Mastreechter veerskes

[p. 185]

Aovend.

Den aovend vèlt, de zon is weggezònke
Mer 'n gouwe striip die kroent de berreg nog,
Et is of tao en lèste straol kump lònke
Nao 't steerke wat al schiemert in de loch.

----- En in die heilge stèlte zweve
De druim en gook'le bove bèd en weeg,
En onderwijlen is de maon aon 't weve
Door boum en stroek zen zèlverdreùi van leech.

----- En in deen haven duustre
Is 't vögelke dat schrippenteere deit
Zen dankgelispel ier et slaope geit,
En langs de hègge huurt me wäordjes fluustre
Zoe zach dat 't hart ze mer allein versteit.