 netten, coetsen, saergen, lijnlakenen, scolakenen, zijne cleederen ende zijns wijfs, ende andere messelike huushalame, daenof datter niet vele was, waenof de voorseide bailliu der voorseider wedue van huse ende cateile liet compozeren omme 60 ℔.
Item, van den goede bleven na de doot van Ghijs den Backere, die bastaerd was, naer wies doot
| |
| |
bleef een huus, staende ten Damme in den Pit bi den Crane, item 2 bedden, 4 paer lijnlakene, onder qaaet ende goed, potten, pannen ende andere messelike huushalame, van denwelken goede onsen voorseiden Heere deene heeltscheede toebehoorde ende der weduwen dander heilt; midsdat de bailliu tvoorseide huus ende goed zo belast vant met sculden, liet hi hem derof ofcopen, ende ontfincker of 54 ℔.
Item, quam van live ter doot een Maykin, Jhans kind van Werkine, dwelke bastaerd was, naer wies doot bleven 3 ℔ groten, die hem de vader ghegheven hadde, 36 ℔.
Item, quam van live ter doot bin der Monikereede een Tannekin, Jhan f. Clais sWevers kind, dwelke bastaert was, naer wies doot de bailliu van den Damme vant dat men den voorseiden kinde sculdich was bin den Damme voorseid 14 s. grote, die de bailliu ontfinc, valent 8 ℔ 8 s.
Item, quam van der live ter doot een Willem f. Piers, die bastaerd was, dewelke van buten in de stede quam, ende met hem brochte drie coen ende gheen ander goed, an dewelke coen, als hi commen was van live ter doot, de bailliu hand slouch ende vercochte omme 12 ℔.
Item, vant de bailliu voorseid naer de doot van sMarien, Ysen dachter ute Zeeland, eene camere ghedect met stro, staende bi der Stroporte, int straetkin zonder ende, an dewelke de bailliu hand slouch, mitsdatter niemen quam, die de camere calengierde noch hem hoir maecte, ende vercocht se over bastaerdegoed ende ontfinc derof 6 ℔.
Item, quam van den live ter doot een Stasin Leyscoof, scipman, die bastaerd was, naer wies doot bleef tvierendeel van eenen scepe, 2 quade liuusen belast met vele renten, 3 bedden, lijnlakene, sco- | |
| |
lakene, cussine, scotelen, plateelen, ende andere messelike huushalame, waenof deene heiltsceede van al toebehoorde Minen gheduchten heere ende dander heiltsceede der weduwen, dwelke goed onsen voorseiden Heere toebehorende de bailliu vercochte, ende ontfinc derof 32 ℔.
Item, quam van den live ter doot een mate cnape, gheheeten Jhan de Telre, naer wies doot bleven twee bedden ende andere mate huushalame, waenof de heiltsceede onsen voorseiden Heere ende dander der wedue, waenof de bailliu liet composeren der weduwe, ter bede van goeden lieden, mitsdat de staet zo mate was, ende ontfinc derof 6 ℔.
Item, vant de bailliu, naer de doot van Kateline Betten f. Gheerolfs weduwe ute Zeeland, een husekin staende bi der veste bi der Vriesscher waerde, een bedde, 2 paer lilakenen, stoele, banken, houtine scotelen ende andere messelike huushalame, dwelke, midsdat tvoorseide wijf bastaerd was, de bailliu met alle vercochte omme 12 ℔.
Item, quam van den live ter doot een Callekin, Katelinen Figheroots kind, dwelke bastaerd was, naer wies doot bleven drie bancleederen, twalef zittecussine, 3 bedden, 3 zetels, 22 stic, onder scotelen, plateelen, sausieren ende andere messelike huushalame, dwelke de bailliu vercochte omme 19 ℔.
Item, vant de bailliu, naer Hellen, Jhan f. Willems dachter van Zeeland, dewelke bracht hadde van live ter doot eene Kateline, Zeghers dachter van den Walle, dewelke Heile te Zeeland waerd ghetrocken was, een quaet beddekin, een paer slaep- lakenen, 3 cussine, 3 boffetten, houtine scotelen ende andere quade huushalame, die de bailliu vercochte, ende ontfincker of 6 ℔.
Somme van den voorseiden parcheelen 317 ℔ 8 s.
| |
| |
Somme van al den exploten ende ontfanghe van der voorseider baillie van den Damme 1426 ℔ 8 s.
Ontfaen bi Jhanne den Vriesen, bailliu van Monekereede ende van den Houke, van messeliken calaengen, daenof hi heift laten compozeren.
Eerst, ghecalengiert eenen Jhan Suun, scuut voerre van Brugghe, van dat hi ghevreest zoude hebben met eenen stave eenen Jacob van der Pollanen, scipman van Brugghe, ende, midsdat de voorseide Jhan Suun een mate cnape was, lietene de bailliu compozeren, ende ontfinker of 6 ℔.
Item, ghecalengiert eenen Jan de Bast, van dat hi, als dInghelsche int land waren, een forchier ghevischt soude hebben in ons voorseits Heeren stroom, waenof hi den bailliu niet te kenne gaf, maer verstont van andren lieden, ende, als hijt verstaen hadde, leide hine derover in vanghenessen, ende, mitsdat een mate cnape was, liet hine derof composeren omme 6 ℔.
Item, Philippe van der Nieupoort, ghecalengiert van dat zoe eenen corten roc, toebehorende Clais Buucx wive, uten weghe ghedaen soude hebben, denwelken men binnen eenen sticke tijts niet ne vant, daerover dat se de bailliu in vanghenessen dede, ende, ter bede van Clais Buke vorseid, die haer meester was, ende daer zoe mede diende ende lettel derof wiste, liet se de bailliu voorseit composeren omme 8 ℔.
Item, vant de bailliu voorseid naer de doot van eenen Willem f. Willems f. Arnouds, dewelke contrarie bleef onsen vorseiden Heere ten wighe van Roesbeke, 80 roeden groenre meeden, lettel min of meer, dewelke de voorseide bailliu vercochte, ende ontfinker of 14 ℔.
| |
| |
Item, Reynier, f. Wouters Coops, poorter ter Muden, ghecalengiert van dat hi ghecommen soude hebben ten Houke, ridende up een paert met eenen ghetroc- kenen zwerde, al zijdent dat dInghelsche uten lande waren, dwelke hem toequam bi dronkenscepen, ende waenden de lieden, dat hi also quam, dat hadde gheweist bi vreesen dat dInghelsche wederghecommen hadden; waenof dattene de bailliu in vanghenessen dede, daer hi langhe lach; ende ooc, mids der vreese die de lieden hadden, lieper vele int water; ende, ommedat hem quam ute dronkenscepen, also voorseid es lietene de voorseide bailliu ter bede van goeden lieden composeren omme 60 ℔.
Item, ghecalengiert eenen Jhan, f. Jhans f. Lambrechts van den Houke, van dat hi ghe vreest zoude hebben met eenen messe eenen Kerstiaenkin Maes, van den Houke, waenof de bailliu, ter bede van den goeden lieden, den voorseiden Jhanne liet composeren omme 8 ℔.
Item, ghecalengiert eenen Huughskin Dachver- lies ende eenen Quintin van Spaenjen, van dat sij onredelike deen an den anderen gheweist zouden hebben ende ghesleghen met vusten, ontfaen van elken 48 s. valent 4 ℔ 16 s.
Somme van den voorseiden parcheelen, 106 ℔ 16 s.
Ontfaen van bastaerdegoede.
Eerst, quammer van den live ter doot een Tannekin, Jhan f. Clais sWevers kind, naer wies doot de bailliu voorseid bevand dat men hem sculdich was bin zijre baelgie 14 s. groten, die hi ontfaen heift, valent 8 ℔ 8 s.
Somme, 8 ℔ 8 s.
| |
| |
Somme van den ontfanghe van der Monekereede ende van den Houke, 115 ℔ 4 s.
Somme van al den ontfanghe van den Damme ende van der Monekereede ende van den Houke, 1541 ℔ 12 s.
Dits dufegheven in minderinghen van den vorseiden ontfanghe.
Eerst, omme sbaillius wedden van desen twee rekeninghen, 33 ℔, 6 s., 8 d.
Item, waren ghejusticijert ten Damme metten zwerde 7 personen, hierna ghenoomt, waenof de zesse ghedolven waren ende de sevenste gheset up een rat, dats te wetene:
Wouter de Zanghere.
Jhan Heldegoot.
Pieter van Eywerve.
| Jhan Brunman, |
} van Leeuwerghem. |
| Heinric van den Dale, |
} van Leeuwerghem. |
Maertin dYzerin.
Pieterkin van den Hille, van Ypre.
Costen van den vorseiden zeven personen:
Eerst, betaelt den priester, van biechtene, van elken 5 s., valent 35 s.
Item, van justicien ende examinatien, van elken 3 ℔, valent 21 ℔.
Item, van eenen wiele, maste, staken, scoren ende naghelen, 28 s.
Somme van den voorseiden uteghevene, 57 ℔, 9 s. 8 d.
Ende dontfanc draecht 1541 ℔, 12 s.
Aldus es de bailliu sculdich ende tachter 1484 ℔, 2 s. 4 d.
| |
| |
Op den rug: Compte Henri Strobbe, bailliu de Dam, depuis le 5e jour de May l'an -83 jusques au second jour de Mars ensuivant, fait.... à Lille.
Rol-Rekening, nr 1429.
| |
| |
| |
Damme.
D 1384 (2 Maart-19 September).
Dit es de rekeninghe Heinric Strubbes, bailliu van den Damme in dien tiden, van al dat hi ontfanghen heift, gheheven ende uteghegheven van den profiten ende exploten van der voorseider baillie ende datter toebehoort, zijdent den andren daghe in Maerte, int jaer -83 toten 19sten daghe in Septembre int jaer -84. Ghedaen te Rijssele.
Ende es te wetene dat, alzoot kenlic es, men bin der voorseider tijt gheene wet ghedaen heift van boeten noch andren rechte onsen gheduchten Heere toebehorende, zonder zident den vijfsten daghe in Ouste laest verleden.
Eerst, ontfaen van messeliken calaengen, die de bailliu gheleit hadde, waenof hi omme beters wille ende naer den gheleghenen tift heift laten compozeren.
Eerst, van calaengen van twiste van drien ponden, waenof Minen heers de tweedeel toebehoren zoude, ende terde der Stede ende partien.
Kateline van Ghistele, ghecalengiert van dat zoe ghesleghen zoude hebben metter vust naer eenen Wouter Duerghijs, dewelke Kateline een mate wijf was, mids denwelken, midsdat men gheene wet ne dede, de bailliu haer liet compozeren omme 3 ℔.
| |
| |
Clare, Foyter Gheerolfs werdinne, ghecalengiert van dat zoe onredelike gheweist zoude hebben an Grielen van Noortdike ende ghesleghen metter vust, ontfaen 3 ℔.
Marie, Jan Boudins dochter, ghecalengiert van dat zoe ghesleghen zoude hebben met harer vust eene Kateline, Gillis Edelmans wijf, dewelke Marie een mate wijf was, mids denwelken de bailliu haer liet compozeren omme 48 s.
Boudin van der Ee, ghecalengiert van dat hi met eenen croeze gheworpen zoude hebben naer eenen Jan f. Boudins van den Walle, over denwelken Boudin goede liede baden, mits denwelken de bailliu hem liet compozeren omme 3 ℔.
Tielman f. Godeverts, ghecalengiert van dat hi ghesleghen zoude hebben metter vust eene Neese ute Zeeland, pais ghemaect omme 40 s.
Gillis f. Jacobs, ghecalengiert van dat hi ghesleghen zoude hebben met eenen scipbome eenen Dankaert f. Jans, pais ghemaect omme 3 ℔.
Jan de Woellere, ghecalengiert van dat hi ghesleghen zoude hebben metter vust an een Jacob Bontenaet, pais ghemaect, ende daerof ontfaen 3 ℔.
Jacob f. Betten, ghecalengiert van dat hi ghesleghen zoude hebben met eenen stocke naer Clais Splentren, waenof de bailliu liet composeren omme 44s.
Jan Deyaert, gecalengiert van dat hi ghesleghen zoude hebben metter vust eenen Pieter Tand, pais ghemaect, ter bede van goeden lieden, 3 ℔.
Jan Landaes, ghecalengiert van dat hi ghesleghen zoude hebben metter vust Gregoris Gombeert, waenof hem de bailliu liet compozeren omme 3 ℔.
Jan f. Pieters sRovers, ghecalengiert van dat hi ghesleghen zoude hebben metter vust eenen Pieter Zoetaerd, pais ghemaect omme 46 s.
Somme van den voorseiden calaengen, 29 ℔. 18 s.
| |
| |
Ontfaen van calaengen van twiste van 60 ℔.
Eerst, Willem Roelin, ghecalengiert van dat hi ghesteken zoude hebben met eenen messe eenen Lievin Crooc, waenof de bailliu liet composeren, mitsdat hi duchte ghebrec te hebbene van wareden, ende ontfinker of 6 ℔.
Lauwers de Mol, ghecalengiert van dat hi een mes ghetrocken zoude hebben up Loye den Grijsen, waenof dattene de bailliu liet compozeren omme 16 ℔.
Arnoud de Moolnare, ghecalengiert van dat hi een mes ghetrocken zoude hebben up Jacop Maren, pais ghemaect, ter bede van goeden lieden, 12 ℔.
Jacop Mare, ghecalengiert van dat hi een zwert ghetrocken zoude hebben up Arnoude den Moolnare, dewelke Jacob een mate gheselle was, mits denwelken dattene de bailliu liet composeren omme 20 ℔.
Pieter Zoetaert, ghecalengiert van dat hi ghesteken zoude hebben met eenen messe eenen Jan f. Pieters sRovers, dewelke Pieter een mate cnape es, mids denwelken de bailliu voorseit ter bede van goeden lieden hem liet composeren omme 24 ℔.
Clais Cottoen, ghecalengiert van dat hi bi nachte ghevreest zoude hebben met eenen messe eenen Jan den Wielwerker, die men heet Quaetcoop, denwelken Clais, midsdat de bailliu gheene waerhede daerof ghevinden conste, hi liet compozeren, 6 ℔.
Gregoris Gombeert, een mate cnape dienende ten Damme, ghecalengiert van dat hi ghevreest zoude hebben met eenen messe eenen Jan Landaes, denwelken de bailliu ter bede van goeden lieden liet compozeren omme 16 ℔.
Somme van den voorseiden calaengen, 100 ℔.
| |
| |
Ontfaen van goede toebehorende eeneghen vianden ons gheduchts Heeren.
Eerst, van Philipse van Steeland, van eenen quaden seykine, dat de bailliu onder dwater vant ligghende, ende daer langhe gheleghen hadde, dwelke de bailliu den voorseiden Philipse vercochte omme 6 ℔.
Item, vercochte de bailliu voorseid noch den voorseiden Philipse een quaet seykin, dwelke met alle ghescuert was ende te broken, toebehorende eeneghen van Ghend, omme 4 ℔. 4 s.
Item, quam van den live ter doot eene Kateline van der Scuere, Jhans wijf van der Scuere, van wies goede tachtende deel toequam eenen Jan Scoonackere, waeran de bailliu hand slouch, mitsdat hi ghetrocken was metten vianden ons gheduchts heeren, dwelke de bailliu vercochte ende ontfingher of, in avenande van den anderen aeldinghers, 12 ℔.
Item, quam van den live ter doot een her Jan van der Couse, prochipape van Axele, dewelke bin der voorseider prochie van live ter doot quam, naer wies doot de bailliu bevand bin der stede van den Damme, onder den heere Pieter den Bliden, dictus de Orghelare, den voorseiden heere Janne toebehorende, drie zelverine scalen, eenen rieme met zelvere besleghen, twee messe besleghen met zelvere, dwelke met alle wouch in den cant van drien maerc zelvers, ant welke, mitsdat de voorseide her Jan staerf bin den Ghendschen onder ons gheduchts Heeren vianden, de bailliu hand slouch, ende ontnnker of 25 ℔. 4 s.
Item, vant de bailliu voorseid bin der stede van den Damme, den voorseiden heere Janne van der Couse toebehorende, een ladekin met brieven van ervelike renten ende van ervachticheden ende van lijfrenten.
Item, vant de bailliu bin der stede van den Damme,
| |
| |
drie bedden, drie coetsen, drie paer lilakene, drie saergen, twee bancleederen, zesse zittecussine, twee tenine stopen, drie vierendeele, drie tenine candelaers, achte ende twintich onder scotelen, plateelen ende sausieren, viere witte ketelen ende twee zwarte, drie potte metalin, eene yserine huve met caken, ende een lettel garents, ende andere quade huushalame toebehorende Jan Droghenap ende zijnen wive, dewelke Jan gherumt was metten quaden van Ghend, ende zijn wijf thuus bleef, mits denwelken de bailliu voorseid hand slouch an tvoorseits Jans deel, ende vercocht, ende ontfinker of 12 ℔.
Item, zo vant de bailliu voorseid bin der stede van den Damme, in een scip ligghende in de Reye, sesse balen met lakenen ende andere goede, waeran de bailliu hand slouch, ende deid se upt land doen ende husen, ende bevant onder de voorseide balen een cleene pac met Inghelsche lakenen, toebehorende Anthonis den Lombaert ende zijne ghesellen, dwelke hi calengierde over verbuert, zodat de voorseide Antonis zoverre vervolghde an de heeren van Mijns gheduchts heeren Rade, dat de bailliu bevel hadde bi lettren van den Ontfanghere, dat hi de voorseide lakene delivererde, ende de voorseide Anthonis compozeirde jeghen de voorseide heeren van den Rade van den voorseiden lakenen omme 196 ℔.
Item, zo vant de bailliu voorseid dat een Stasin van Ockighem, poorter ende makelare ten Damme, sculdich was eenen Jacob van der Colve, dewelke te Brugghe ghejusticijert was, twee pond groter tournois, dewelke hi calengierde ende ontfinc se te ons gheduchts Heeren bouf, valent 24 ℔.
Somme van den voorseiden parcheelen, 279 ℔. 8 s.
| |
| |
Ontfaen van bastaerdengoede.
Eerst, bevant de bailliu voorseid bin der stede van den Damme sestiene hoet corents, twee quade bedden, eenen pot, twee ketelen, een tafele, twee scraghen, eenen stoop, twee vierendeele, een beckin, een handvat, twee scrinen, daenof in deene was in den cant van eenen hoet lijnzaets, ende in de andere niet, scolakene, dwalen ende andere messelike huushalame, al toebehorende Wulfaerde van Moerkerke, ten tiden dat hi levede, dewelke bastaert was ende te Moerkerke quam van den live ter doot; dwelke de bailliu vercocht svoorseits Wulfaerts wedue, wien de heiltscheede van al den parcheelen toebehoorde, ende ontfinker of 36 ℔.
Item, quam van den live ter doot een Jhan f. Jhans de Zeelandere, dewelke bastaerd was ende een mate cnape, naer wies doot de bailliu bevant twee quade cameren ghedect met stroo, ende een cleene dravende paerdekin, waenof Minen heere de heiltscede toebehorde, ende dander heiltsceede der wedue, dwelke goed de bailliu zo ghemate vant dat hi der wedue derof liet compozeren, ende ontfinker of 6 ℔.
Item, quam van den live ter doot bin der stede van den Damme eene Zoete Moye, van Zeeland, dewelke bastaerd was, naer wies doot bleef een bedde, een saerge, een paer lijnlakenen, drie camme daer men wulle mede camt, houtine scotelen ende stoelen, dewelke de bailliu met alle vercochte, ende ontfinker of 4 ℔.
Item, quam van den live ter doot, in tiden verleden, een Callekin, Kateline Figheroots kint, dwelke bastaert was, naer wies doot bleven zekere parcheelen van goede, waenof de bailliu in zijne laetste rekeninghe rekende, ende daerboven zijdent bevonden heift, den voorseiden kinde toebehorende, drie paer
| |
| |
perline cnoppen, een zwarte faelge, eens zelversmeits halame ende drie lederne riemkine met zelverine smeltkine, dwelke de bailliu voorseid vercochte ende ontfinker of 14 ℔. 8 s.
Somme van den voorseiden bastaerdengoede, 60 ℔. 8 s.
Ontfaen van bedingheden keuren, waenof Minen voorseiden heere de tweedel toebehoren ende terde der Stede.
Eerst, van Cambroche van Florenche, ommedat hi vremdeman was ende goed bin der stede van den Damme ghecocht ende vercocht hadde, waenof de boete es 50 ℔., ontfaen van Mijns heeren deele 33 ℔. 6 s. 8 d.
Item, van Claise van Zuutvene, van dat hi makelare was ende ghemeent hadde met cooplieden, waenof de boete es 40 ℔., ontfaen van Mijns heeren deele 22 ℔.
Item, van Godevaerte uten Campen, van dat hi coopman was ende ghemeent hadde met makelaers, waenof de boete es 40 ℔., ontfaen 22 ℔.
Item, van Floreinse van Alten, van dat hi wijne verlaten hadde in andren ghebinde dan zij commen ute haren lande, waenof de boete es 50 ℔., pais ghemaect ter bede van goeden lieden, ontfaen van Mijns voorseits heeren deele 24 ℔.
Pieter Steit, als van den zelven, pais ghemaect omme 26 ℔.
Item, van Mahieuwe van den Brouke, van dat hi poorter was van Brugghe ende ghemeent hadde met lieden van buten, van goede dat hi ghecocht ende vercocht hadde bin der stede, waenof de boete es 50 ℔., ontfaen van Mijns heeren deele 20 ℔.
Jacop de Cupere, van dat hi makelardie ghedaen
| |
| |
hadde ende gheen ghezworen makelare was voor scepenen, waenof de boete es 10 ℔., ontfaen 5 ℔.
Heinric Vetbrauwere, als van denzelven, pais ghemaect, mitsdat een mate cnape es, ontfaen van Mijns heeren deele 6 ℔.
Jhan de Gay, pasteidebackere, van dat hi vremder lieder goed ghetapt hadde bin der stede, waenof de boete es 10 ℔., ontfaen van Mijns heeren deele 6 ℔.
Item, van Janne Dop, van dat hi eenen cnape makelare onder hem hadde ghedaen zweren, die niet met hem wonende was in zijn huus ende zijn broot hate, waenof de boete es 10 ℔., ontfaen 5 ℔.
Item, van Stasine van Ockighem, van dat hi zwijnen hilt gaende achter straten zonder herde, waenof de boete es 3 ℔., pais ghemaect van Mijns heeren deel omme 36 s.
Item, van Janne van Adighem van denzelven, 36 s.
Item, van Jacob Maline als van denzelven, 36 s.
Item, van der weduwe Henrix van Hueden, als van denzelven, 36 s.
Item, van Gheluwe Botten, van dat zoe bordeel hilt bin den palen, waenof de boete es 6 ℔., dewelke Bette een mate wijf es, mids denwelken de bailliu haer liet compozeren van Mijns voorseits heeren deele, omme 3 ℔.
Item, van Calle Rondemans, van denzelven. 3 ℔.
Somme van den boeten van den keuren, 182 ℔, 10 s. 8 d.
Somme van alden exploten ende ontfanghe van der voorseider baillie, 652 ℔. 4 s. 8 d.
Ende midsdien dat de bailliu van der Monekereede ende van den Houke zijne rekeninghe niet over ne zende, noch ne brochte den bailliu van den Damme, zo ne rekend hi niet derof.
| |
| |
Dits dutegheven, in minderinghen van den voorseiden ontfanghe.
Eerst, omme sbaillius wedden van deser rekeninghe, 16 ℔. 13 s. 4 d.
Item, als men dinghede van keuren, doe gaf de bailliu voorseid den goeden lieden van der Wet tetene, also men ghecostumeert es, betaelt van haerleder costen 18 ℔.
Item, betaelt van der utinghe van Callekin Figheroots voorseid, dats te wetene van der scrine, van den putte te makene ende van waslichte, 46 s.
Somme van den voorseiden uteghevene, 36 ℔. 19 s. 4 d.
Ende dontfanc draecht, 652 ℔. 4 s. 8 d.
Aldus es de bailliu sculdich ende tachter, 615 ℔. 5 s. 4 d.
Op den rug: Compte Henry Strubbe, bailliu dou Dam, dou terme de Mars, l'an -83 jusques à Septembre l'an -84, fait à Lille.
Rol-Rekening, nr 1431.
|
|
Auteursrecht onbekend